మూడేళ్లు ఆ డైరెక్టర్ ఇంటి చుట్టూ తిరిగా.. నెలకు రూ.50 వేల జాబ్ కూడా వదిలేసా..
దర్శకుడు శ్రీకాంత్ ఓదెల సినీ ప్రయాణం అంత సులభంగా సాగలేదు. స్టార్ డైరెక్టర్ దగ్గర అసిస్టెంట్ డైరెక్టర్‌గా పనిచేయాలనే పట్టుదలతో ఏకంగా మూడేళ్ల పాటు ఆయన ఇంటి చుట్టూ తిరిగిన విషయాన్ని తాజాగా ఓ ఇంటర్వ్యూలో వెల్లడించారు. అంతేకాదు, అప్పట్లో నెలకు రూ.50 వేల జీతం వచ్చే మరో ప్రముఖ దర్శకుడి ఆఫర్‌ను సైతం వదులుకుని తెలిపాడు.
సినిమా రంగంలో సక్సెస్ సాధించిన ప్రతి దర్శకుడి వెనుకా ఒక ఆసక్తికరమైన ప్రయాణం ఉంటుంది. తెరపై కనిపించే పేరు, క్రేజ్ రావడానికి ముందు ఎన్నో అవమానాలు, ఎదురుచూపులు, రిజెక్షన్స్ ఎదుర్కొన్నవాళ్లు చాలామందే ఉన్నారు. అలాంటి కష్టాల నుంచి దర్శకుడిగా ఎదిగిన వారిలో శ్రీకాంత్ ఓదెల ఒకరు. దసరా, ది ప్యారడైజ్ వంటి చిత్రాలతో తనకంటూ ప్రత్యేక గుర్తింపు తెచ్చుకున్న ఆయన.. ఇండస్ట్రీలోకి అడుగుపెట్టిన రోజులను తాజాగా ఓ ఇంటర్వ్యూలో గుర్తుచేసుకున్నారు. శ్రీకాంత్ ఓదెలకు చిన్నప్పటి నుంచే సినిమా అంటే ఆసక్తి. అయితే దర్శకుడిగా మారాలనే లక్ష్యంతో ఆయన వేసిన తొలి అడుగులు అంత సులభంగా సాగలేదు. ముఖ్యంగా తనకు ఎంతో ఇష్టమైన దర్శకుడు సుకుమార్ దగ్గర అసిస్టెంట్ డైరెక్టర్‌గా పనిచేయాలనే కోరికను నెరవేర్చుకోవడానికి చాలా కాలం ప్రయత్నించారట.
చిరంజీవి, వెంకటేష్‌లతో కనిపించిన ఈ అమ్మాయి ఎవరో తెలుసా.? సోషల్ మీడియాను ఊపేస్తుందిగా..
ఇంటర్మీడియట్ చదువుతున్న సమయంలో శేషు అనే లెక్చరర్ ద్వారా సుకుమార్‌తో పరిచయం ఏర్పడే అవకాశం లభించిందని శ్రీకాంత్ తెలిపారు. ఆ పరిచయాన్ని ఉపయోగించుకుని సుకుమార్ టీమ్‌లో చేరేందుకు ప్రయత్నించినప్పటికీ అప్పట్లో అవకాశం దక్కలేదట. ‘ఆర్య 2’ తర్వాత అన్నపూర్ణ స్టూడియోలో సుకుమార్‌ను కలిసినట్లు శ్రీకాంత్ వెల్లడించారు. అప్పటి నుంచి ఆయన దగ్గర పనిచేయాలనే పట్టుదల మరింత పెరిగిందట. అవకాశం కోసం ఏకంగా మూడేళ్ల పాటు సుకుమార్ ఇంటి చుట్టూ తిరిగినట్లు చెప్పారు.
ఎవర్రా నువ్వు..! బర్త్ డే రోజున హీరోయిన్‌కి షాక్ ఇచ్చిన అభిమాని.. నెటిజన్స్ కామెంట్స్ మాత్రం నెక్స్ట్ లెవల్
రోజూ ఉదయం అపార్ట్‌మెంట్ దగ్గరకు వెళ్లి సుకుమార్‌ను కలిసేందుకు ప్రయత్నించేవాడినని, ఉదయం గుడ్ మార్నింగ్, రాత్రి గుడ్ నైట్ చెప్పడం తన రెగ్యులర్ డ్యూటీ మారిపోయిందని గుర్తుచేసుకున్నారు. ఇలా చాలా కాలం తర్వాత ఒకరోజు సుకుమార్ తనను గమనించి, ఎవరు నువ్వు.? ఏం కావాలి.? అని అడిగారని చెప్పారు. అప్పుడు తనకు అసిస్టెంట్ డైరెక్టర్‌గా పనిచేయాలనే కోరిక ఉందని శ్రీకాంత్ చెప్పారట. దీంతో ముందుగా ఒక షార్ట్ ఫిల్మ్ తీసుకురావాలని సుకుమార్ సూచించారని తెలిపారు. సుకుమార్ చెప్పినట్టుగానే షార్ట్ ఫిల్మ్ తీసుకుని వెళ్లిన శ్రీకాంత్‌కు ఆ తర్వాత కొన్ని అనుకోని పరిణామాలు ఎదురయ్యాయట. ఎన్నో ఇబ్బందులు దాటుకుని చివరకు సుకుమార్ దర్శకత్వంలో తెరకెక్కిన నాన్నకు ప్రేమతో చిత్రానికి పనిచేసే అవకాశం దక్కిందని ఆయన వెల్లడించారు. ఆ తర్వాత రంగస్థలం సినిమా కోసం షూటింగ్ ప్రారంభమైనప్పటి నుంచి విడుదల వరకు సుకుమార్ టీమ్‌లో భాగంగా పనిచేశారు. ఈ రెండు సినిమాలకే పనిచేయాలని ముందుగానే నిర్ణయించుకున్నానని శ్రీకాంత్ చెప్పడం విశేషం. తన కెరీర్ ప్రారంభంలో మరో ప్రముఖ దర్శకుడి దగ్గర పనిచేసే అవకాశం కూడా వచ్చిందని శ్రీకాంత్ తెలిపారు. అప్పట్లో దేశంలో టాప్ డైరెక్టర్లలో ఒకరిగా ఉన్న ఆ దర్శకుడి దగ్గర పనిచేస్తే నెలకు రూ.50 వేల జీతం ఇస్తామని చెప్పారట. అయితే తన లక్ష్యం మాత్రం ఒక్కటేనని, సుకుమార్ దగ్గరే పనిచేయాలని నిర్ణయించుకున్నానని శ్రీకాంత్ చెప్పారు. అందుకే మంచి జీతంతో వచ్చిన ఆ అవకాశాన్ని సైతం వదులుకున్నానని వెల్లడించారు.
10th క్లాస్ మూడుసార్లు ఫెయిల్ అయ్యా.. ఖచ్చితంగా డైరెక్టర్ అవుతానంటున్న స్టార్ హీరో కూతురు
మరిన్ని సినిమా వార్తల కోసం ఇక్కడ క్లిక్ చేయండి.