Naga Chaitanya: నాగ చైతన్య అభిమానుల గొప్ప మనసు.. అనాథలు, పేదల కడుపు నింపిన ఫ్యాన్స్.. వీడియో

Naga Chaitanya Birthday

అక్కినేని నాగ చైతన్య శనివారం (నవంబర్ 23) తన పుట్టిన రోజు ను గ్రాండ్ గా సెలబ్రేట్ చేసుకున్నారు. కుటుంబ సభ్యులు, స్నేహితులు, సన్నిహితులు, సినీ ప్రముఖులు, అభిమానులు, నెటిజన్లు.. ఇలా ప్రతి ఒక్కరూ అక్కినేని యువ సామ్రాట్ కు బర్త్ డే విషెస్ తెలియజేశారు. అలాగే చైతూ నటిస్తోన్న కొత్త సినిమాల అప్డేట్స్ కూడా రిలీజ్ చేశారు మేకర్స్. ఇక అక్కినేని అభిమానులు నాగ చైతన్య బర్త్ డే ను గ్రాండ్ గా సెలబ్రేట్ చేసుకున్నారు. అన్నదానం, రక్తదానం వంటి పలు సామాజిక సేవా కార్యక్రమాలు చేపట్టారు. ఈ క్రమంలోనే కర్నూలు పట్టణానికి చెందిన అక్కినేని అభిమానులు ఒక అడుగు ముందుకేసి అందరి మనసులు గెల్చుకున్నారు. అదేంటంటే.. నాగ చైతన్య పుట్టిన రోజును అనాథశ్రమంలో పిల్లల మధ్య సెలబ్రేట్ చేసుకున్నారు కర్నూల్ అక్కినేని ఫ్యాన్స్. వారి మధ్యనే చైతన్య బర్త్ డే కేక్ కట్ చేశారు. పిల్లలందరికీ కేక్ పంచి పెట్టడంతో పాటు ఫుడ్ ప్యాకెట్స్ ను పంచి పెట్టారు. ఇందుకు సంబంధించిన ఫొటోలు, వీడియోలు ప్రస్తుతం సామాజిక మాధ్యమాల్లో బాగా వైరలవుతున్నాయి. వీటిని చూసిన సినీ అభిమానులు, నెటిజన్లు అక్కినేని అభిమానులను ప్రశంసిస్తున్నారు.

ఇక సినిమాల విషయానికి వస్తే.. ప్రస్తుతం తండేల్ సినిమాతో బిజీగా ఉన్నాడు నాగ చైతన్య. చందూ మొండేటి తెరకెక్కిస్తోన్న ఈ పాన్ ఇండియా సినిమాలో న్యాచురల్ బ్యూటీ సాయి పల్లవి కథానాయికగా నటిస్తోంది. గీతా ఆర్ట్స్ బ్యానర్ పై బన్నీ వాసు భారీ బడ్జెట్ తో ప్రతిష్ఠాత్మకంగా ఈ సినిమాను నిర్మిస్తున్నారు.

అనాథాశ్రమంలో అక్కినేని అభిమానులు..

తండేల్ తర్వాత విరూపాక్ష డైరెక్టర్ కార్తీక్ దండు దర్శకత్వంలో ఓ సినిమా చేయనున్నాడు నాగ చైతన్య. NC 24( వర్కింగ్ టైటిల్) పేరుతో తెరకెక్కుతోన్న ఈ సినిమాకు సుకుమార్ నిర్మాతగా వ్యవహరించనున్నారు.

పేదలకు, అనాథలకు ఫుడ్ ప్యాకెట్స్..

అభిమానుల రక్తదానం..

మరిన్ని సినిమా వార్తల కోసం ఇక్కడ క్లిక్ చేయండి.