Spider Man No Way Home: నలుగురు విలన్లతో.. ‘స్పైడర్ మాన్’ భీకర యుద్ధం.. కథలో అద్భుత ట్విస్ట్.!

Spider Man

‘స్పైడర్ మాన్’ సినిమాలకు ప్రపంచవ్యాప్తంగా ఉన్న క్రేజ్ అంతా ఇంతా కాదు. ఇప్పటిదాకా వచ్చిన స్పైడర్ మాన్ సిరీస్‌లన్నీ కూడా బాక్సాఫీస్ రికార్డులను కొల్లగొట్టాయి. ఇక ఇదంతా ఒక ఎత్తయితే.. తాజాగా మార్వెల్ స్టూడియోస్ నుంచి మరో స్పైడర్ మాన్ సినిమా రాబోతోంది. అదే ‘స్పైడర్ మాన్ – నో వే హోమ్’. జాన్ వాట్స్ నిర్మించిన ఈ భారీ బడ్జెట్ సినిమాలో టామ్ హాలండ్ ‘స్పైడీ’ పాత్రను పోషిస్తున్నాడు. ఈ చిత్రంపై అంచనాలు ఆకాశాన్ని తాకుతున్నాయి.

ఈ ‘స్పైడర్ మాన్’ మూవీలో డాక్టర్ స్ట్రేంజ్ కీలక పాత్రలో కనిపించనున్నాడు. తాజాగా ఈ సినిమా సెకండ్ ట్రైలర్‌ను మేకర్స్ విడుదల చేశారు. ప్రతీ సీన్ థ్రిల్లింగ్ ఎలిమెంట్స్‌తో.. ప్రేక్షకులను ‘ఎడ్జ్ ఆఫ్ ది సీట్’ ఉంచేలా అద్భుతంగా ఉందని చెప్పాలి. అంతేకాకుండా ఈ సినిమాలో ఓల్డ్ విలన్స్ అందరూ కనిపిస్తుండగా.. ప్రేక్షకులకు నిజంగా ఇది పెద్ద ఫీస్ట్ అని చెప్పొచ్చు.

ఇక ట్రైలర్ విషయానికి వస్తే.. మిస్టీరియో అనే విలన్ కారణంగా స్పైడర్ మాన్‌ను అందరూ శత్రువులా చూస్తారు. అలాగే పీటర్ పార్కరే స్పైడర్ మాన్ అని తెలియడంతో మరిన్ని సమస్యలు చుట్టుముడతాయి. దీనితో ప్రజలందరూ పీటర్ పార్కరే.. స్పైడర్ మాన్ అని మర్చిపోయేలా చేయాలని డాక్టర్ స్ట్రేంజ్‌ను పీటర్ ఆశ్రయిస్తాడు.

అయితే అనూహ్యంగా సీన్ అంతా తారుమారు అవుతుంది. వివిధ విశ్వాల నుంచి విలన్లు అంతా కూడా ఒక్కసారిగా భూమిపై దాడికి దిగుతారు. దీనితో స్పైడర్ మాన్ సమస్యల వలయంలో చిక్కుకుంటాడు. మరి ఆ దాడిని పీటర్ ఎలా ఎదుర్కున్నాడు. అంతిమ పోరాటంలో విజయం ఎవరిది అనేది తెలియాలంటే తెలియాలంటే వచ్చే నెల 17వ తేదీన ‘స్పైడర్ మాన్: నో వే హోం’ చూడాల్సిందే.!

ఇదిలా ఉంటే.. స్పోయిలర్ అలెర్ట్‌గా ఈ సినిమాలో ముగ్గురు ‘స్పైడీ’లు కలిసి విలన్ల భరతం పడతారని తెలుస్తోంది. అందుకు సంబంధించిన పలు ఫోటోలు కూడా సోషల్ మీడియాలో వైరల్ అవుతున్నాయి. అలాగే తాజాగా వచ్చిన ట్రైలర్‌లో మిగిలిన స్పైడర్ మాన్‌లను ఎడిట్ చేయడం.. ఈ వార్తలకు మరింత బలాన్ని చేకూరుస్తోంది. లేట్ ఎందుకు మీరు కూడా ఓసారి లుక్కేయండి.