రైతు రుణమాఫీపై గుడ్‌న్యూస్ చెప్పిన హరీష్ రావు..!

తెలంగాణ శాసనసభలో తొలిసారిగా ఆర్థిక శాఖ మంత్రి హరీశ్ రావు.. తన బడ్జెట్‌ను ప్రవేశపెట్టారు. అన్ని వర్గాల సంక్షేమం.. అన్ని రంగాల అభివృద్ధి లక్ష్యంగా.. 2020-21 వార్షిక బడ్జెట్‌ను రూపొందించడం జరిగిందన్నారు. ముఖ్యంగా వ్యవసాయం దాని అనుబంధ రంగాల పునరుత్తేజానికి ప్రభుత్వం తీసుకుంటున్న చర్యల ఫలితంగా గొప్ప మార్పులు వచ్చాయని.. గత ఆర్థిక సంవత్సరంలో నమోదైన గణాంకాల్లో ఈ తేడా స్పష్టంగా కనిపిస్తుందన్నారు. ఇకపై రైతు రుణమాఫీ డబ్బులను నేరుగా రైతులకే చెక్కుల రూపంలో అందించాలని నిర్ణయం తీసుకుందని తెలిపారు. రూ.25 వేల లోపు రుణాలు ఉన్న రైతులు 5,83,916 మంది ఉన్నట్లు తెలిపారు. వీరందరికి ఒకేసారి రుణమాఫీ చేయాలని నిర్ణయించినట్లు పేర్కొన్నారు. ఈ మార్చి నెలలోనే స్థానిక ఎమ్మెల్యేల చేతులమీదుగా చెక్కుల పంపిణీ కోసం రూ.1198 కోట్లను కేటాయించినట్లు తెలిపారు.

ఇక రూ.25 వేల నుంచి లక్ష రూపాయల లోపు రుణాలు కల్గి ఉన్న రైతులకు.. వ్యక్తిగతంగా చెక్కుల రూపంలో ఎమ్మెల్యేల చేతుల మీదుగా.. నాలుగు దఫాలుగా అందించానిలని ప్రభుత్వం నిర్ణయించిందన్నారు. ఇందుకోసం రూ.6225 కోట్ల రూపాయలను కేటాయించినట్లు తెలిపారు.