Boiled Eggs vs Omelette: ఎగ్స్ ని ఎలా తింటే ఆరోగ్యానికి మంచిది..?
ఎగ్స్ మన రోజువారీ ఆహారంలో ముఖ్యమైన ప్రోటీన్ మూలంగా నిలుస్తున్నాయి. కానీ వాటిని తినే తీరు గురించి చాలా మందిలో అనేక సందేహాలు ఉంటాయి. నేరుగా ఉడికించి తినడం మంచిదా..? లేక కూరగాయలతో కలిపి ఆమ్లెట్ రూపంలో తీసుకోవాలా..? అనే ప్రశ్న చాలా మంది లోనూ కనిపిస్తుంది. ఇంతకీ నిపుణులు ఏం చెబుతున్నారో ఇప్పుడు తెలుసుకుందాం.
ఉడికిన ఎగ్స్ లో శరీరానికి అవసరమైన ప్రోటీన్ తో పాటు విటమిన్ A, B12, D, E, ఐరన్, జింక్ వంటి ఖనిజాలు పుష్కలంగా ఉంటాయి. ఒక సాధారణ ఉడికిన ఎగ్ లో దాదాపు 6 గ్రాముల నాణ్యమైన ప్రోటీన్ ఉంటుంది. ఇది శరీర కణాల పునరుద్ధరణకు, కండరాల అభివృద్ధికి ఎంతో సహకరిస్తుంది. ముఖ్యంగా బరువు తగ్గే ప్రయత్నంలో ఉన్నవారు ఉడికిన ఎగ్స్ తీసుకుంటే తక్కువ కేలరీలతో ఎక్కువ ప్రోటీన్ అందుకుంటారు. అదనంగా నూనె లేదా మసాలా పదార్థాలు వాడకపోవడం వల్ల శరీరానికి హానికరమైన కొవ్వులు చేరకుండా ఉంటాయి.
ఆమ్లెట్ లో టమాటా, క్యారెట్, బీన్స్, ఉల్లిపాయ వంటి కూరగాయలు కలిపితే జీర్ణవ్యవస్థకు అవసరమైన ఫైబర్, విటమిన్ లు లభిస్తాయి. ముఖ్యంగా ఉదయాన్నే తినే బ్రేక్ఫాస్ట్ గా ఇది శక్తినిచ్చే ఆహారంగా పని చేస్తుంది. కానీ కొందరు ఆమ్లెట్ తయారీలో ఎక్కువ నూనె, వెన్న, జున్ను వంటి అధిక కొవ్వు పదార్థాలు వాడుతారు. ఇలా చేస్తే ఆరోగ్యానికి ఉపయోగకరమైన ఆహారం హానికరంగా మారుతుంది. ఎక్కువ కేలరీలు, కొవ్వు శాతం పెరగడం వల్ల గుండె సమస్యలు వచ్చే ప్రమాదం పెరుగుతుంది.
ఉడికిన ఎగ్స్ తినడం వల్ల తక్కువ నూనెతో ఎక్కువ ప్రోటీన్, ఖనిజాలు అందుతాయి. అయితే ఆమ్లెట్ లో కూరగాయలు కలవడం వల్ల పోషక విలువలు ఇంకా పెరుగుతాయి. కానీ ఇందులో నూనె పరిమితంగా వాడాలి. తక్కువ నూనెతో తయారైన ఆమ్లెట్ శరీరానికి నెమ్మదిగా శక్తిని అందిస్తుంది. అలాగే గర్భిణులు, శారీరక శ్రమ ఎక్కువగా చేసే వారు మాత్రం ఆమ్లెట్ రూపంలో తీసుకుంటే శక్తిని పొందగలరు.
ఎగ్స్ ని ఎలా తినాలో అనే విషయం పూర్తిగా వ్యక్తిగత అవసరాలపై ఆధారపడి ఉంటుంది. బరువు తగ్గాలని భావిస్తున్న వారు ఉడికిన రూపంలో తీసుకోవడం ఉత్తమం. కండరాల పెరుగుదల కోసం ప్రోటీన్ అవసరం ఉన్నవారు ఆమ్లెట్ తీసుకోవచ్చు. కానీ ఈ రెండింట్లోనూ పరిమిత మోతాదు పాటించడం ముఖ్యమైన విషయం. అలాగే ఎగ్స్ నాణ్యత ఉన్నవే తీసుకోవాలి.
ఎగ్స్ ఆరోగ్యానికి ఎంతో మేలు చేస్తాయి. కానీ వాటిని తినే పద్ధతి.. తయారీ విధానం సరైనదిగా ఉండాలి. తక్కువ కేలరీలు కావాలంటే ఉడికిన ఎగ్స్ మంచి ఎంపిక. శక్తి అవసరం ఉన్నవారికి కూరగాయల ఆమ్లెట్ ఉపయోగకరం. మన శరీర అవసరాలను బట్టి ఏ రూపంలో అయినా తినవచ్చు.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)