Breaking News
  • భారత్ లో వేగంగా పెరుగుతున్న కరోనా కేసులు, మరణాలు. గడిచిన 24 గంటల్లో కొత్తగా 24,248 కేసులు, 425 మంది మృతి. దేశవ్యాప్తంగా 6,97,413 కేసులు,19,693 మంది మృతి. దేశ వ్యాప్తంగా 2,53,287 యాక్టీవ్ కేసులు,4,24,433 మంది డిశ్చార్జ్. దేశంలో 60.77 శాతానికి చేరిన కరోనా రికవరీ రేటు. కేంద్ర ఆరోగ్య మంత్రిత్వ శాఖ.
  • హైదరాబాద్‌లో లాలాపేట పరిధిలో సాధారణ ఇంటికి రూ.25 లక్షల కరెంట్ బిల్లు. మార్చి 6 నుంచి జులై 6 వరకు బిల్లు తీశారు. ఈ నాలుగు నెలల్లో 34,5007 యూనిట్లు విద్యుత్ వాడినట్లు చూపించి.. ఏకంగా రూ. 25,11,467 బిల్లు వేశారు.
  • మహేష్ భగవత్, రాచకొండ సిపి. కమిషనరేట్ పరిధిలో 53 మంది సిబ్బందికి కరోన సోకింది. ఎలాంటి ఆత్మస్థైర్యం కోల్పోకుండా కరోనా ని జయించారు. కరోనా సోకిందని తెలిసినా ఎవరూ భయపడవద్దు. సరైన ఆహారం జాగ్రతలు పాటిస్తే ఎలాంటి ప్రమాదం ఉండదు ఇందుకు తమ సిబ్బందే ఉదాహరణ. ప్రజలు కూడా జాగ్రత్తలు పాటించాలి. ప్రత్యేక డ్రైవ్ చెప్పట్టి మాస్క్ లేకపోతే ఫైన్ లు విధిస్తున్నాం. ఎవరైనా గుమిగూడి కార్యక్రమాలు చేస్తున్నా, వేడుకలు చేస్తున్న ప్రజలు సమాచారం ఇవ్వండి.
  • ప్రకాశం: ఒంగోలు రిమ్స్‌ దగ్గర ల్యాబ్‌ టెక్నీషియన్ల ఆందోళన... ట్రూనాట్‌ ల్యాబుల్లో టెక్నీషియన్లకు శెలవులు ఇవ్వకుండా పనిచేస్తున్నారంటూ ఆరోపణ... వెంటనే శెలవులు ఇవ్వాలని డిమాండ్‌... ఒంగోలులో ఓ ల్యాబ్‌ టెక్నీషియన్‌కు పాజిటివ్‌, మార్కాపురంలో మరో ల్యాబ్‌ టెక్నీషియన్‌ కరోనాతో మృతి చెందడంతో ఆందోళనలో ల్యాబ్‌ టెక్నీషియన్లు.
  • అమరావతి : ఏపీ పాఠశాలల నిర్వహణలో సాంకేతికను జోడిస్తూ మార్పులు. కరోనా కేసులు పెరుగుతున్న నేపథ్యంలో పనిదినాలు కుదించిన విద్యాశాఖ . ఈ నెల 13వ తేదీ నుంచి ప్రాథమిక పాఠశాలలు వారానికో ఒకరోజు, ప్రాథమికోన్నత, ఉన్నత పాఠశాలలు వారానికి రెండ్రోజులు పనిచేసేలా సర్క్యులర్ జారీ చేసిన పాఠశాల విద్యా శాఖ .
  • గుంటూరు: ఇంజనీరింగ్ విద్యార్దిని అశ్లీల వీడియోల చిత్రీకరణ కేసులో మరికొందరిని అదుపులోకి తీసుకొన్న పోలీసులు. వీడియోలు చూసిన వారిని లింక్ లు ఓపెన్ చేసిన వారిని కూడ గుర్తించిన పోలీసులు. మరో ఇద్దరు పోలీసులు అదుపులో. ఈ రోజు మీడియా ముందు ప్రవేశ పెట్టే అవకాశం.

ఏపీ ప్రజలకు హ్యాపీ న్యూస్.. అక్కడ కరోనా లేదట!

ఆంధ్రప్రదేశ్‌లో తాజాగా కరోనా బులిటెన్‌ను విడుదల చేశారు అధికారులు. రాష్ట్రంలో కరోనా అనుమానితుల శాంపుల్స్‌ అన్ని నెగిటివ్‌గా వచ్చాయని తెలిపారు. మొత్తం తొమ్మిది శాంపుల్స్‌ని టెస్ట్‌ చేయగా ఎవరికీ కరోనా లేదని..
Happy news to AP no positive Corona cases reported, ఏపీ ప్రజలకు హ్యాపీ న్యూస్.. అక్కడ కరోనా లేదట!

కరోనా వైరస్‌ ఆంధ్రప్రదేశ్‌లో కలవరం రేపుతోంది. అనుమానితుల సంఖ్య పెరుగుతుండడంతో ప్రజలు భయాందోళనకు గురవుతున్నారు. దీంతో ప్రభుత్వం వారి భయాందోళనను పోగొట్టేయత్నం చేస్తూనే రివ్యూ సమావేశాలతో పరిస్థితిని సమీక్షిస్తోంది. ముఖ్యమంత్రి వైఎస్‌ జగన్‌ నేరుగా అధికారులతో సమావేశం అయి.. కరోనా వైరస్‌ నేపథ్యంలో తీసుకోవల్సిన జాగ్రత్తలపై సూచనలు, సలహాలు ఇస్తున్నారు.

ఇటీవల కాలంలో విదేశాల నుంచి వచ్చిన వారి వివరాలను ఏపీ ప్రభుత్వం సేకరిస్తోంది. విశాఖ ఎయిర్‌పోర్ట్‌లో మార్చి 5 వరకు 6వేల 927 మంది విదేశాల నుంచి రాగా.. వారికి స్క్రీనింగ్‌ చేసినట్టు అధికారులు వెల్లడించారు. ఎయిర్‌పోర్టుల్లోనే కాదు.. నౌకాయానం ద్వారా వచ్చిన వారికి కూడా స్క్రీనింగ్‌ నిర్వహించినప్పటికీ.. రోగ నిరోధానికి ఉన్న అన్ని చర్యలను తీసుకుంటున్నట్టు చెప్పారు.

ఏపీ వ్యాప్తంగా వైద్యసిబ్బంది అలర్ట్‌ చేసింది సర్కార్‌. ముందస్తుగా 351 బెడ్లను సిద్దం చేసింది. 47 వెంటిలేటర్లు, లక్షా 10వేల మాస్కులు, 12వేల 444 పర్సనల్‌ ప్రొటెక్టివ్‌ ఎక్విప్‌మెంట్లను అందుబాటులో ఉంచారు. మరో 12వేల పర్సనల్‌ ప్రొటెక్టివ్‌ ఎక్విప్‌మెంట్లను కొత్తగా కొనుగోలు చేయడంతో పాటు అదనంగా 50వేల మాస్కులను కూడా అందుబాటులో ఉంచుతామన్నారు అధికారులు. ఎవరైనా అనుమానిత లక్షణాలుంటే.. కాల్‌ చేస్తే వెంటనే అంబులెన్స్‌ నేరుగా పంపించి ఆసుపత్రికి తరలిస్తామని అధికారులు చెబుతున్నారు.

ప్రజల్లో నెలకొన్న భయాన్ని తొలగించేందుకు ప్రభుత్వం అన్నివిధాలు ప్రయత్నిస్తోంది. అంతగా భయపడాల్సిన అవసరం లేదని అంటోంది. 13 మంది అనుమానిత కేసుల్లో 9 నెగిటివ్‌గానే వచ్చాయన్నారు ఆరోగ్యశాఖ మంత్రి ఆళ్ల నాని. కరోనా తీవ్రత లేకుండ చూడడమే కాదు.. ముందస్తు చర్యలు చేపట్టామన్నారు. కాబట్టి భయపడాల్సిన అవసరం లేదని మంత్రి ఆళ్ల నాని హామీ ఇస్తున్నారు. అయితే.. ప్రజల్లో భయాందోళనలు మాత్రం తగ్గడం లేదు. విశాఖ, ఒంగోలు, ఏలూరు, విజయవాడ, కాకినాడ, శ్రీకాకుళం, తిరుపతి వంటి ప్రాంతాల్లో కరోనా లక్షణాలతో ఉన్న వారు ఆసుపత్రులకు చేరుతుండడంతో మరింత వణికిపోతున్నారు.

Happy news to AP no positive Corona cases reported, ఏపీ ప్రజలకు హ్యాపీ న్యూస్.. అక్కడ కరోనా లేదట!

Read More: విశాఖలో సెక్రటేరియట్‌కు స్థలం రెడీ.. సీఎం గ్రీన్ సిగ్నల్!

Related Tags