Bigg Boss Telugu 9: బిగ్ బాస్ 9లో తెలంగాణ ఫేమస్ యూట్యూబర్.. ఒక్క పోస్ట్తో ఫుల్ క్లారిటీ ఇచ్చేసిందిగా
బిగ్ బాస్ తెలుగు సీజన్ 9 ప్రారంభానికి మరికొన్ని గంటల సమయం మాత్రమే మిగిలి ఉంది. ఆదివారం (సెప్టెంబర్ 7) న బిగ్ బాస్ 9 గ్రాండ్ లాంచ్ ఉండనుంది. ఈ గ్రాండ్ లాంఛింగ్ కు ముందు తెలంగాణకు చెందిన ఒక ఫేమస్ యూబ్యూబర్ సోషల్ మీడియాలో పెట్టిన పోస్ట్ వైరల్ గా మారింది.
Updated on: Sep 06, 2025 | 7:10 PM
బిగ్ బాస్ తెలుగు సీజన్ 9 గ్రాండ్ లాంఛింగ్ కు అన్ని ఏర్పాట్లు పూర్తయ్యాయి. ఆదివారం (సెప్టెంబర్ 07)న సాయంత్రం జరిగే ఈ ఈవెంట్ కోసం బిగ్ బాస్ ఆడియెన్స్ ఎంతో ఆసక్తితో ఎదురుచూస్తున్నారు. ఈ క్రమంలో బిగ్ బాస్ 9 గ్రాండ్ లాంచింగ్ కు ఎవరెవరు రానున్నారన్నది ఆసక్తికరంగా మారింది. అలాగే హౌస్ లోకి అడుగు పెట్టే కంటెస్టెంట్లపై ఎవరన్నదానిపై కూడా తీవ్ర ఉత్కంఠ రేగుతోంది. ఈసారి బిగ్ బాస్ హౌస్ లోకి సెలబ్రిటీలతో పాటు సామాన్యులకు అవకాశం కల్పించనున్నారు. ఇందుకోసం బిగ్ బాస్ టీమ్ అగ్ని పరీక్ష పేరుతో ఓ కాంటెస్ట్ నిర్వహించింది. ఈ పోటీ లో సత్తా చాటిన ఐదుగురు కామనర్స్ ను హౌస్ లోకి కంటెస్టెంట్స్ గా పంపనున్నట్లు తెలుస్తోంది. కాగా ఈ సారి బిగ బాస్ కంటెస్టెంట్ల జాబితాలో తెలంగాణకు చెందిన ప్రముఖ యూట్యూబర్ కమ్ ఫోక్ డ్యాన్సర్ పేరు ప్రముఖంగా వినిపించింది. ఆమె మరెవరో కాదు తిన్నాతిరం పడతలే, ఎర్ర ఎర్ర రుమాల్ కట్టి, దారిపొంటత్తుండు, నా పేరే ఎల్లమ్మ.. వంటి జానపద పాటలతో సెన్సేషన్ అయిన నాగ దుర్గ. నల్గొండకు చెందిన ఆమె కరోనా కాలంలో బాగా ఫేమస్ అయ్యింది. ఫోక్ సాంగ్స్ కు నాగ దుర్గ వేసిన స్టెప్పులకు యూబ్యూబ్ లో మిలియన్ల కొద్దీ వ్యూస్ వచ్చాయి. ముఖ్యంగా ‘తిన్నాతిరం పడతలే..’ పాట అయితే యూట్యూబ్ లో ఏకంగా వంద మిలియన్లకు పైగా వ్యూస్ సాధించడం విశేషం.
భరతనాట్యం, కూచిపూడి నృత్యాల్లో ఎంతో నైపుణ్యమున్న నాగదుర్గ ఇప్పటివరకు 1600కు పైగా నృత్య ప్రదర్శనలు ఇచ్చింది. అలాగే ‘నాగదుర్గ నృత్యాలయం’ పేరుతో ఎంతో మందికి ఉచితంగా నృత్యంలో శిక్షణ ఇస్తుంది. ఆమె ప్రతిభను చూసి గతంలో నాని శ్యామ్ సింగరాయ్, విశ్వక్ సేన్ అశోకవనంలో అర్జున కల్యాణం వంటి సూపర్ హిట్ సినిమాల్లో ఛాన్స్ వచ్చింది. అయితే నాట్యంపై ఇష్టంతో డాక్టరేట్ సాధించాలన్న తలంపుతో ఆ సినిమా ఆఫర్లను రిజెక్ట్ చేసింది. కానీ గత నెలలో కలివివనం అనే ఓ సినిమాలో కీలక పాత్ర పోషించింది ఫోక్ డ్యాన్సర్.
నాగ దుర్గ ఇన్ స్టా గ్రామ్ పోస్ట్..
View this post on Instagram
అయితే ఇంతలోనే నాగదుర్గ తెలుగు బిగ్బాస్ తొమ్మిదో సీజన్లో కంటెస్టెంట్ గా అడుగు పెట్టనుందని గత కొన్నిరోజులుగా ప్రచారం జరుగుతోంది. ఇప్పుడు ఈ వార్తలపై నాగదుర్గ స్పందించింది. ఇన్ స్టా గ్రామ్ స్టోరీస్ వేదికగా ఒక పోస్ట్ పెట్టింది. తాను బిగ్బాస్ 9వ సీజన్కు వెళ్లడం లేదని ఫుల్ క్లారిటీ ఇచ్చింది. ఈ షోకి వెళ్లాలన్న ఆసక్తి తనకు ఏమాత్రం లేదని తెలిపింది. కాబట్టి ఇప్పటితోనైనా ఈ ప్రచారానికి ఫుల్స్టాప్ పెట్టమని కోరింది. అయితే త్వరలోనే ఓ బిగ్ అప్డేట్ ఇవ్వనున్నట్లు పేర్కొంది నాగ దుర్గ. మరి అదేమిటో చూడాలి.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
