Tamanna: మిల్కీబ్యూటీ లక్కీ ఛాన్స్.. చిరంజీవి సినిమా కోసం తమన్నాకు ఎంత రెమ్యూనరేషన్ అంటే..

మిల్కీబ్యూటీ తమన్నా క్రేజ్ ఏమాత్రం తగ్గడం లేదు.. ఇప్పటికే స్టార్ హీరోలందరి సరసన నటించిన ఈ అమ్మడు.. ఇప్పుడు యంగ్ హీరోయిన్స్‏కు స్ట్రాంగ్ పోటీ ఇస్తూ వరుస ఆఫర్లను కొల్లగొడుతుంది. బుల్లితెర.. వెండితెరపై సత్తా చాటుతూనే .. అటు డిజిటల్ రంగంలోనూ రాణిస్తోంది. ఇక ఇప్పటివరకు హీరోయిన్‏గా నటిస్తూ ప్రేక్షకులను అలరించిన తమన్నా.. ఇటీవల నితిన్ నటించిన మ్యాస్ట్రో సినిమాతో సరికొత్త ప్రయత్నం చేసింది. మొదటి సారి విలన్ పాత్రలో నటించి శభాష్ అనిపించుకుంది. మ్యాస్ట్రో సినిమాలో మిల్కీబ్యూటీ నటనకు అంతా ఫిదా అయ్యారు.. ప్రస్తుతం ఈ అమ్మడు ఎఫ్ 3 సినిమా చేస్తుంది. ఇందులో వెంకటేష్.. వరుణ్ తేజ్ ప్రధాన పాత్రల్లో నటిస్తున్నారు.

ఇదిలా ఉంటే… తాజాగా తమన్నా.. మెగాస్టార్ చిరంజీవి నటిస్తోన్న భోళా శంకర్ సినిమాలోనూ ఛాన్స్ అందుకుంది. తమిళ మూవీ వేదాళంకు తెలుగు రీమేక్‏గా తెరకెక్కుతున్న ఈ సినిమాలో చిరంజీవి చెల్లెలు పాత్రలో కీర్తి సురేష్ నటిస్తోంది. ఇక తాజా సమాచారం ప్రకారం.. తమన్నా.. ఈ మూవీ కోసం భారీగానే ప్యాకేజ్ తీసుకుంటున్నట్లుగా టాక్ వినిపిస్తోంది. భోళా శంకర్ సినిమా కోసం మిల్కీబ్యూటీ దాదాపు 3 కోట్లు తీసుకుంటున్నట్లుగా సమాచారం. ఇప్పటికే సగం అడ్వాన్స్ కూడా మేకర్స్ అప్పగించారని ఇన్ సైడ్ టాక్. ఇక ఇప్పటివరకు తమన్నా.. తన కెరీర్‏లో ఇంత భారీ మొత్తంలో రెమ్యూనరేషన్ తీసుకోలేదట. గతంలో చిరంజీవితో కలసి సైరా నరసింహా రెడ్డి మూవీలో కీలక పాత్రలో నటించింది తమన్నా. ఇక ఈ సినిమా ఈ నెల 11న పూజా కార్యక్రమాలు జరుపుకుని.. 15 నుంచి సెట్స్ పైకీ వెళ్లనుంది. ఈ చిత్రానికి మెహర్ రమేష్ దర్శకత్వం వహిస్తున్నారు.

Also Read: Trisha: అరుదైన రికార్డు సృష్టించిన త్రిష.. ట్విట్టర్‏లలో శుభాకాంక్షల వెల్లువ.. అసలు మ్యాటరేంటంటే..