తలనొప్పి తగ్గడానికి అద్భుతమైన ఇంటి చిట్కాలు ఇవే!

ఒత్తిడి, మానసిక సమస్యలు, ఆందోళన, ఆర్ధిక సమస్యలు.. ఇలా పలు కారణాల వల్ల తరుచూ మనకు తలనొప్పి వస్తుంటుంది. ఆ సమయంలో మనం ఏ పని చేయాలన్నా చాలా ఇబ్బందిగానూ, చిరాకుగానూ ఉంటుంది. ఒకవేళ నొప్పి మరింత ఎక్కువైతే.. అప్పుడు వచ్చే బాధ వర్ణనాతీతం అని చెప్పవచ్చు. అయితే ఈ తలనొప్పిని మన ఇంట్లో వాడే సహజసిద్ధమైన పధార్ధాలతో ఈజీగా తగ్గించుకోవచ్చు. ఆ చిట్కాలు ఏంటో ఇప్పుడు తెలుసుకుందాం…

• బాగా తలనొప్పి కలిగినప్పుడు.. జీడిపప్పు, పిస్తా, బాదంపప్పులు తింటే కొంచెం నొప్పి నుంచి ఉపశమనం కలిగే అవకాశం ఉంది. అవి పెయిన్ కిల్లర్స్ మాదిరి బాగా పని చేస్తాయి.
• తలనొప్పి ఉన్న సమయంలో స్వచ్ఛమైన గాలిని కొంతసేపు పీల్చుకుని.. ఒంటరిగా కాసేపు వాకింగ్ చేయడం మంచిది
• ఒక గ్లాస్ వేడి నీటిలో ఒక టీస్పూన్ అల్లం రసం కలుపుకుని తాగినా తలనొప్పి నుంచి వెంటనే ఉపశమనం పొందవచ్చు
• ఒక గ్లాస్ గోరు వెచ్చని పాలలో చిటికెడు పసుపు కలుపుకుని తాగినా కూడా తలనొప్పి నుంచి కాస్తా రిలీఫ్ లభిస్తుంది
• మన శరీరంలో కొన్నిసార్లు నీరు శాతం తక్కువైనా.. తలనొప్పి వచ్చే అవకాశాలు ఉన్నాయి. అందుకే నీటిని బాగా తాగితే తలనొప్పి తగ్గే అవకాశాలు ఉంటాయి