చేసింది రెండు సినిమాలే..! లవర్ బాయ్ క్రేజ్.. కట్ చేస్తే 26ఏళ్లకే చనిపోయిన హీరో..

ప్రతివారం ఎన్నో సినిమాలు విడుదలవుతుంటాయి.. ఎన్ని సినిమాలు విడుదలైన సరే కొన్ని సినిమాలు మాత్రం ప్రేక్షకులకు ఎప్పటికీ గుర్తిండి పోతాయి. అలాంటి వాటిలో ఈ హీరో సినిమా ఒకటి.. ఆ హీరో చేసింది ఒకే ఒక్క సినిమా అది కూడా సూపర్ హిట్‌గా నిలిచింది. ఇప్పటికీ చాలా మంది అభిమాన సినిమా అది.

Tollywood Hero

Rajeev Rayala |
Updated on: Feb 24, 2026 | 2:58 PM

హీరోయిన్స్ మాత్రమే కాదు హీరోలు కూడా కొన్ని సినిమాలతోనే కనిపించకుండా పోతుంటారు. కొందరు నటనకు గుడ్ బై చెప్పేసి బిజినెస్‌లలో బిజీగా మారిపోతే మరికొందరుపెళ్లి చేసుకొని కొత్త లైఫ్ ను స్టార్ట్ చేశారు. ఇక కొందరు హీరోలు తక్కువ సినిమాలతోనే స్టార్ డమ్ తెచ్చుకుంటూ ఉంటారు. అలానే ఇప్పుడు మనం మాట్లాడుకుంటున్న హీరో కూడా లవర్ బాయ్ ఇమేజ్ ను సొంతం చేసుకున్నాడు. ఒకే ఒక్క సినిమాతో మంచి హిట్ తో పాటు అమ్మాయిల డ్రీమ్ బాయ్ గా మారిపోయింది. సినిమా సూపర్ హిట్ అవ్వడంతో ఆ హీరో స్టార్ అవుతాడని అంతా అనుకున్నారు. కానీ అలా జరగలేదు..తొలి సినిమాతోనే లవర్ బాయ్ గా పేరు తెచ్చుకున్న అతను.. ఆతర్వాత ఊహించని విధంగా ఈ లోకాన్ని విడిచిపోయాడు. ఓ రోడ్డు ప్రమాదంలో చనిపోయాడు.

ఇంతకూ ఆ హీరో ఎవరో తెలుసా.? ఓ హీరోయిన్ పుట్టిన రోజు కోసం వస్తూ యాక్సిడెంట్ అయ్యి చనిపోయాడు.. ఇంతకూ ఆ హీరో ఎవరంటే.. ప్రేమ కథలకు ప్రేక్షకుల నుంచి మంచి రెస్పాన్స్ వస్తుంది. ఎన్నో లవ్ స్టోరీస్ ఇప్పటికే సూపర్ హిట్స్ గా నిలిచాయి. అలాంటి వాటిలో ఉల్లాసంగా ఉత్సహంగా సినిమా ఒకటి. కరుణాకరన్ దర్శకత్వంలో వచ్చిన ఈ ప్రేమ కథ చిత్రం ప్రేక్షకులను విశేషంగా ఆకట్టుకుంది. ఈ సినిమాతో హీరోగా పరిచయం అయ్యాడు యశో సాగర్. ఈ సినిమాలో హీరోయిన్ గా స్నేహ ఉల్లాల్ హీరోయిన్ గా నటించింది.

ఈ సినిమా మంచి విజయాన్ని అందుకుంది. అలాగే ఈ సినిమాలోని పాటలు కూడా ప్రేక్షకులను విశేషంగా అలరించాయి. ఇప్పటికీ ఈ సినిమా సాంగ్స్‌ను ప్రేక్షకులు ఎంజాయ్ చేస్తూ ఉంటారు. అయితే ఈ సినిమా తర్వాత యశో సాగర్ రోడ్డు ప్రమాదంలో మరణించాడు. యశోసాగర్ పూణే నుండి బెంగళూరుకు వస్తుండగా 2012 డిసెంబర్ 25న రోడ్డు ప్రమాదంలో మరణించాడు. రోడ్డు ప్రమాదంలో యశోసాగర్ స్నేహితుడు విశ్వనాథరెడ్డి కూడా మరణించాడు. అయితే స్నేహ ఉల్లాల్ పుట్టిన రోజు కోసం వస్తుంటేనే ప్రమాదం జరిగిందని అప్పట్లో వార్తలు వచ్చాయి. ఆతర్వాత ఆ వార్తల్లో నిజం లేదని తెలిసింది. యశో సాగర్ మిస్టర్ ప్రేమికుడు అనే మరో తెలుగు చిత్రంలో కూడా నటించాడు. కానీ యశోసాగర్ మరణానంతరం ఈ చిత్రం విడుదలకు నోచుకోలేదు. ఈ యంగ్ హీరో మరణం ఇప్పటికీ ఎంతో మందిని కలిచివేస్తుంది. టీవీలో ఉల్లాసంగా ఉత్సహంగా సినిమా చూసినప్పుడల్లా యశోసాగర్‌ను మిస్ అవుతున్నారు ఆడియన్స్.

ఇవి కూడా చదవండి