Raja Saab Movie: రాజా సాబ్ ఫెయిల్యూర్ పై నిర్మాత రియాక్షన్.. అలా చేయడమే మైనస్ అంటూ కామెంట్స్..
పాన్ ఇండియా స్టార్ ప్రభాస్ నటించిన రాజాసాబ్ సినిమా వైఫల్యంపై నిర్మాత టీజీ విశ్వ ప్రసాద్ తన విశ్లేషణను పంచుకున్నారు. తప్పుడు సీజన్‌లో విడుదల కావడం, ప్రీమియర్‌ల ఆలస్యం, టికెట్ ధరల పెంపు ప్రయత్నాలు వంటివి ప్రధాన కారణాలని ఆయన పేర్కొన్నారు. పీఎంఎఫ్ గత విజయాలు, భవిష్యత్తు ప్రణాళికలు, కమర్షియల్ ఫార్ములాకు మించి కంటెంట్‌పై దృష్టి పెట్టడం గురించి వివరించారు.
నిర్మాత టీజీ విశ్వ ప్రసాద్ ఇటీవల గరివిడి లక్ష్మి సినిమా ప్రమోషన్లలో పాల్గొన్నారు. ఈ క్రమంలోనే తాజాగా నిర్వహించిన ప్రెస్ మీట్ లో ఆయన మాట్లాడుతూ.. తన నిర్మాణ సంస్థ పీపుల్ మీడియా ఫ్యాక్టరీ (పీఎంఎఫ్) ప్రయాణం, ముఖ్యంగా రాజాసాబ్ చిత్రం వైఫల్యంపై తన అభిప్రాయాలను పంచుకున్నారు. పీఎంఎఫ్ కెరీర్‌లో రాజాసాబ్ అతిపెద్ద నిరాశను మిగిల్చిందని ఆయన అంగీకరించారు. అయితే, ఈ అనుభవం నుండి చాలా విషయాలు నేర్చుకున్నట్లు పేర్కొన్నారు. పీఎంఎఫ్ గతంలో ఎమ్మెల్యే, గూఢచారి 2, గూఢచారి, వెంకీ మామ, ఓ బేబీ, కార్తికేయ 2, ధమాకా వంటి అనేక విజయవంతమైన చిత్రాలను నిర్మించింది. ఈ చిత్రాలు కొన్ని నిర్దిష్ట కమర్షియల్ ఫార్ములాతో విజయవంతమయ్యాయని విశ్వ ప్రసాద్ తెలిపారు. మంచి దర్శకుడు, నటుడు, కొన్నిసార్లు కాంబినేషన్‌కు మించి బడ్జెట్ కేటాయించడం వంటి అంశాలతో సక్సెస్‌ను సాధించామని వివరించారు. అయితే, గత జనవరి తర్వాత పరిస్థితులు మారాయని, ఓటీటీ ప్రభావం, క్రమశిక్షణ లేకపోవడం వంటి కారణాల వల్ల కొన్ని చిత్రాలు నష్టాలను చవిచూశాయని ఆయన పేర్కొన్నారు. 2024, 2025లో ఈ తప్పులను సరిదిద్దుకోవడానికి ప్రయత్నిస్తున్నామని చెప్పారు.
ఎక్కువ మంది చదివినవి : Nartanasala Movie: బృహన్నలగా ఎన్టీఆర్ విశ్వరూపం.. నర్తనశాల వెనుక ఉన్న ఈ అరుదైన నిజాలు తెలుసా.. ?
రాజాసాబ్ వైఫల్యానికి గల కారణాలను వివరిస్తూ, సినిమా తప్పుడు సీజన్‌లో విడుదల కావడం ఒక ప్రాథమిక లోపంగా ఆయన అన్నారు. వేరే సమయంలో విడుదలై ఉంటే సినిమా ఫలితం భిన్నంగా ఉండేదని ఆయన బలంగా నమ్ముతున్నట్లు తెలిపారు. సీజన్‌తో పాటు, విడుదల రోజున ఎదురైన సమస్యలు కూడా చిత్రానికి ప్రతికూలంగా మారాయి. ప్రీమియర్‌లు ఆలస్యం కావడం, టికెట్ ధరలను పెంచడానికి ప్రయత్నించడం వంటివి ప్రేక్షకుల ఆగ్రహానికి కారణమయ్యాయి. టికెట్ ధరల పెంపు అనేది తాము చేసిన మొదటి ప్రయత్నమని, అది చేయకుండా ఉండాల్సింది అని ఆయన పేర్కొన్నారు. ఈ కారణాలన్నీ కలసి రాజాసాబ్ చిత్రానికి ఆశించిన విజయాన్ని దూరం చేశాయని తెలిపారు.
ఎక్కువ మంది చదివినవి : Murali Mohan: ఈ చిన్న ట్రిక్స్ తెలిస్తే చాలు జీవితం మారిపోతుంది.. డబ్బు సంపాదనకు మురళీ మోహన్ ఇచ్చిన సలహాలు..
అలాగే, ప్రభాస్ నటించిన “స్పిరిట్” చిత్రానికి సంబంధించిన తెలుగు హక్కులు పీఎంఎఫ్ వద్ద ఉన్నాయని, దానితో రాజాసాబ్ లోటును పూడ్చుకుంటారా అని అడగ్గా.. తాను ఆ చిత్రానికి కేవలం డిస్ట్రిబ్యూటర్‌ను మాత్రమేనని విశ్వ ప్రసాద్ స్పష్టం చేశారు. డిస్ట్రిబ్యూటర్‌గా సినిమాకు ఉత్తమమైన విడుదల సైజు, స్కేల్‌ను అందించడంలో రాజాసాబ్ విషయంలోనూ తాము విజయవంతమయ్యామని గుర్తు చేశారు.
ఎక్కువ మంది చదివినవి : Trending Song: యూట్యూబ్ షేక్ చేస్తున్న బతుకమ్మ సాంగ్.. రెండు రోజుల్లోనే 7 లక్షల వ్యూస్.. డీజేలలో మారుమోగిపోతుంది..
ఎక్కువ మంది చదివినవి : Cinema : ఇదేం సినిమా రా నాయనా.. సైలెంట్‌గా ఓటీటీలోకి వచ్చి దుమ్ములేపుతున్న మూవీ.. ట్రెండింగ్ నంబర్ 1గా రచ్చ రచ్చ..