The Warriorr: రామ్ పోతినేని ‘ది వారియర్’ మూవీ నుంచి క్రేజీ అప్డేట్.. టీజర్ వచ్చేది అప్పుడే
ఎనర్జిటిక్ హీరో రామ్ పోతినేని ఫుల్ జోష్ లో సినిమాలు చేస్తూ దూసుకుపోతున్నాడు. ఇష్మార్ట్ శంకర్ ఇచ్చిన కిక్ తో స్పీడ్ పెంచిన ఈ యంగ్ హీరో ఇప్పుడు లింగు స్వామి దర్శకత్వంలో మూవీ స్టార్ట్ చేశాడు.
ఎనర్జిటిక్ హీరో రామ్ పోతినేని(Ram Pothineni) ఫుల్ జోష్ లో సినిమాలు చేస్తూ దూసుకుపోతున్నాడు. ఇస్మార్ట్ శంకర్ ఇచ్చిన కిక్తో స్పీడ్ పెంచిన ఈ యంగ్ హీరో ఇప్పుడు లింగు స్వామి దర్శకత్వంలో మూవీ స్టార్ట్ చేశాడు. ఇప్పటికే ఈ సినిమా షూటింగ్ చాలా భాగం పూర్తయ్యింది.ది వారియర్(The Warriorr) అనే పవర్ ఫుల్ టైటిల్ తో వస్తున్న ఈ సినిమాలో రామ్ పోలీస్ ఆఫీసర్ గా కనిపించనున్నాడు. ఇప్పటికే ఈ సినిమా నుంచి విడుదలైన పోస్టర్స్ , బుల్లెట్ సాంగ్ ప్రేక్షకులను విపరీతంగా కట్టుకుంది. పవన్ కుమార్ సమర్పణలో శ్రీనివాసా సిల్వర్ స్క్రీన్ పతాకంపై ప్రొడక్షన్ నెం. 6గా శ్రీనివాసా చిట్టూరి ఈ సినిమాను నిర్మిస్తున్నారు.ఈ చిత్రంలో రామ్ సరసన కృతి శెట్టి కథానాయికగా నటిస్తున్నారు. ఆది పినిశెట్టి ప్రతినాయకుడి పాత్ర చేస్తున్నారు. అక్షరా గౌడ కీలక పాత్రలో కనిపించనున్నారు. జూలై 14న ప్రపంచవ్యాప్తంగా తెలుగు, తమిళ భాషల్లో భారీ ఎత్తున విడుదల కానుంది వారియర్.
తాజాగా ఈ సినిమానుంచి క్రేజీ అప్డేట్ ఇచ్చింది చిత్రయూనిట్. ఈ సినిమానుంచి టీజర్ ను రిలీజ్ చేయనున్నారు చిత్రయూనిట్. మే 12 ఈ సినిమా టీజర్ ను ప్రేక్షకుల ముందుకు తీసుకురానున్నారు. సినిమాలో రామ్ ఎనర్జీని మ్యాచ్ అయ్యేలా యాక్షన్ సన్నివేశాలు ప్రధానంగా హైలైట్ అవుతాయని తెలుస్తోంది. ఇందులో రామ్ కి జోడీగా కృతీశెట్టి నటిస్తుంది.ఈనెల 14న సాయంత్రం 5.31 నిమిషాల్ని టీజర్ రిలీజ్ ముహూర్తంగా ఫిక్స్ చేసారు మేకర్స్. ఆల్రెడీ విడుదల చేసిన రామ్ స్టిల్స్, ఆది పినిశెట్టి లుక్స్, కృతి శెట్టి లుక్స్ ప్రేక్షకులందర్నీ ఆకట్టుకుంటున్నాయి. సినిమాపై అంచనాలు పెంచాయి. ఆ అంచనాలను అందుకునేలా లింగుస్వామి సినిమాను తెరకెక్కిస్తున్నారని తెలుస్తుంది. ఈ సినిమాకు దేవీశ్రీ ప్రసాద్ సంగీతం అందిస్తున్నారు.