Breaking News
  • కరోనా మహమ్మారిపై యుద్ధంలో భాగంగా దేశ ప్రజలంతా రేపు రాత్రి 9 గంటల నుంచి 9 నిమిషాల పాటు లైట్లు ఆర్పేసి ఇంట్లో దీపాలు వెలిగించాలని ప్రధాన మంత్రి నరేంద్ర మోదీ ఇచ్చిన పిలుపుకు దేశ వ్యాప్తంగా మంచి స్పందన లభిస్తోంది. సెలబ్రిటిలు కూడా ప్రధాని పిలుపుకు స్పందిస్తున్నారు.
  • మందు తాగితే తూలడం, మందు లేకపోతే మతిస్థిమితం కోల్పోయినట్టుగా ప్రవర్తించడం.. ఇదే ఇప్పుడు అంతటా కనిపిస్తోంది.. కరోనా కాలంలో మందుబాబుల కష్టాలు అన్నీఇన్నీ కావు.. మద్యం దుకాణాలన్నీ బంద్‌.. బార్లు పబ్బులు బంద్‌.. తాగి తాగి పిచ్చెక్కిపోయిన మందుబాబులు చివరకు దొంగలుగా మారిపోయారు.
  • తమిళనాడులో కరోనా మహమ్మారి విజృంభిస్తోంది. వెల్లూరు, తేంగాశి, కల్లకురిచి జిల్లాలలో పెరుగుతోన్న కరోనా కేసులు కలకలం రేపుతున్నాయి. తమిళనాడులో 411 కరోనా పాజిటివ్‌ కేసులు నమోదయ్యాయి. వారిలో 64 మంది నిజాముద్దీన్‌ మర్కజ్‌కు వెళ్లి వచ్చినవారే కావడం గమనార్హం.
  • కేంద్ర ప్రభుత్వం నుంచి కొత్త ఆదేశాలు జారీ అయ్యాయి. ఇంటి నుంచి బయటకు వెళితే మాస్క్‌ తప్పనిసరిగా వాడాలని కేంద్రం తెలిపింది. ఈ నియమాన్ని కచ్చితంగా అమలు చేయాల్సిందనని రాష్ట్ర ప్రభుత్వాలను, పోలీసు శాఖలను ఆదేశించింది.
  • లాక్‌డౌన్‌ను అతిక్రమిస్తే కఠిన చట్టాలు అమలు చేస్తామని హెచ్చరిస్తున్నారు హైదరాబాద్‌ సీపీ అంజనీకుమార్‌, సైబరాబాద్‌ సీపీ సజ్జనార్‌. అనవసరంగా రోడ్డు మీదకొస్తే వాహనాలు సీజ్‌ చేస్తామన్నారు.

రాయల్ వశిష్ట ఆపరేషన్.. ఈసారైనా సక్సస్ అవుతుందా..?

Rescue operation of Royal Vasista Boat in Godavari, రాయల్ వశిష్ట ఆపరేషన్.. ఈసారైనా సక్సస్ అవుతుందా..?

పశ్చిమగోదావరి జిల్లా కచ్చులూరు వద్ద గోదావరిలో మునిగిన బోటును తీయడం సాధ్యమేనా..? పట్టు వదలకుండా ప్రయత్నిస్తున్న ధర్మాడి సత్యం టీం తన లక్ష్యాన్ని చేధిస్తుందా..? కళ్లు కాయలు కాచేలా తమ వారికోసం ఎదురుచూస్తున్న బాధితులు ఆశలు నెరవేరేనా..? అన్న ప్రశ్నలకు ఎవరూ సమాధానం చెప్పలేకపోతున్నారు. బోటును వెలికితీసేందుకు ప్రభుత్వం నుంచి కాంట్రాక్టు ఒప్పుకున్న ధర్మాడి సత్యం టీం తొలిసారి ప్రయత్నించి విఫలమైంది. ఇప్పుడు మరోసారి బోటును వెలికితీసేందుక సిద్ధమైంది.

గోదావరిలో మునిగిన రాయల్ వశిష్ట బోటు కథ ముగిసింది. ఒక అడుగు ముందుకు.. నాలుగు అడుగులు వెనక్కు అన్నట్లు సాగుతున్నాయి బోటు వెలికితీత పనులు. దాదాపు నెల రోజులు పూర్తైనా.. బోటును వెలికితీయక పోవడంతో ఇక వశిష్ట ఆపరేషన్ కథ ముగిసిందని అంతా అనుకుంటున్నారు. అయితే తాము ఎలాగైనా బోటును వెలికితీస్తామని చెప్పిన ధర్మాడి సత్యం టీం నాలుగు రోజుల పాటు కష్టపడింది. చివరికి పరిస్థితులు అనుకూలించకపోవడంతో పనులను నిలిపివేసింది. ఇప్పుడు మళ్లీ రెండో ప్రయత్నం కోసం సిద్దమైంది. ఘటనలో 26 మంది ప్రాణాలతో బయటపడ్డారు. కాగా, గల్లంతైన వారు ఎంతమంది అనేది ఇప్పటికీ ప్రశ్నగానే మిగిలిపోయింది. అధికారులు మాత్రం ఇంకా 14 మంది ఆచూకీ తెలియాల్సి ఉందని చెబుతున్నారు. ఇక ఇప్పటివరకూ 39 మృతదేహాలు లభ్యమయ్యాయి. ఘటనపై కేసు నమోదు చేసుకున్న దేవిపట్నం పోలీసులు.. నిందితుల కోసం గాలిస్తున్నారు. నిందితుల్లో బోటు యజమాని కోడిగుట్ల వెంకటరమణ, ఎల్లా ప్రభావతి, ఎర్రంశెట్టి అచ్చుతామణి, బోటు యూనియన్ లీడర్స్ మురళి, ప్రకాష్ రావు, గుమస్తా శ్రీనివాసరావు లపై కేసు నమోదు చేశారు. టికెట్ బుకింగ్ ఏజెంట్లైన మరో 7 గురి పై కూడా కేసు నమోదు చేశామని పోలీసులు తెలిపారు.

సెప్టెంబర్ 15వ తేదీన కచ్చులూరు దగ్గర ఊహించని విధంగా రాయల్ వశిష్ట బోటు గోదావరిలో మునిగిపోయింది. ప్రస్తుతం 300 అడుగులకు పైగా లోతులో కూరుకుపోయింది. దాదాపు నలభై అయిదు టన్నులకు పైగా బరువున్న రాయల్ వశిష్ట బోటును వెలికితీస్తే గానీ అందులో చిక్కుకున్న మృతదేహాల సంఖ్య తేలే పరిస్థితి లేదు. అయితే బోటును వెలికితీయటం ఎలా ఇప్పుడు ఇదే అతిపెద్ద సమస్యగా మారింది. ఈ విధానంలో ముప్పైయేళ్ల అనుభవం నుంచి ధర్మాడి సత్యంకు ఈ బాధ్యతలు అప్పటించారు. కాగా, కాంట్రాక్ట్ తీసుకున్న తరువాతి రోజు నుంచే.. బోటును వెలికితీసేందుకు విశ్వప్రయత్నాలు చేశారు. అయితే గోదావరి ఉగ్రరూపం దాల్చడంతో ఆపరేషన్ వశిష్టకు బ్రేక్ పడింది.
అయితే ఇప్పుడు పరిస్థితి కాస్త కుదుట పడడం గోదావరి వరద తగ్గడంతో మళ్లీ సత్యం టీం ఆపరేషన్ వశిష్టకు సిద్ధమైంది. సత్యం బృందంతో పాటు 25 మంది మత్స్యకారులు, మరో 25 మంది ఎక్స్‌పర్ట్స్ సోమవారం సాయంత్రం కచ్చులూరు వద్దకు చేరుకున్నారు. అంతేకాకుండా ఓ భారీ ప్రొక్లెయినర్, పంటు, మర బోటును కచ్చులూరు వద్దకు చేర్చారు. అయితే రెండో సారి కూడా ఆపరేషన్‌ను మళ్లీ మొదటి నుంచి చేయాల్సి వస్తోంది. ఇక పరిస్థితులు కూడా అనుకూలంగా ఉన్నాయని.. కొద్ది గంటల సమయంలోనే బోటును వెలికితీస్తామంటున్నారు సత్యం బృందం. ఈ సారైనా ఆపరేషన్ వశిష్ట సక్సస్ అవుతుందా చూడాలి.

Related Tags