Telugu Song : కుర్రాళ్ల గుండెల్లో గుచ్చుకున్న ప్రేమ పాట.. ఈ సాంగ్ వింటే కన్నీళ్లు ఆగవు..

సినిమాలు ప్రేక్షకుల జ్ఞాపకాల్లో నిలిచిపోవడానికి కథ, నటీనటుల యాక్టింగ్ కారణం కాదు. కొన్ని సందర్భాల్లో సినిమాలోని పాటలు కూడా ప్రేక్షకుల మనసుల్లో చెరగని ముద్ర వేస్తాయి. సినిమా విడుదలై ఎన్ని సంవత్సరాలు గడిచినా.. ఆ పాట వినగానే అప్పటి జ్ఞాపకాలు కళ్లముందు కదలాడుతుంటాయి. ముఖ్యంగా ప్రేమ, విరహం నేపథ్యంలో సాగే పాటలకు ప్రేక్షకుల్లో ప్రత్యేకమైన ఆదరణ ఉంటుంది. ప్రేమలో ఉన్నప్పుడు వినే పాటలు ఒక రకమైన అనుభూతిని కలిగిస్తే.. ప్రేమను కోల్పోయిన సమయంలో వినే విరహ గీతాలు మరో రకమైన భావోద్వేగాన్ని కలిగిస్తాయి. అందుకే కొన్ని పాటలు వినేటప్పుడు తెలియకుండానే కళ్లలో నీళ్లు తిరుగుతాయి. అలాంటి ఎన్నో అద్భుతమైన పాటల్లో ‘గులాబీ’ సినిమాలోని “ఏ రోజైతే చూశానో నిన్ను.. ఆ రోజే నువ్వైపోయా నేను” పాట కూడా ఒకటి.

అబ్బా..! ఆ సినిమా నేను చేయాల్సింది.. కానీ ఆమెకు వెళ్ళిపోయింది.. చాలా బాధ పడ్డా

1995లో ప్రేక్షకుల ముందుకు వచ్చిన ‘గులాబీ’ సినిమా అప్పట్లో యువతను విశేషంగా ఆకట్టుకుంది. జేడీ చక్రవర్తి, మహేశ్వరి జంటగా నటించిన ఈ చిత్రానికి క్రియేటివ్ డైరెక్టర్ కృష్ణవంశీ దర్శకత్వం వహించారు. ప్రేమకథకు యాక్షన్, ఎమోషన్‌ను జోడిస్తూ తెరకెక్కించిన ఈ సినిమా మంచి విజయాన్ని అందుకుంది. సినిమాలోని పాటలకు కూడా ప్రేక్షకుల నుంచి అద్భుతమైన స్పందన వచ్చింది. అందులో ముఖ్యంగా “ఏ రోజైతే చూశానో నిన్ను.. ఆ రోజే నువ్వైపోయా నేను” పాట ప్రత్యేకంగా నిలిచిపోయింది. ప్రియురాలు దూరమైన సందర్భంలో హీరో పడే బాధను, విరహ వేదనను ఈ పాట ఎంతో హృద్యంగా ఆవిష్కరిస్తుంది.

నేను చెప్పాలనుకుంది ఒకటి.. వాళ్లకు అర్ధమైంది ఇంకొకటి..! కయాదు సీన్‌పై డైరెక్టర్ క్లారిటీ.!

హీరోయిన్‌ను విలన్లు కిడ్నాప్ చేసిన తర్వాత కథలో వచ్చే ఈ పాట ప్రేక్షకులను భావోద్వేగానికి గురిచేస్తుంది. ప్రేమించిన వ్యక్తి ఒక్కసారిగా దూరమైతే కలిగే బాధను పాటలోని సాహిత్యం, సంగీతం, గానం కలిసి మరింత బలంగా చూపించాయి. ఈ పాటకు సిరివెన్నెల సీతారామశాస్త్రి అందించిన సాహిత్యం ప్రధాన ఆకర్షణగా నిలిచింది. ప్రేమలోని తీయదనంతో పాటు విరహంలోని బాధను కూడా ఆయన పదాల్లో అద్భుతంగా పలికించారు. పాటలోని ప్రతీ పదం ప్రేమికుడి మనసులోని భావాలను ప్రతిబింబించేలా ఉంటుంది. మరోవైపు శశి ప్రీతమ్ ఈ చిత్రానికి సంగీతం అందించడమే కాకుండా ఈ పాటను స్వయంగా ఆలపించారు. ‘గులాబీ’ సినిమా విడుదలై ఎన్నో సంవత్సరాలు గడిచిపోయాయి. కొత్త తరహా సంగీతం, కొత్త సినిమాలు వస్తున్నప్పటికీ ఈ సినిమాలోని పాటలకు మాత్రం ప్రత్యేకమైన అభిమాన వర్గం ఉంది. ముఖ్యంగా ప్రేమ విఫలమైన వారు, తమకు ఇష్టమైన వ్యక్తికి దూరమైన వారు ఈ పాటను వింటే తమ అనుభవాలను గుర్తు చేసుకుంటుంటారు. అందుకే “ఏ రోజైతే చూశానో నిన్ను.. ఆ రోజే నువ్వైపోయా నేను” పాట కేవలం సినిమాలోని ఒక పాటగా మాత్రమే కాకుండా.. ఎంతోమంది ప్రేమికుల భావోద్వేగాలకు ప్రతీకగా నిలిచిపోయింది. కాలం మారినా, సంగీతంలో ఎన్నో మార్పులు వచ్చినా.. నిజమైన భావోద్వేగంతో రూపొందిన పాటలకు ప్రేక్షకుల హృదయాల్లో ఉండే స్థానం మాత్రం ఎప్పటికీ ప్రత్యేకమే.

ఇవి కూడా చదవండి

బ్లౌజ్ లేకుండానే ఆ సినిమా మొత్తం నటించా..

ఆ సినిమా చూస్తే నిద్రపట్టలేదు, ఏడు పొచ్చేసింది..

అప్పుడు అందంగాలేనని నో చెప్పారు.. కట్ చేస్తే

నేను ఏడవడం నా కూతురు చూడలేకపోయింది..

సినిమా టైటిల్ ఇలా మార్చాల్సిందే.. స్టార్ హీరోకు చుక్కలు చూపించిన శ్రీదేవి.. చివరకు