Pooja Hegde : అగ్రహీరోలకు ఈ అమ్మడే మొదటి ఆప్షన్.. మూడు భాషల్లో బుట్టబొమ్మ హవా..
టాలీవుడ్లో బుట్ట బొమ్మ పూజాహెగ్డే హంగామా నడుస్తోంది. ఇప్పుడు ఈ చిన్నది ఇక్కడ స్టార్ హీరోయిన్. ఒక లైలా కోసం అనే సినిమాతో తెలుగు తెరకు పరిచయమైన ఈ చిన్నది..
Pooja Hegde : టాలీవుడ్లో బుట్ట బొమ్మ పూజాహెగ్డే హంగామా నడుస్తోంది. ఇప్పుడు ఈ చిన్నది ఇక్కడ స్టార్ హీరోయిన్. ఒక లైలా కోసం సినిమాతో తెలుగు తెరకు పరిచయమైన ఈ చిన్నది..ఆతర్వాత వరుస సినిమాలతో ఫుల్ బిజీగా మారిపోయింది. వరుసగా స్టార్ హీరోల సినిమాల్లో అవకాశాలు దక్కించుకుంది. ఇక ఇప్పుడు భారీ సినిమాల్లో ఛాన్స్లో కొట్టేస్తూ రాణిస్తుంది ఈ బుట్టబొమ్మ. తెలుగుతోపాటు తమిళ్, హిందీ భాషల్లోనూ సినిమాలు చేస్తుంది పూజాహెగ్డే. అలవైకుంఠపురం లో సినిమా తర్వాత ఈ అమ్మడు క్రేజ్ మరింత పెరిగిందనే చెప్పాలి. ఈ సినిమా తర్వాత వరుసగా భారీ బడ్జెట్ సినిమాల్లో మెరుస్తుంది పూజా. ప్రస్తుత పాన్ ఇండియా స్టార్ ప్రభాస్ నట్టిస్తున్న రాధేశ్యామ్ సినిమాలో హీరోయిన్గా కనిపించనుంది పూజా. ఇది 1970 కాలం నాటి పీరియాడికల్ లవ్ స్టోరీ. ఈ సినిమా షూటింగ్ ఇటీవలే కంప్లీట్ చేసింది ఈ చిన్నది. ఈ సినిమాలో పూజా పాత్ర చాలా ప్రత్యేకంగా ఉంటుందని తెలుస్తుంది. అలాగే మెగాస్టార్ నటిస్తున్న ఆచార్య సినిమాలో నటిస్తుంది ఈ బుట్టబొమ్మ. ఆచార్య సినిమాలో చరణ్ సరసన నీలాంబరిగా కనిపించనుంది. అలాగే అక్కినేని యంగ్ హీరో అఖిల్కు జోడీగా మోస్ట్ ఎలిజిబుల్ బ్యాచిలర్ మూవీలో నటిస్తుంది పూజా.
ఇక తమిళ్లోనూ సత్తా చాటడానికి సిద్దమయ్యింది ఈ బ్యూటీ . దళపతి విజయ్ నటిస్తున్న బీస్ట్ సినిమాలో హీరోయిన్గా ఎంపిక అయ్యింది పూజాహెగ్డే. నిజానికి పూజా హీరోయిన్గా ఎంట్రీ ఇచ్చింది తమిళ్లోనే అయినప్పటికీ ఎందుకనో అక్కడ ఆఫర్లు అందుకోలేక పోయింది. జీవా నటించిన మాస్క్ సినిమాతో హీరోయిన్గా పరిచయం అయ్యింది ఈ ముద్దుగుమ్మ. ఇక ఇప్పుడు బీస్ట్ సినిమాతో ఆకట్టుకోవడానికి సిద్ధం అయ్యింది. బాలీవుడ్లో `సిర్కస్`లో రణవీర్ సింగ్ సరసన నటిస్తోంది. అలాగే సల్మాన్ ఖాన్ నటిస్తున్న సినిమాలోనూ ఛాన్స్ దక్కించుకుంది పూజా. ఇలా మూడు భాషల్లో ఫుల్ బిజీగా మారింది ఈ బుట్టబొమ్మ.
మరిన్ని ఇక్కడ చదవండి :