Tollywood: తాతయ్యతో చిరునవ్వులు చిందిస్తోన్న ఈ చిన్నోడి టాలెంట్‏కు ప్రపంచమే ఫిదా.. గుర్తుపట్టగలరా ?..

Actor 1

ప్రస్తుతం సోషల్ మీడియా సినీ ప్రముఖులకు.. అభిమానులకు వారధిగా మారింది. ఒకప్పుడు మూవీ రిలీజ్ డేట్, అప్డేట్స్ కోసం తెలుసుకునే నెటిజన్స్.. ఇప్పుడు తమ ఫేవరేట్ హీరోహీరోయిన్స్ వ్యక్తిగత వివరాలు తెలుసుకునేందుకు ఆసక్తి చూపిస్తున్నారు. ఇక సెలబ్రెటీస్ సైతం నెట్టింట ఫుల్ యాక్టివ్ గా ఉంటూ.. అభిమానులు అడిగిన ప్రశ్నలకు సమాధానాలు చెబుతున్నారు. ఈ క్రమంలోనే కొద్ది రోజులుగా త్రోబ్యాక్ ఫోటోస్ ట్రెండ్ అంటూ నెట్టింట స్టార్ హీరోహీరోయిన్స్ చిన్ననాటి ఫోటోస్ తెగ షేర్ చేస్తున్నారు ఫ్యాన్స్. టాలీవుడ్, బాలీవుడ్, కోలీవుడ్.. ఇలా భాషతో సంబంధం లేకుండా స్టార్స్ చైల్డ్ హుడ్ పిక్స్ సోషల్ మీడియాలో చక్కర్లు కొడుతున్నాయి. తాజాగా ఓ పాన్ ఇండియా హీరో త్రోబ్యాక్ పిక్ సైతం హల్చల్ చేస్తుంది. పైన ఫోటోలో తన తాతయ్యతో కలిసి చిరునవ్వులు చిందిస్తున్న ఆ చిన్నోడు టాలీవుడ్ హీరో. అతడికి తెలుగు రాష్ట్రాల్లోనే కాకుండా.. ప్రపంచవ్యాప్తంగా అభిమానులు ఉన్నారు. ఎవరో గుర్తుపట్టండి.

అతనే మెగా పవర్ స్టార్ రామ్ చరణ్. మెగాస్టార్ చిరంజీవి తనయుడిగా తెలుగు సినీ పరిశ్రమలోకి అడుగుపెట్టిన చరణ్.. ఆ తర్వాత తనకంటూ ప్రత్యేక ఫ్యాన్ బేస్ క్రియేట్ చేసుకున్నాడు. ఇండస్ట్రీలోకి అడుగుపెట్టగానే స్టార్ డమ్ అందుకోలేదు. ఎన్నో విమర్శలను ఎదుర్కొని.. నటనపరంగా తనను తాను మలుచుకుని అందరి చేత ప్రశంసలు అందుకున్నారు చరణ్. ముఖ్యంగా సుకుమార్ దర్శకత్వంలో చరణ్ నటించిన రంగస్థలం సినిమాలో చెర్రీ నటన ఆకట్టుకుంది. ఈ చిత్రంలో చెవులు వినిపించని హీరోగా చెర్రీ నటన అద్భుతమంటూ విమర్శించినవారే ప్రశంసించారు.

ఇక ఇటీవల డైరెక్టర్ రాజమౌళి దర్శకత్వంలో వచ్చిన ఆర్ఆర్ఆర్ సినిమాలో పాన్ ఇండియా స్టార్ గా గుర్తింపు సంపాదించుకున్నారు. ఈ సినిమాలో అల్లూరి సీతారామరాజుగా చరణ్ నటించారు. వరల్డ్ వైడ్ గా ఈ మూవీ సెన్సెషన్ క్రియేట్ చేసింది. ఇందులో జూనియర్ ఎన్టీఆర్ సైతం నటించారు. ఇదిలా ఉంటే.. ప్రస్తుతం చరణ్.. డైరెక్టర్ శంకర్ దర్శకత్వంలో గేమ్ చేంజర్ సినిమా చేస్తున్నారు. ఇక ఇటీవలే తండ్రిగా ప్రమోషన్ పొందారు చరణ్. ఆయన సతీమణి ఉపాసన కొణిదెల జూన్ 20న పండంటి ఆడబిడ్డకు జన్మినిచ్చారు. ప్రస్తుతం చరణ్ సినిమాల నుంచి బ్రేక్ తీసుకుని తన భార్యతోపాటు.. చిరంజీవి ఇంట్లోనే ఉంటున్నారు.

మరిన్ని సినిమా వార్తల కోసం ఇక్కడ క్లిక్ చేయండి.