Ramayana Collections : బాక్సాఫీస్ వద్ద రామాయణ ఊచకోత.. మూడు రోజుల్లోనే కలెక్షన్ల సునామీ..
రణ్‌బీర్ కపూర్, సాయి పల్లవి, యాష్ కాంబినేషన్‌లో నితీష్ తివారీ తెరకెక్కించిన 'రామాయణ: పార్ట్ 1' బాక్సాఫీస్ వద్ద రికార్డు వసూళ్లతో దూసుకుపోతోంది. మూడో రోజైన శనివారం భారీ జంప్‌ను నమోదు చేసిన ఈ చిత్రం ప్రపంచవ్యాప్తంగా 3 రోజుల్లోనే సంచలనం సృష్టించింది. ఇప్పుడు ఈ సినిమా దుమ్మురేపుతుంది.
Updated on: Nov 08, 2026 | 9:20 AM
బాలీవుడ్ ప్రముఖ దర్శకుడు నితీష్ తివారీ ప్రతిష్టాత్మకంగా తెరకెక్కించిన దైవిక దృశ్యకావ్యం రామాయణ: పార్ట్ 1. బాక్సాఫీస్ వద్ద ఈ మూవీ సంచలనం సృష్టిస్తుంది. భారీ అంచాల మధ్య విడుదలైన ఈ సినిమా గత మూడు రోజులుగా థియేటర్లలో కలెక్షన్ల వర్షం కురిపిస్తోంది. రణ్‌బీర్ కపూర్ శ్రీరాముడిగా, సాయి పల్లవి సీతాదేవిగా, రాకింగ్ స్టార్ యాష్ రావణాసురుడిగా, అలాగే బాలీవుడ్, టాలీవుడ్ నటీనటులు ముఖ్య పాత్రలు పోషించిన ఈ చిత్రానికి మొదటి రోజు నుంచి పాజిటివ్ రెస్పాన్స్ వస్తుంది. దీంతో రోజు రోజుకీ ఈ మూవీ వసూళ్లు పెరుగుతున్నాయి. ఈ చిత్రం మూడో రోజైన శనివారం భారీ స్థాయిలో కలెక్షన్ల జంప్‌ను నమోదు చేసింది. శుక్రవారం కాస్త నెమ్మదించినా.. శనివారం నాటికి ఈ సినిమా వసూళ్లు దేశవ్యాప్తంగా ఏకంగా 45 శాతానికి పైగా పుంజుకున్నాయి. మూడో రోజున ఈ చిత్రం భారతదేశంలో రూ. 69.80 కోట్ల నికర వసూళ్లను సాధించడంతో, 3 రోజుల మొత్తం ఇండియా నికర కలెక్షన్లు రూ.182.70 కోట్లకు చేరుకున్నాయి. ఇండియా గ్రాస్ వసూళ్లు రూ. 218.25 కోట్లను దాటడంతో భారతదేశంలో అత్యంత వేగంగా రూ. 200 కోట్ల గ్రాస్ క్లబ్‌లో చేరిన చిత్రాల్లో ఒకటిగా నిలిచింది.
ఎక్కువ మంది చదివినవి : Tollywood : 90% హిట్లు ముందే ఊహిస్తా.. కానీ ఎన్టీఆర్ సినిమాల విషయంలో సీన్ రివర్స్ అయింది.. ఎడిటర్ మార్తాండ్ కె. వెంకటేష్
మరోవైపు ఓవర్సీస్‌లోనూ ఈ సినిమాకు ప్రేక్షకులు బ్రహ్మరథం పడుతున్నారు. విదేశాలలో ఇప్పటివరకు రూ. 157.25 కోట్ల గ్రాస్ వసూళ్లను సాధించగా, ప్రపంచవ్యాప్తంగా 3 రోజుల మొత్తం గ్రాస్ కలెక్షన్లు రూ. 375.50 కోట్లను దాటి రికార్డు సృష్టించాయి.
ఎక్కువ మంది చదివినవి : Trending Song : ఏముంటది మావ ఈ సాంగ్.. స్టార్ హీరోహీరోయిన్ లేకపోయినా సెన్సేషనల్ హిట్.. మిలియన్ వ్యూస్తో యూట్యూబ్ షేక్..
భాషల వారీగా చూస్తే, హిందీ వర్షన్ నుంచి అత్యధిక ఆదాయం లభించింది. శనివారం ఒక్క రోజే హిందీలో రూ. 53 కోట్లు వసూలు కాగా, కన్నడలో రూ. 6.30 కోట్లు, తెలుగులో రూ. 6 కోట్లు, తమిళంలో రూ. 2.50 కోట్లు సాధించింది. దాంతో 3 రోజుల్లో ఒక్క హిందీ వర్షన్ నుంచే రూ. 136 కోట్ల వసూళ్లు రావడం విశేషం. ఆదివారం కోసం అడ్వాన్స్ బుకింగ్స్ ఇప్పటికే రూ. 39 కోట్లకు పైగా దాటేశాయి. వీకెండ్ ముగిసేసరికి ప్రపంచవ్యాప్తంగా ఈ సినిమా రూ. 500 కోట్ల మైలురాయిని చేరే అవకాశం ఉందని ట్రేడ్ విశ్లేషకులు అంచనా వేస్తున్నారు.
ఎక్కువ మంది చదివినవి : Jayachitra: ఆ హీరో డైలాగ్ చెబితే సింహం గర్జనలా ఉంటుంది.. కానీ సెట్ లో చేసే అల్లరి మాములుగా ఉండదు.. సీనియర్ హీరోయిన్..
ఎక్కువ మంది చదివినవి : VV Vinayak : ఆ హీరోతో సినిమా చేయాలని చాలాసార్లు అనుకున్నా.. ప్రతిసారి మిస్సయ్యింది.. డైరెక్టర్ వివి వినాయక్..
