Allu Arjun’s Pushpa: పులిలా రికార్డులను వేటాడుతున్న పుష్పరాజ్.. ఫస్ట్ సాంగ్‌‌‌‌తోనే షురూ చేశాడు..

Allu Arjun’s ‘Pushpa: ఐకాన్ స్టార్ అల్లు అర్జున్ పుష్పరాజ్‌‌‌గా ప్రేక్షకుల ముందుకు రావడానికి రెడీ అవుతున్నారు. బన్నీ హీరోగా సుకుమార్ దర్శకత్వంలో తెరకెక్కుతున్న పుష్ప సినిమా చేస్తున్న విషయం తెలిసిందే. ఈ సినిమాకోసం బన్నీ అభిమానులంతా ఎంతో ఆసక్తిగా ఎదురుచూస్తున్నారు. గంధపు చెక్కల స్మగ్లింగ్ నేపథ్యంలో తెరకెక్కనున్న ఈ సినిమాలో బన్నీ ఎర్రచందనం స్మగ్లింగ్ చేసే లారీ డ్రైవర్‌‌‌‌గా కనిపించనున్నాడు. ఈ సినిమాకోసం మునుపెన్నడూ కనిపించని విభిన్నమైన గెటప్ లో కనిపించనున్నాడు. పుష్ప సినిమాకోసం ఊర మాస్ లుక్ లోకి మారిపోయాడు స్టైలిష్ స్టార్. తాజాగా ఈ సినిమానుంచి ఫస్ట్ సింగిల్ విడుదల చేశారు చిత్రయూనిట్. ‘దాక్కో దాక్కో మేక పులోచి కోరుకుద్ది పీక’ అంటూ సాగే మాస్ సాంగ్‌‌‌ను ప్రేక్షకుల ముందుకు తీసుకువచ్చారు. చంద్రబోస్ సాహిత్యాన్ని అందించిన ఈ పాటను శివమ్ ఆలపించాడు. ఈ పాట ఇప్పుడు ఒక ఊపు ఊపుతోంది.

పుష్ప సినిమాకు రాక్ స్టార్ దేవీశ్రీ ప్రసాద్ సంగీతం అందిస్తున్నారు. పుష్ప సినిమా కథ అడవి నేపథ్యంలో సాగుతుంది .. అందువలన ఆటవిక న్యాయాన్ని గురించి చెబుతూ ఈ పాట నడుస్తుంది. ‘దాక్కో దాక్కో మేక’ పాట సోషల్ మీడియాను షేక్ చేస్తోంది. రికార్డ్‌‌‌‌‌లను తిరగ రాస్తుంది. పాటను రిలీజ్ చేసిన క్షణాల్లో లైకులు, వ్యూస్‌‌‌తో దూసుకుపోయింది. ఈ సాంగ్ 182 నిమిషాల్లోనే 400వేల లైక్స్ ను సాధించింది. టాలీవుడ్‌‌‌లో ఇంతవరకూ ఇంత వేగంగా .. ఇంత తక్కువ సమయంలో ఈ ఫీట్‌‌‌ని సాధించిన లిరికల్ వీడియో ఇదేనని చెబుతున్నారు విశ్లేషకులు. మరి ఈ సినిమా ముందుముందు ఇంకెన్ని రికార్డులు క్రియేట్ చేస్తుందో చూడాలి. ఇక ఈ సినిమాను క్రిస్మస్ కానుకగా విడుదల చేస్తున్నారు. ఈ సినిమాలో రష్మిక మందన హీరోయిన్‌‌‌గా నటిస్తుంది.

మరిన్ని ఇక్కడ చదవండి : 

Vishwak Sen: పాగల్ ప్రమోషన్స్‌‌‌తో దుమ్మురేపుతున్న విశ్వక్ సేన్.. యాంకర్‌‌తో ఇలా డాన్స్‌‌‌లు

Lakshya: అదరహో అనిపిస్తున్న అందాల కేతిక.. నాగశౌర్య ‘లక్ష్య’ నుంచి గ్లిమ్స్ విడుదల..