Breaking News
  • చిత్తూరు: మదనపల్లెలో మహిళా సంఘాల ఆందోళన. నిందితుడిని ఉరి తీయాలంటూ చిన్నారి వర్షిత తల్లిదండ్రుల ధర్నా. తమకు న్యాయం చేయాలంటున్న వర్షిత తల్లిదండ్రులు. రఫీని బహిరంగంగా ఉరి తీయాలని డిమాండ్. విద్యుత్‌ టవర్‌ ఎక్కిన వర్షిత కుటుంబ సభ్యులు. కిందకు దించేందుకు పోలీసుల ప్రయత్నాలు.
  • వివాదంలో జార్జిరెడ్డి సినిమా. ఏబీవీపీ విద్యార్థులను రౌడీలుగా చూపెట్టే కుట్ర జరుగుతోందని ఆరోపణ. సినిమాలో జార్జిరెడ్డి రౌడీయిజాన్ని చూపెట్టాలన్న ఏబీవీపీ. ఇప్పటికే ప్రీ రిలీజ్‌ ఫంక్షన్‌కు అనుమతి నిరాకరించిన పోలీసులు. ఈ నెల 22న విడుదల కానున్న జార్జిరెడ్డి.
  • వరంగల్‌: ఏనుమాముల మార్కెట్ యార్ట్‌లో పత్తి కొనుగోళ్లు ప్రారంభం. ప్రభుత్వ హామీతో తిరిగి కొనుగోళ్లు ప్రారంభించిన కాటన్ వ్యాపారులు.
  • ఢిల్లీ చేరుకున్న ఎన్సీపీ అధినేత శరద్‌ పవార్‌. సా.4గంటలకు సోనియాతో భేటీ కానున్న శరద్‌పవార్‌. మహారాష్ట్రలో ప్రభుత్వ ఏర్పాటు, ఉమ్మడి కార్యాచరణపై చర్చ.
  • హైదరాబాద్‌: హైకోర్టులో అగ్రిగోల్డ్ కేసు విచారణ. తాకట్టు పెట్టిన అగ్రిగోల్డ్ ఆస్తులను వేలం వేసిన బ్యాంకర్లు. సంవత్సరం గడిచినా కొనుగోలుదారులకు అందని కన్‌ఫర్మేషన్‌ ఆర్డర్. కన్‌ఫర్మేషన్‌ ఇవ్వాలని కోరిన బ్యాంకర్లు. డిసెంబర్‌ 5న మరోసారి విచారిస్తామన్న హైకోర్టు. తదుపరి విచారణ డిసెంబర్‌ 5కు వాయిదా.
  • లోక్‌సభలో కొనసాగుతున్న ప్రశ్నోత్తరాలు. ప్రాంతీయ భాషా పరిరక్షణపై కేశినేని నాని ప్రశ్న. త్రిభాషా విధానాన్ని అమలు చేయాలి-కేశినేని నాని. ప్రాంతీయ భాషలను రక్షించాల్సిన అవసరం ఉంది-కేశినేని నాని. పలు అంశాలపై చర్చకు పట్టుబడుతున్న విపక్షాలు. విపక్ష సభ్యుల నినాదాల మధ్య కొనసాగుతున్న సభ. తెలుగు భాష ఉన్నతికి చర్యలు తీసుకుంటున్నాం-మంత్రి పోఖ్రియాల్‌.
  • ఆగ్రా జిల్లా పేరు మార్చే యోచనలో యూపీ సర్కార్. ఆగ్రా పేరును ఆగ్రావన్‌గా మార్చాలని యూపీ సర్కార్‌ యోచన. కాషాయికరణలో భాగంగా పేరు మారుస్తున్నారని విపక్షాల విమర్శలు. గతంలో ఫైజాబాద్‌ను అయోధ్యగా.. అలహాబాద్‌ను ప్రయాగ్‌రాజ్‌గా మార్చిన యూపీ సర్కార్.

జేసీ మళ్లీ యూటర్న్.. జగన్‌‌పై ఓ రేంజ్‌లో విసుర్లు

టీడీపీ మాజీ ఎంపీ జేసీ దివాకర్ రెడ్డి ఎప్పుడు ఎవరిని పొగుడుతారో..? ఎప్పుడు ఎవరిని తిడతారో తెలుసుకోవడం చాలా కష్టం. అధికారంలో ఉన్నప్పుడు జగన్‌పై అంతెత్తున లేచే దివాకర్ రెడ్డి.. ఓడిన తరువాత మాత్రం జగన్‌పై ప్రశంసలు కురిపించారు. ‘‘ఎవ్వరి మాట వినకుండా జగన్ తనదైన మార్కుతో పరిపాలన చేస్తున్నాడు. ఎంతైనా జగన్ మా వాడే. మావాడు చాలా తెలివైనవాడు. అతడి పరిపాలనకు వందకు 110 మార్కులు వేస్తాను’’ అంటూ వెనకేసుకొచ్చారు. ఇక తాజాగా మాత్రం జగన్‌పై ఆయన గట్టిగానే సెటైర్లు వేశారు. జగన్‌కు అనుభవం లేదని, అతడికి చెప్పే వారు ఎవరూ పక్కన లేరని జేసీ అన్నారు. అంతటితో ఆగకుండా ఎవరు చెప్పినా.. జగన్ వినే రకం కాదని కూడా తేల్చేశారు.

తాను పట్టిన కుందేలుకు మూడే కాళ్లు ఉంటాయని జగన్ అనుకుంటారని.. అందువల్లే ఆయన అదే టైప్‌లో పాలన చేస్తున్నారని పంచులేశారు. జగన్ పాలనలో మంచి చెడ్డా చెప్పమంటే ఇప్పుడు ఏం చెబుతామని ఆయన వెటకాడమాడారు. ఇక జగన్‌ను నరేంద్ర మోదీ సీఎం సీట్లో కూర్చొబెట్టారని.. ఆయన వేసిన మంత్రదండం ముందు మరే దండమూ పనిచేయదని జేసీ సెటైర్లు వేశారు. మరో ఏడాది ఆగితే జగన్ పాలన ఏంటన్నది పూర్తి పిక్చర్ వస్తుందంటూ జేసీ విసుర్లు విసిరారు.