Allu Aravind: ఆయనతో ఒక్క సినిమా అయినా చేయాలనుకున్నా.. అలా చిరంజీవి దగ్గర చిన్న డ్రామా ఆడాను
దర్శకుడు కే. విశ్వనాథ్తో చిరంజీవి ఒక సినిమా చేయాలనే తన కోరికను ఎలా తీర్చుకున్నానన్న విషయాన్ని గతంలో ఓ ఇంటర్వ్యూలో అల్లు అరవింద్ వెల్లడించారు. ఈ కలయిక కోసం తాను చిరంజీవి వద్దకు వెళ్లి, విశ్వనాథ్ ఆసక్తిగా ఉన్నారని, విశ్వనాథ్ వద్దకు వెళ్లి చిరంజీవి ఉత్సాహంగా ఉన్నారని చెప్పి ఒక "చిన్న డ్రామా" ఆడినట్లు ఆయన వివరించారు.
ప్రఖ్యాత దర్శకుడు విశ్వనాథ్తో నటుడు చిరంజీవి ఒక చిత్రంలో నటించాలనే తన కోరికను తీర్చుకునేందుకు ఓ చిన్న డ్రామా ఆడినట్టు నిర్మాత అల్లు అరవింద్ గతంలో ఓ ఇంటర్వ్యూలో వెల్లడించారు. ఈ కలయికను సాకారం చేయడానికి తాను చేసిన ప్రయత్నాలను ఆయన వివరించారు. అది కూడా స్వయంగా విశ్వనాథ్తోనే ఈ విషయాలను వెల్లడించారు. అప్పట్లో దర్శకుడు విశ్వనాథ్తో చిరంజీవి ఒక సినిమా చేస్తే బాగుంటుందని తన మనసులో బలంగా కోరుకున్నానని అల్లు అరవింద్ తెలిపారు.
తెలుగు చలనచిత్ర రంగానికి విశేష సేవలందించిన కళాతపస్వి కే. విశ్వనాథ్, తన అద్భుతమైన దర్శకత్వంతో ఎన్నో గొప్ప చిత్రాలను అందించారు. ఆయన “ఆత్మ గౌరవం” చిత్రంతో దర్శకుడిగా అరంగేట్రం చేశారు. “స్వాతిముత్యం” 1986లో ఆస్కార్స్కు భారతదేశ అధికారిక ప్రవేశంగా నిలిచింది. ఆయన ఐదు జాతీయ చలనచిత్ర అవార్డులు, పది ఫిల్మ్ఫేర్ అవార్డులు సౌత్, పద్మశ్రీ, ఇంకా 2017లో అత్యున్నతమైన దాదాసాహెబ్ ఫాల్కే అవార్డులు అందుకున్నారు. ఆయన చిరంజీవితో కలిసి పని చేయడం ఒక గొప్ప అవకాశంగా ఉంటుందని భావించానని అల్లు అరవింద్ ఆ ఇంటర్వ్యూలో తెలిపారు.
ఈ కాంబినేషన్ పట్టాలెక్కించేందుకు విశ్వప్రయత్నాలు చేశానని.. అందులో భాగంగా ఒక “చిన్న డ్రామా” ఆడానని అల్లు అరవింద్ వివరించారు. చిరంజీవి ఇంటికి వెళ్లి ” మీరు సినిమాలో ఉంటే బాగుంటుందని విశ్వనాథ్ అనుకుంటున్నారని” అని చెప్పి.. ఆపై విశ్వనాథ్ వద్దకు వెళ్లి “చిరంజీవి మీతో సినిమా చేయాలని చాలా ఉత్సాహంగా ఉన్నారు” అని తెలిపినట్లు పేర్కొన్నారు. ఇక ఆ తర్వాత చిరంజీవితో శుభలేఖ, స్వయంకృషి, అపద్బంధావుడు లాంటి సూపర్ హిట్ చిత్రాలను దర్శకుడు కే.విశ్వనాధ్ అందించారు.
ఇది చదవండి: ఎలాంటి పాము కరిచినా సరే.. ఈ వేరు చప్పరిస్తే విషం వెంటనే విరిగిపోతుంది..