Jabardasth Rohini: జబర్దస్త్ రోహిణి ఒక్కో ప్రోగ్రాంకు ఎంత తీసుకుంటుంది? ఆమె నెల సంపాదన తెలిస్తే నోరెళ్లబెట్టాల్సిందే
జబర్దస్త్ తో మంచి గుర్తింపు తెచ్చుకున్న రోహిణి బిగ్ బాస్ షోలోనూ సందడి చేసింది. కొన్ని సినిమాలు, వెబ్ సిరీసుల్లోనూ నటించింది. ప్రస్తుతం బుల్లితెరపై బిజీగా ఉన్నాఆర్టిస్టుల్లో ఆమె కూడా ఒకరని చెప్పవచ్చు. మరి ఒక్కో ప్రోగ్రాంకు రోహిణీ ఎంత తీసుకుంటుందో తెలుసా?
Updated on: Mar 25, 2026 | 11:06 AM
ప్రస్తుతం బుల్లితెరపై బాగా బిజీగా ఉన్న ఆర్టిస్టుల్లో జబర్దస్త్ రోహిణీ కూడా ఒకరు. బుల్లితెరపై ప్రసారమయ్యే చాలా ప్రోగ్రామ్స్, ఈవెంట్స్ లో ఈ ముద్దుగుమ్మ సందడి కనిపిస్తుంటుంది. కొంచెం ఇష్టం కొంచెం కష్టం సీరియల్ ద్వారా తెలుగు ప్రేక్షకులకు పరిచయమైన రోహిణి జబర్దస్త్ తో మంచి గుర్తింపు తెచ్చుకుంది. డిఫరెంట్ స్లాంగ్ కు తోడు కామెడీ సెన్స్ పుష్కలంగా ఉండడంతో ఆమెకు జబర్దస్త్ షోతో పాటు పలు టీవీ షోస్, ప్రోగ్రామ్స్ లలో అవకాశాలు వచ్చాయి. ఈ క్రమంలో బిగ్ బాస్ తెలుగు రియాలిటీ షోలో ఏకండా రెండు సార్లు కంటెస్టెంట్ గా పార్టిసిపేట్ చేసింది. విజేతగా నిలవకపోయినా తన ఆట, మాట తీరుతో ఎంతో మంది అభిమానులను సొంతం చేసుకుంది. దీని తర్వాత రోహిణీ క్రేజ్ అమాంతం పెరిగిపోయింది. సినిమాలు, వెబ్ సిరీసుల్లోనూ ఆమెకు అవకాశాలు వచ్చాయి. ముఖ్యంగా తెలుగు వెబ్ సిరీస్ సేవ్ ది టైగర్స్ లో రోహిణీ కామెడీకి అందరూ ఫిదా అయ్యారు. త్వరలోనే ఈ సిరీస్ మూడో భాగం కూడా రానుంది. మొత్తానికి రోజురోజుకీ తన క్రేజ్ ను పెంచుకుంటూ వరుసగా అవకాశాలను అందుకుంటోంది రోహిణీ. చేతి నిండా టీవీ షోస్, ప్రోగ్రామ్స్ తో ఫుల్ బిజీగా మారతోంది.
బాగా క్రేజ్ ఉన్న యాక్టర్ కావడంతో రోహిణీ రెమ్యూనరేషన్ కూడా ఎక్కువగానే ఉంటుందని తెలుస్తోంది. ఒక ప్రోగ్రాంకి ఆమె దాదాపు 75 వేల నుంచి లక్ష రూపాయల వరకు ఉంటుందని తెలుస్తోంది. ఇక సినిమాలు, వెబ్ సిరీస్ లకు కూడా లక్షల్లోనే పారితోషికం తీసుకుంటున్నట్లు తెలుస్తోంది. వీటి ద్వారా ఆమె నెలకు సుమారు 15 లక్షలు సంపాదిస్తోందని సమాచారం. కాగా రోహిణీ తన సంపాదనతో ఇటీవల ఒక కొత్త సొంతిల్లు కొనుక్కుందట. అలాగే తన ఆదాయంతోనే తన తల్లికి ఎటువంటి లోటు లేకుండా చూసుకుంటోందట. ఈ విషయం తెలిసి నెటిజన్లు ఆమెపై ప్రశంసల వర్షం కురిపిస్తున్నారు.
జబర్దస్త్ రోహిణీ లేటెస్ట్ ఫొటోస్..
View this post on Instagram
ఇదిలా ఉంటే జబర్దస్త్ రోహిణి గురించి ఈ మధ్య కొన్ని వార్తలు సోషల్ మీడియాలో బాగా వైరలవుతున్నాయి. ఆమె త్వరలోనే పెళ్లి చేసుకోనుందని నెట్టింట బాగా ప్రచారం జరుగుతోంది. అయితే దీనిపై ఇప్పటివరకు రోహిణీ స్పందించిన దాఖలాలు లేవు.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
