Robinhood OTT: రాబిన్ హుడ్ ఓటీటీ రిలీజ్ డేట్ వచ్చేసింది! నితిన్, శ్రీలీల సినిమా స్ట్రీమింగ్ ఎప్పటినుంచంటే?

యూత్ స్టార్ నితిన్ , గ్లామరస్ బ్యూటీ శ్రీలీల జంటగా నటించిన చిత్రం రాబిన్ హుడ్. ఎక్స్ ట్రార్డినరీ మ్యాన్ మూవీ తర్వాత మరోసారి ఈ మూవీలో జంటగా కనిపించారీ జోడీ. అయితే రిజల్ట్ మాత్రం సేమ్. ఎక్స్ ట్రార్డినరీ మ్యాన్ మూవీ లాగే రాబిన్ హుడ్ సినిమా కూడా యావరేజ్ రిజల్ట్ తోనే సరిపెట్టుకుంది. ఛలో, భీష్మ సినిమాలతో మంచి పేరు తెచ్చుకున్న వెంకీ కుడుమల ఈ సినిమాకు దర్శకత్వం వహించాడు. ఆసీస్ డ్యాషింగ్ క్రికెటర్ డేవిడ్ వార్నర్ ఓ కీలక పాత్ర పోషించడం తో సినిమాపై అంచనాలు పెరిగాయి. అలాగే క్రేజీ హీరోయిన్ కేతిక శర్మ ఓ స్పెషల్ సాంగ్ లో కనిపించడం, అది కాస్తా వివాదాస్పదం కావడం..ఇలా రిలీజ్ కు ముందే రాబిన్ హుడ్ సినిమా వార్తల్లో నిలిచింది. అయితే తీరా థియేటర్లలోకి వచ్చాక మాత్రం సినిమా పూర్తిగా నిరాశ పర్చింది. ఉగాది కానుకగా మార్చి 28న థియేటర్లలో రిలీజైన రాబిన్ హుడ్ కు మొదటి నుంచే మిక్స్ డ్ టాక్ వచ్చింది. ఆ తర్వాత ఆ టాక్ అలాగే కంటిన్యూ అయ్యింది. దీంతో కలెక్షన్లు కూడా పెద్దగా రాలేదు. నితిన్- శ్రీలీల జోడీ ఆకట్టకున్నా కథా, కథనాలు ఆడియెన్స్ ను బాగా నిరాశపర్చాయి. ఇక ఆసీస్ క్రికెటర్ డేవిడ్ వార్నర్ కూడా కొద్ది సేపు మాత్రమే కనిపించడంతో ఆడియెన్స్ డిజప్పాయింట్ అయ్యారు. థియేటర్లలో ఓ మోస్తరుగా ఆడిన రాబిన్ హుడ్ సినిమా ఇప్పుడు ఓటీటీలోకి రానుంది.

రాబిన్ హుడ్ సినిమా డిజిటల్ స్ట్రీమింగ్ హక్కులు, శాటిలైట్ హక్కులను జీ5, జీ5 తెలుగు సొంతం చేసుకున్నాయి. ఈ నేపథ్యంలో నితిన్ సినిమా టీవీ ప్రీమియర్ కు సంబంధించి అధికారిక ప్రకటన వచ్చేసింది. మే 10న సాయంత్రం 6 గంటలకు ఈ సినిమా ‘జీ తెలుగు’ ఛానల్‌లో ప్రసారం కానుందని సోషల్‌ మీడియా వేదికగా ప్రకటించింది. అయితే ఓటీటీ రిలీజ్‌ డేట్‌ మాత్రం వెల్లడించలేదు. కానీ, అదే టైమ్‌కి ఓటీటీలోనూ రాబిన్ హుడ్ ను స్ట్రీమింగ్‌కు తీసుకొచ్చే అవకాశం ఉన్నట్టు తెలుస్తోంది.

ఇవి కూడా చదవండి

పూర్ణ కుమారుడిని చూశారా? దుబాయ్‌లో పుట్టిన రోజు సెలబ్రేషన్స్

చిరంజీవితో సినిమా.. నయనతార రెమ్యునరేషన్ ఎంతో తెలుసా?

భర్తను ముక్కలుగా నరికి కూర వండే భార్య.. ఓటీటీలో క్రైమ్ థ్రిల్లర్

విరాట్ కోహ్లీ బయోపిక్‌.. రామ్ చరణ్ కాదు! తెరపైకి ఆ స్టార్ హీరో!

Get ready to witness endless fun and fearless adventure — ROBINHOOD 🤩🔥#Robinhood World Television Premiere On May 10th, Saturday at 6 PM On #ZeeTelugu #ZeeTeluguPromo #WorldTelevisionPremiereRobinhood #RobinhoodOnZeeTelugu pic.twitter.com/FHqIyJ9GDH

— ZEE TELUGU (@ZeeTVTelugu) May 3, 2025

మైత్రి మూవీ మేకర్స్ బ్యానర్‌పై.. నవీన్ ఎర్నేని, వై.రవిశంకర్ నిర్మించిన రాబిన్ హుడ్ సినిమాలో వెన్నెల కిశోర్, రాజేంద్ర ప్రసాద్, బ్రహ్మాజీ, షైన్ టైమ్ చాకో, దేవదత్ నాగే, శుభలేఖ సుధాకర్, షిజు, మైమ్ గోపీ, ఆడుకలం నరేన్ తదితరులు ప్రధాన పాత్రలు పోషించారు. జీవీ ప్రకాష్ కుమార్ ఈ సినిమాకు సంగీతం అందించారు.

మరిన్ని సినిమా వార్తల కోసం ఇక్కడ క్లిక్ చేయండి.