Viral Photo: ఈ ఫోటోలోని చిన్నది ఇప్పుడు కుర్రాళ్ల ఫేవరెట్ హీరోయిన్.. ఎవరో గుర్తుపట్టారా!
పైన పేర్కొన్న ఫోటోను నిశితంగా చూశారా.? అమ్మతో కలిసి ఫోటోకు పోజిస్తున్న ఆ చిన్నది ఎవరో గుర్తుపట్టారా.? తెలుగులో సినిమాలు చేసింది తక్కువే..
Updated on: May 13, 2022 | 12:57 PM
పైన పేర్కొన్న ఫోటోను నిశితంగా చూశారా.? అమ్మతో కలిసి ఫోటోకు పోజిస్తున్న ఆ చిన్నది ఎవరో గుర్తుపట్టారా.? తెలుగులో సినిమాలు చేసింది తక్కువే.. కానీ అన్నీ కూడా మంచి మ్యూజికల్ హిట్స్ అయ్యాయి. అటు హిందీ.. ఇటు తెలుగు భాషలతో పాటు తమిళం, మలయాళం భాషల్లో తన నటనకు ఎంతోమంది ఫ్యాన్స్‌ను సొంతం చేసుకుంది. ప్రస్తుతం కుర్రాళ్ళకు ఫేవరెట్ హీరోయిన్ అయిన ఈ అమ్మడు.. అందం, అభినయంతో తనకంటూ ప్రత్యేక గుర్తింపు తెచ్చుకుంది. ఎవరో గుర్తుపట్టారా.!
‘సమ్మోహనం’ చేసే అందంతో తెలుగు ప్రేక్షకులను తొలిసారిగా పలకరించింది.. కుర్రాళ్లను ‘అంతరిక్షం’లోకి వెళ్ళేలా చేసింది. ఆ తర్వాత ‘వి’ అంటూ తన నటనలో వైవిధ్యాన్ని చూపించి.. ‘మహా సముద్రం’లాంటి సినీ ఇండస్ట్రీలో తనకంటూ ప్రత్యేక గుర్తింపు తెచ్చుకుంది. ఇటీవల ‘హే సినామికా’ అంటూ తెలుగు, తమిళ, మలయాళ, కన్నడ ప్రేక్షకులకు మరింత దగ్గరైంది. ఇప్పటికే ఆమెవరో మీకు అర్ధమై ఉంటుంది.. ఇంకెవరు అదితి రావు హైదరీ.
View this post on Instagram
2006లో మలయాళంలో విడుదలైన ‘ప్రజాపతి’ సినిమాతో సినీ ఇండస్ట్రీలోకి అడుగుపెట్టిన అదితి రావు హైదరీ.. ఆ తర్వాత ‘శ్రీనగరం’ మూవీతో తమిళంలో తన అదృష్టాన్ని పరీక్షించుకుంది. ఇక ‘ఢిల్లీ 6’ సినిమాతో హిందీలో అరంగేట్రం చేసింది. అనంతరం బీ-టౌన్‌లో అదితికి వరుస ఆఫర్స్ వెల్లువెత్తాయి. అందులో పలు చిత్రాలు బాక్సాఫీస్ దగ్గర సూపర్ హిట్స్ కూడా సాధించాయి. ఇక 2018లో ‘సమ్మోహనం’ సినిమాతో తెలుగులోకి ఎంట్రీ ఇచ్చిన అదితి రావు హైదరీ.. ఆ తర్వాత ‘అంతరిక్షం 9000KMPH’, ‘వి’, ‘మహా సముద్రం’ చిత్రాల్లో నటించింది. ఇటీవల ‘హే సినామికా’తో ప్రేక్షకులను పలకరించిన అదితిరావు హైదరీ.. ప్రస్తుతం ‘గాంధీ టాక్స్’ అనే చిత్రంలో నటిస్తోంది.
