Bigg Boss 9: బిగ్‌బాస్ హౌస్‌లో సెల్‌ఫోన్.. వీడియోతో అడ్డంగా దొరికిపోయిన కంటెస్టెంట్.. ఎలిమినేషన్ తప్పదా?
ప్రస్తుతం 'బిగ్ బాస్' సీజన్ నడుస్తోంది. తెలుగుతో పాటు తమిళ్, హిందీ, కన్నడ, మలయాళ భాషల్లో ఈ రియాలిటీ షో సక్సెస్ ఫుల్ గా రన్ అవుతోంది. ఇక తెలుగులో అయితే సీజన్ 9 హోరా హోరీగా సాగుతోంది. అయితే తాజాగా బిగ్ బాస్ కంటెస్టెంట్స్ సెల్ ఫోన్ వినియోగిస్తున్నట్లు ఒక వార్త వైరలయ్యింది.
Updated on: Oct 10, 2025 | 8:59 PM
ప్రస్తుతం ‘బిగ్ బాస్’ సీజన్ నడుస్తోంది. తెలుగుతో పాటు తమిళ్, హిందీ, కన్నడ, మలయాళ భాషల్లో ఈ రియాలిటీ షో సక్సెస్ ఫుల్ గా రన్ అవుతోంది. ఇక తెలుగులో అయితే సీజన్ 9 హోరా హోరీగా సాగుతోంది. అయితే తాజాగా బిగ్ బాస్ కంటెస్టెంట్స్ సెల్ ఫోన్ వినియోగిస్తున్నట్లు ఒక వార్త వైరలయ్యింది.బుల్లితెరపై అతిపెద్ద రియాలిటీ షోగా ‘బిగ్ బాస్’ కు పేరుంది. సీజన్ ప్రారంభమైతే చాలు చాలా మంది ఈ బిగ్ బాస్ షో కోసమే టీవీలు, స్మార్ట్ ఫోన్స్ కు అతుక్కుపోతారు. ప్రస్తుతం తెలుగులో సీజన్ 9 రన్ అవుతోంది. అలాగే తమిళ్, హిందీ, కన్నడ, మలయాళ భాషల్లోనూ ఈ రియాలిటీ షో లు నడుస్తున్నాయి. అయితే బిగ్ బాస్ షోలో పాల్గొనే కంటెస్టెంట్స్ పాటించాల్సిన మెయిన్ రూల్.. బయటి ప్రపంచంతో ఎలాంటి సంబంధం లేకుండా 100 రోజులు తమకు ఇచ్చిన ఇంట్లో ఉండడం. బిగ్ బాస్ ఇంట్లోనూ మొబైల్ ఫోన్లు, టీవీలు వంటివి కనిపించవు. తెలుగుతో పాటు అన్ని భాషల్లో రన్ అవుతోన్న బిగ్ బాస్ షోలన్నింటికీ ఈ మెయిన్ రూల్ వర్తిస్తుంది. అయితే ఇప్పుడు బిగ్‌బాస్ హౌస్‌లోని పోటీదారులు మొబైల్ వినియోగిస్తున్నట్లు ఒక వార్త వైరలవుతోంది. దీనికి సంబంధించి ఒక వీడియో ఇప్పుడు నెట్టింట వైరలవుతోంది.
తెలుగులాగే తమిళ్ బిగ్ బాస్ సీజన్ 9 కూడా ఇటీవలే ప్రారంబమైంది. 24 గంటల పాటు నాన్ స్టాప్ గా ఓటీటీలో ఈ షో స్ట్రీమింగ్ అవుతోంది. అయితే ఇప్పుడీ రియాలిటీ షోకు సంబంధించి ఒక షాకింగ్ వీడియో లీక్ అయ్యింది. మక్కల్ సెల్వన్ విజయ్ సేతుపతి హోస్ట్ గా వ్యవహరిస్తోన్న తమిళ బిగ్ బాస్ షోలో కంటెస్టెంట్స్ మొబైల్ ఫోన్లు వాడుతున్నట్లు తెలుస్తోంది. ప్రస్తుతం తమిళ్ బిగ్ బాస్ లో కంటెస్టెంట్ గా ఉన్న వినోత్ తన మొబైల్ గురించి మాట్లాడుతున్న వీడియో ఒకటి ఇప్పుడు సామాజిక మాధ్యమాల్లో బాగా వైరలవుతోంది.కాగా దీనిపై ఈ వీకెండ్ ఎపిసోడ్ లో క్లారిటీ రానుంది. ఒకవేళ ఇది నిజమని తేలితే మాత్రం సదరు కంటెస్టెంట్ హౌస్ నుంచి బయటకు రాక తప్పదని ఆడియెన్స్ అభిప్రాయపడుతున్నారు.
నెట్టింట వైరలవుతోన్న వీడియో ఇదిగో..
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
