Silk Smitha: సిల్క్ స్మిత సగం తిన్న యాపిల్‌ను వేలం వేసిన మేకప్ మ్యాన్.. ఎంతకు కొన్నారో తెల్సా..?
మత్తెక్కించే కళ్లు ఆమెవి. కుర్రాళ్ల హృదయాలను ఆకర్షించే అయస్కాంతం ఆమె. కొన్నిసార్లు సిల్క్ డేట్స్ తీసుకున్న తర్వాతే దర్శకులు హీరోలకు కథ చెప్పేవారంటే అతిశయోక్తి కాదు. నటన, అందంతో పాటు తన డ్యాన్స్‌లతో ప్రేక్షకులను ఉర్రూతలూగించింది సిల్క్. అప్పట్లో ఆమెకున్న క్రేజ్ ఎంతో తెలియాలంటే మీరు ఈ కథనం చదవాల్సిందే.
సిల్క్ స్మిత.. వెండితెరకు నిషా మత్తును పరిచయం చేసిన నటి . 36 ఏళ్ళకే ఈ లోకాన్ని వీడిన ధృవ తార. ఆమె జనాలను థియేటర్లకు ఆకర్షించే అయస్కాంతం. ఆమెను సినిమాలో పెట్టుకుంటే.. ప్రొడ్యూసర్లకు కాసుల వర్షం. కళ్లలో మత్తు.. కళ్లు తిప్పలేని సౌంధర్యం. ఆమె కేవలం ఐటమ్ భామ మాత్రమే కాదు ఆమె కుర్రాళ్ల మనసుల్ని ఏలిన లేడీ సూపర్ స్టార్. ఆమె ఒక్క పాటలో నర్తించిందని తెలిస్తే.. ఆ సినిమా బ్రేక్ ఈవెన్ అయిపోయినట్లే. తెలుగు తెరపై పేలిన బ్యూటీ బాంబ్ సిల్క్ స్మిత. ఒకటిన్నర దశాబ్దం పైగా ప్రేక్షకులను ఉర్రూతలూగించిన సిల్క్ స్మిత.. అర్థాంతరంగా తనువు చాలించారు.
సిల్క్ స్మిత అసలు వడ్లపట్ల విజయలక్ష్మి. ఆంధ్రాలోని ఏలూరు ప్రాంతానికి చెందిన అమ్మాయి. 1960 డిసెంబర్ 2న దెందులూరు మండలం కొవ్వలిలో పుట్టిన పుట్టిన సిల్క్ స్మిత.. నాల్గవ తరగతి వరకే చదువుకుంది. 15 ఏళ్లకే ఆమె పెళ్లి చేసేశారు. అత్తింటి వేధింపులు భరించలేక.. ఆమె మద్రాసు పారిపోయింది. అక్కడ టచప్ ఆర్టిస్ట్‌గా కొన్నాళ్లు పనిచేసింది. తర్వాత సినిమాల్లో చిన్న, చిన్న రోల్స్ చేస్తోన్న ఆమెను.. ‘ఇనయే తేడి’ సినిమాతో మలయాళం డైరెక్టర్ ఆంథోనీ ఈస్ట్ మన్ హీరోయిన్ చేశాడు. ఆ తర్వాత ఆమె నటించిన తమిళ చిత్రం.. ‘వండిచక్రం’ మంచి హిట్ అయింది. విజయలక్ష్మి కాస్తా.. సిల్క్ స్మితగా మారిపోయింది. జయమాలిని, జ్యోతిలక్ష్మి వంటివారు సినిమా ఇండస్ట్రీని రూల్ చేస్తోన్న సమయంలో.. శృంగార రసాధిదేవతగా దూసుకొచ్చింది సిల్క్ స్మిత. ఆ తర్వాత అందరు టాప్ హీరోలతో ఆడిపాడింది.
ఒకానొక సమయంలో హీరోలతో సమానమైన రెమ్యూనరేషన్ తీసుకుంది. సిల్క్ ఉందంటే చాలు.. ఎడ్లబండి కట్టుకుని మరీ సినిమాలుకు వెళ్లేవారు యువకులు. సిల్క్ అందాన్ని ఆరాధించే భక్తులు పెరిగిపోయారు. అప్పట్లో ఫోన్స్ గట్రా లేవు కాబట్టి.. సినిమా తారల ఆగోగ్రాఫ్‌ల కోసం అభిమానులు ఎగబడేవారు. అందుకు విభిన్నంగా.. ఒక కిళ్ళీ తెచ్చుకొని ఆమెను కొరికి ఇమ్మని తమిళ ఫ్యాన్స్ బ్రతిమాలుకునేవారు. 1984 లో ఒక సారి షూట్ బ్రేక్‌లో సిల్క్ స్మిత యాపిల్ తింటూ ఉండగా షాట్ రెడీ అని చెప్పి ఆమెను పిలిచారట. సిల్క్ సగం తిన్న యాపిల్ అక్కడే వదిలేసి వెళ్ళిపోయారట. ఆ కొరికిన యాపిల్‌ను ఆమె మేకప్ మన్ అక్కడికక్కడే వేలం వేస్తే సెట్లో ఉన్నవాళ్ళు పోటీపడి 26 వేలకు కొనుక్కున్నారట. అప్పట్లో 26 వేలు అంటే మాటలా. అది సిల్క్ స్మితకు ఉన్న డిమాండ్.
వెండితెరపై ఓ వెలుగు వెలిగిన సిల్మ్ స్కిత్ 1996 సెప్టెంబర్ 23న సిల్క్ స్మిత సూసైడ్ చేసుకున్నారు. ఆమె మరణంపై ఇప్పటికీ ఎన్నో అనుమానాలు ఉన్నాయి.
మరిన్ని సినిమా వార్తల కోసం ఇక్కడ క్లిక్ చేయండి.
