Uppena Bollywood Remake: బాలీవుడ్‌కు వైష్ణవ్ తేజ్ ‘ఉప్పెన’.. హీరో హీరోయిన్లుగా నటించేది ఎవరంటే.!

Uppena Bollywood Remake: ఈ ఏడాది వాలెంటైన్స్ డే సందర్భంగా విడుదలైన మెగా హీరో వైష్ణవ్ తేజ్ 'ఉప్పెన' రికార్డు కలెక్షన్లను కొల్లగొడుతోంది. లవ్ సబ్జెక్టే...

Ravi Kiran |
Updated on: Feb 23, 2021 | 2:56 PM

Uppena Bollywood Remake: ఈ ఏడాది వాలెంటైన్స్ డే సందర్భంగా విడుదలైన మెగా హీరో వైష్ణవ్ తేజ్ ‘ఉప్పెన’ రికార్డు కలెక్షన్లను కొల్లగొడుతోంది. లవ్ సబ్జెక్టే అయినా కూడా.. దర్శకుడు కథాంశాన్ని కొత్తగా తెరకెక్కించడంతో విమర్శకుల ప్రశంసలు అందుతున్నాయి. ఇక ఈ సినిమా సక్సెస్ కావడంతో మిగతా ఇండస్ట్రీల చూపు పడింది. రీమేక్ హక్కుల కోసం పోటీపడుతున్నారు.

తమిళంతో పాటు హిందీలో కూడా ఈ చిత్రాన్ని రీమేక్ చేయాలని నిర్మాతలు భావిస్తున్నారు. బాలీవుడ్‌లో తెరకెక్కిన ‘సైరత్’ సినిమాలా కథనంలో కొన్ని మార్పులు చేర్పులు చేయాలని చూస్తున్నారు. ఈ విషయంపై ఇప్పటికే బీ-టౌన్ నిర్మాతలతో చర్చలు జరిగినట్లు సమాచారం.

కాగా, ఈ రీమేక్‌లో బాలీవుడ్ యువ నటుడు ఇషాన్ కట్టర్, అనన్య పాండే ప్రధాన పాత్రల్లో నటించనున్నారని సమాచారం. దీనిపై త్వరలోనే అధికారిక ప్రకటన రానుంది. ఇక తమిళంలో విజయ్ సేతుపతి.. దళపతి విజయ్ కొడుకుతో ఈ చిత్రాన్ని తెరకెక్కించాలని ప్రయత్నాలు చేస్తున్నాడు.