Tollywood: బూరెబుగ్గల ఈ చిన్ని కృష్ణయ్య.. ఇప్పుడు సినిమాలతో మనసులు దోచే హీరో భయ్యా.. ఎవరో గుర్తుపట్టారా..?

Hero Childhood Photo

పైన ఫోటోలో చిన్ని కృష్ణయ్య వేషంలో ఉన్న ఈ చిన్నోడిని గుర్తుపట్టారా ? అతను ఇప్పుడు టాలీవుడ్ మంచి కథానాయకుడిగా పేరు తెచ్చుకున్నాడు. మెయిన్‌గా కుటుంబ కథా చిత్రాలను ఇష్టపడేవారు ఇతడిని బాగా లైక్ చేస్తారు. సెన్సుబుల్ కథలు సెలక్ట్ చేసుకుంటాడని పేరుంది. కెరీర్ స్టార్టింగ్‌లో హీరోల పక్కన చిన్న, చిన్న రోల్స్ చేసిన ఇతడు.. స్లో.. స్లోగా గ్రో అవుతూ హీరోగా మారాడు. ప్రజంట్ తనకంటూ సెపరేట్ మార్కెట్ సెట్ చేసుకున్నాడు. సినిమా.. సినిమాకు వైవిధ్యం చూపుతూ స్టార్ హీరోగా మారాడు. ఇప్పుడున్న యంగ్ హీరోలతో పోటీ పడుతూ దూసుకుపోతున్నాడు. ఇతడి సినిమానా అయితే మినిమమ్ గ్యారంటీ అనే మార్క్ తెచ్చుకున్నాడు?.. ఏంటి అతను ఎవరో మీరు ఇంకా గుర్తుపట్టలేదా..? అయితే ఇక ఆలస్యం చేయం లెండి. మేమేం చెప్పేస్తాం.

పైన ఫోటోలలో ఉన్న చిన్నోడు..హీరో శర్వానంద్. సినిమా సినిమాకు తన మార్కెట్ పెంచుకుంటూ దూసుకుపోతున్నాడు శర్వ.  ఎలాంటి బ్యాక్ గ్రౌండ్ లేకుండా చిత్ర పరిశ్రమకు వచ్చి.. తన మార్క్ చూపాడు. యువసేన సినిమా ఇతడికి మంచి పేరు తెచ్చింది. హిట్లు ఫ్లాపులతో సంబంధం లేకుండా టాలెంట్ ఉన్న దర్శకులకి చాన్సులు ఇవ్వడంతో.. కొన్ని అవార్డ్ ఓరియంటెడ్ మూవీస్ కూడా అతడి ఖాతాలో చేరాయి. అమ్మ చెప్పింది, అందరి బంధువయ, గమ్యం, ప్రస్థానం సినిమాలు ఆ కోవకి చెందినవే. ముఖ్యంగా దేవ కట్టా తీసిన ప్రస్థానం.. శర్వాను మరో స్థాయికి తీసుకెళ్లింది. అతడి నటనకు విర్శకుల ప్రశంసలు దక్కాయి. ఫస్ట్ కంటెంట్‌కు ఇంపార్టెన్స్ ఇచ్చిన శర్వా.. ఆ తర్వాత కమర్షియల్ చిత్రాలవైపు మొగ్గు చూపాడు.

‘రన్ రాజా రన్’, ఎక్స్ ప్రెస్ రాజా, మళ్లీ మళ్లీ ఇదిరాని రోజు వంటి సినిమాలతో ఆకట్టుకున్నాడు. శతమానం భవతి సినిమాతో ఫ్యామిలీ ఆడియన్స్ చేరువయ్యాడు. ఆతర్వాత  రాధ, మహానుభావుడు, పడి పడి లేచె మనసు, రణరంగం, జాను,  శ్రీకారం, మహాసముద్రం, ఆడాళ్లు మీకు జోహార్లు వంటి మూవీస్‌తో తన స్థాయిని పెంచుకుంటూ వెళ్లాడు. ఇటీవల వచ్చిన ఒకే ఒక జీవితం కూడా మంచి క్లాస్ హిట్‌గా నిలిచింది. కాగా త్వరలో పెళ్లి పీటలెక్కబోతున్నాడు ఈ యంగ్ హీరో. ఈ క్రమంలోనే ఈ హీరో చిన్ననాటి ఫోటోలు ఇప్పుడు సోషల్ మీడియాలో ట్రెండ్ అవుతున్నాయి.

మరిన్ని సినిమా వార్తల కోసం క్లిక్ చేయండి..