Venu Swamy: మాంసం, మద్యంతో నైవేద్యం.. నీటిపై తేలియాడుతూ వేణుస్వామి పూజలు.. దేనికోసమే తెలిస్తే షాక్ అవుతారు
ఇటీవలే ఓ ప్రముఖ ఆలయానికి వెళ్లిన వేణు స్వామిని అక్కడి అర్చకులు, ఆలయాధికారులు గుడిలోకి రాకుండా అడ్డుకున్నారు. ఇందుకు సంబంధించిన వీడియోలు కూడా నెట్టింట బాగా వైరలయ్యాయి. ఇప్పుడు మరోసారి తన పూజలతో వార్తల్లో నిలిచారు వేణు స్వామి. ఇందుకు సంబంధించిన వీడియో ఒకటి ఇప్పుడు నెట్టింట బాగా వైరలవుతోంది.
Updated on: Oct 14, 2025 | 10:34 PM
వేణు స్వామి.. ప్రత్యేక పరిచయం అవసరం లేని పేరు. రాజకీయ నాయకులు, సినిమా సెలబ్రిటీల జాతకాలు చెబుతూ తరచూ వార్తల్లో నిలుస్తుంటారీ స్వామీజీ. సమంత, నయన తార, ప్రభాస్, రష్మిక, విజయ్ దేవరకొండ, రకుల్ ప్రీత్ సింగ్, నాగ చైతన్య, శోభిత.. ఇలా చాలా మంది సెలబ్రిటీల గురించి చెబుతూ వివాదాల్లో నిలిచారు వేణు స్వామి. అదే సమయంలో ఆయన చేసే పూజలు కూడా తరచూ వివాదాస్పదమవుతున్నాయి. సంతానం లేనివారు ప్రముఖ కామాఖ్య ఆలయం కొండపైన కలిస్తే ఏడాదిలోపు పిల్లలు పుడతారంటూ ఆయన చేసిన కామెంట్స్ తీవ్ర దుమారం రేపాయి. అంతేకాదు అక్కడ పూజలు నిర్వహించేటప్పుడు అమ్మవారికి నైవేద్యంగా మాంసాహారం సమర్పిస్తాంచాలనడం కామాఖ్య ఆలయ అర్చకుల ఆగ్రహానికి కారణమైంది. ఈ కారణంగానే వేణు స్వామిని ఆలయంలోకి రాకుండా అడ్డుకున్నారు. తాజాగా మరోసారి తన పూజలతో వార్తల్లో నిలిచారీ ఫేమస్ ఆస్ట్రాలజర్. వటుక భైరవ పేరుతో పూజలు చేసిన ఆయన స్వామి వారికి మాంసం, మద్యం నైవేద్యంగా సమర్పించారు. ఆ తర్వాత వాటన్నింటినీ హోమంలో వేసి ఆహుతి ఇచ్చారు.
కాగా ఈ వటుక భైరవ పూజ గురించి పలు ఆసక్తకర విషయాలు చెప్పారు వేణుస్వామి. ఈ పూజ ఎవరి పేరు మీద అయితే చేస్తామో వారికి కోర్టు వ్యవహారాలు, రాజకీయ వ్యవహారాలు, డబ్బు పరంగానూ విజయం సిద్ధిస్తుందన్నారు. అలాగే శత్రువుల పీడ కూడా విరగడవుతుందని చెప్పుకొచ్చారు. అయితే ఈ వటుక భైరవ పూజా కార్యక్రమంలో తప్పకుండా స్వామి వారికి తప్పకుండా మద్యం, మాంసం నైవేద్యంగా సమర్పించాలని వేణు స్వామి తెలిపారు.
వటుక భైరవ పూజలో వేణు స్వామి.. వీడియో ఇదిగో..
View this post on Instagram
అయితే ఈ పూజా ఫలితం దక్కాలంటే పూజ చివరిలో నీటి మీద తేలియాడుతూ వటుక భైరవ పూజకు సంబంధించిన మంత్రాలను జపించాలన్నారు వేణు స్వామి. అందుకు తగ్గట్టుగానే పూజ అనంతరం ఫామ్ హౌస్ లోనే ఉన్న స్విమ్మింగ్ పూల్ నీటిపై తేలియాడుతూ వటుక భైరవ మంత్రాలను జపించారీ స్వామీజీ. ఇందుకు సంబంధించిన ఈ వీడియోని తన సోషల్ మీడియా ఖాతాలో షేర్ చేశారు వేణుస్వామి. దీంతో అది కాస్తా నెట్టింట వైరల్ గా మారింది. దీనిని చూసిన నెటిజన్లు భిన్న రకాలుగా స్పందిస్తున్నారు. ముఖ్యంగా మాంసం మద్యం దేవుడికి నైవేద్యంగా పెట్టడంపై భిన్న వాదనలు వినిపిస్తున్నాయి.
మరిన్ని సినిమా వార్తల కోసం ఇక్కడ క్లిక్ చేయండి..
