Tollywood: పాఠ్యాంశంగా హాట్ హీరోయిన్ జీవితం.. మండిపడుతోన్న పేరెంట్స్

Viral Photo

ఓ స్కూల్ పాఠ్యపుస్తకంగా తమన్నా జీవితం చేర్చడంతో స్థానికంగా పెద్ద దుమారం రేగింది. ఏంటి.! తమన్నా జీవితం గురించి పాఠ్యపుస్తకాల్లో చేర్చడమా.? అని అనుకుంటున్నారా.? నిజమండీ.. బెంగళూరులో ఏడో తరగతి పాఠ్యంశాల్లో సింధీ సామజిక వర్గానికి చెందిన కళాకారుల గురించి ఓ పాఠం చేర్చాలి. ఈ క్రమంలోనే అదే సామాజికవర్గానికి చెందిన తమన్నా భాటియా, రణవీర్ సింగ్ జీవితాలను పాఠాలుగా పొందుపరిచారు. ఇక ఇలా చేయడంతో విద్యార్ధుల పేరెంట్స్ తీవ్ర ఆగ్రహాన్ని వ్యక్తం చేశారు. ఈ ఘటన హెబ్బాళలోని సింధీ ఉన్నత పాఠశాలలో చోటు చేసుకోగా.. విద్యార్ధుల తల్లిదండ్రులు ఆ పాఠశాలపై బాలల హక్కుల రక్షణ సంఘానికి ఫిర్యాదు చేశారు.

సింధీ సామాజికవర్గంలో ఎంతోమంది కళాకారులు ఉన్నారని.. వారిని కాకుండా పలు చిత్రాల్లో అర్ధనగ్నంగా నటించే తమన్నా జీవితాన్ని పాఠ్యాంశంగా చేర్చడమేంటని తల్లిదండ్రులు మండిపడుతున్నారు. అంతేకాకుండా దీనికి వ్యతిరేకిస్తే.. పిల్లలకు టీసీలు ఇస్తామని స్కూల్ యాజమాన్యం బెదిరిస్తోందని చెప్పారు. అయితే స్కూల్ యాజమాన్యం మాత్రం ఈ అంశంపై తల్లిదండ్రులను బుజ్జగిస్తోంది. అదొక్కటి పాఠ్యేతర అంశంపై చేర్చామని.. అందులో తమన్నా పాఠాలను ఇచ్చామని చెబుతోంది.

స్వాతంత్ర్యం అనంతరం సింధీ సామాజికవర్గానికి చెందిన ప్రజలు ఎలా జీవిస్తున్నారన్న విషయం విద్యార్ధులకు తెలిపే క్రమంలోనే ఈ పాఠ్యాంశం ముద్రించినట్టు తెలిపింది. అందుకే సినీ ఇండస్ట్రీలో ఎన్నో విజయాలు సాధించిన తమన్నా జీవితాన్ని పాఠ్యాంశంగా చేర్చినట్లు తెలిపింది.

ఇది చదవండి: తస్సాదియ్యా.! ఏం అందం.. నానితో నటించిన ఈ హీరోయిన్ ఇప్పుడెలా ఉందో చూస్తే స్టన్

మరిన్ని సినిమా వార్తల కోసం ఇక్కడ క్లిక్ చేయండి..