Koratala NTR Movie: ఎన్టీఆర్‌, కొరటాల చిత్రానికి అనిరుధ్‌ అంత తీసుకోనున్నాడా.? సంచలనంగా మారిన నయా రూమర్‌.

Koratala NTR Movie: అపజయం ఎరగని అతికొద్ది మంది దర్శకుల్లో కొరటాల శివ ఒకరు. ఈ డైరెక్టర్‌ చేసిన సినిమాలన్నీ బాక్సాఫీస్‌ వద్ద సంచలన విజయాలు సొంతం చేసుకున్నాయి. ఇక కొరటాల శివ, ఎన్టీఆర్‌ కాంబినేషన్‌లో వచ్చిన ‘జనతా గ్యారేజ్‌’ మంచి విజయాన్ని అందుకున్న విషయం తెలిసిందే. 2016లో వచ్చిన సినిమా అప్పట్లో సంచలనాన్ని సృష్టించింది. ఇదిలా ఉంటే ఇప్పుడు దాదాపు ఐదేళ్ల తర్వాత మళ్లీ వీరిద్దరి కాంబినేషన్‌లో ఓ సినిమా రానుంది. ఇప్పటికే ఈ సినిమాకు సంబంధించి అధికారిక ప్రకటన కూడా వచ్చింది. హిట్‌ కాంబినేషన్‌లో వస్తోన్న సినిమా కావడంతో ఈ చిత్రంపై భారీ అంచనాలున్నాయి. ఎన్టీఆర్ ఆర్.ఆర్‌.ఆర్‌, కొరటాల ‘ఆచార్య’ తర్వాత వస్తోన్న సినిమా కావడంతో ఈ చిత్రంపై మరింత క్యూరియాసిటీకి కారణంగా మారింది.

ఇదిలా ఉంటే ఈ సినిమా ఇంకా సెట్స్‌పైకి వెళ్లక ముందే రోజుకో వార్త హల్చల్ చేస్తోంది. ఇప్పటికే ఈ సినిమాలో బాలీవుడ్‌ ముద్దుగుమ్మ కియారా అద్వాని హీరోయిన్‌గా నటిస్తోందని వార్తలు రాగా.. తాజాగా ఈ సినిమాకు తమిళ సంచలనం అనిరుధ్‌ సంగీతాన్ని అందిస్తోన్నట్లు వార్తలు వచ్చాయి. నిజానికి తొలుత మణిశర్మ, దేవీ శ్రీ ప్రసాద్, ఎస్ థమన్‌ల పేర్లు వినిపించినప్పటికీ అనిరుధ్‌ను ఫైనల్‌ చేశారని సమాచారం. ఇదిలా ఉంటే తాజాగా దీనికి సంబంధించిన మరో రూమర్‌ ఆసక్తిని రేకెత్తిస్తోంది. అనిరుధ్‌ ఈ సినిమా కోసం ఏకంగా రూ. 4.50 కోట్లు డిమాండ్‌ చేశాడని వార్తలు వస్తున్నాయి. చిత్ర యూనిట్‌ కూడా అనిరుధ్‌ అడిగినంత ముట్టచెప్పడానికి సిద్ధంగా ఉందని టాక్‌ నడుస్తోంది. మరి ఈ వార్తలో ఎంత వరకు నిజం ఉందో తెలియదు కానీ.. ఈ వార్తే నిజమైతే అనిరుధ్‌ మరో సంచలనానికి తెర తీసినట్లే అవుతుంది.

Also Read: Allu Arjun’s Pushpa: పులిలా రికార్డులను వేటాడుతున్న పుష్పరాజ్.. ఫస్ట్ సాంగ్‌‌‌‌తోనే షురూ చేశాడు..

Simbu : సినిమా కోసం శింబు పడ్డ కష్టం అంతాఇంత కాదుగా.. న్యూ లుక్‌‌‌‌తో షాక్ ఇచ్చిన హీరో..

Lakshya: అదరహో అనిపిస్తున్న అందాల కేతిక.. నాగశౌర్య ‘లక్ష్య’ నుంచి గ్లిమ్స్ విడుదల..