Tollywood: 42 ఏళ్లకే నటి హఠాన్మరణం.. మర్చిపోలేకపోతున్న భర్త.. ఏం చేశాడో తెలిస్తే కన్నీళ్లాగవు.. వీడియో

15 ఏళ్ల ప్రేమ బంధంలో సంతోషమొచ్చినా, కష్టమొచ్చినా భార్యాభర్తలుగా కలిసే పంచుకున్నారీ నటీనటులు. జీవితాంతం కలిసి ఉండాలని ఎన్నో కలలు కన్నారు. కానీ దేవుడు వీరిని చిన్న చూపు చూశాడు. ప్రముఖ నటి చనిపోవడంతో భర్త కన్నీరుమున్నీరవుతున్నాడు. ఆమెతో తనకున్న మధుర జ్ఞాపకాలను గుర్తు చేసుకుంటున్నాడు.

Shefali Jariwala

Basha Shek |
Updated on: Aug 18, 2025 | 6:30 PM

‘కాంటా లగా..’ పాటతో ఫేమస్‌ అయిన బాలీవుడ్‌ నటి షెఫాలీ జరివాలా (42) జూన్‌ 27న మరణించింది. చిన్న వయసులోనే భార్య చనిపోవడంతో ఆమె భర్త, నటుడు పరాగ్‌ త్యాగి శోకసంద్రంలో మునిగిపోయాడు. అంత్యక్రియల సమయంలోనూ భార్య మృతదేహాన్ని పట్టుకుని బోరున విలపించాడు. ఇది చూసి అక్కడున్న వారందరూ కన్నీళ్లు పెట్టుకున్నారు. అయితే రోజులు గడుస్తున్నా పరాగ్ త్యాగి విషాదం నుంచి బయటపడలేకపోతున్నాడు. భార్య జ్ఞాపకాలతో మరింత కుమిలిపోతున్నాడు. దీనికి తోడు వీరి పెళ్లి రోజు కూడా వచ్చింది. దీంతో ఈసారి వెడ్డింగ్‌ యానివర్సరీ సెలబ్రేట్‌ చేసుకోవడానికి భార్య లేకుండా పోయింది. ఈ నేపథ్యంలో తన భార్యపై ప్రేమకు గుర్తుగా తన ఛాతీపై షెఫాలీ ముఖాన్ని పచ్చ బొట్టు వేయించుకున్నాడు. అనంతరం ఇందుకు సంబంధించిన వీడియోను సోషల్ మీడియాలో షేర్ చేసుకున్నాడు. ‘మాది 15 ఏళ్ల ప్రేమ బంధం. తను నా మనసులో ఎల్లప్పుడూ ఉంటుంది. ఇప్పటికీ నా శరీరంలోని అణువణువునా తనే ఉంది. ఇప్పుడది అందరికీ స్పష్టంగా కనిపిస్తోంది’ అని ఈ వీడియో క్యాప్షన్ లో రాసుకొచ్చాడు పరాగ్.

ప్రస్తుతం ఈ వీడియో సామాజిక మాధ్యమాల్లో బాగా వైరలవుతోంది. దీనిని చూసిన సినీ ప్రముఖులు, అభిమానులు, నెటిజన్లు పరాగ్ కు ధైర్యం చెబుతున్నారు. కాగా షెఫాలీ జరివాలా, పరాగ్‌ త్యాగి.. 2010 ఆగస్టు 12న మొదటి సారి కలుసుకున్నారు. ఇద్దరి అభిరుచులు ఒక్కటవ్వడంతో ప్రేమికులుగా మారారు. 2014 ఆగస్టు 12వ తేదీన వీరు పెళ్లి చేసుకున్నారు. కాగా షెఫాలీకి ఇది రెండో పెళ్లి. గతంలో ఆమె హర్మీత్‌ సింగ్‌ను పెళ్లి చేసుకుంది. అయితే ఇద్దరి మధ్య విభేదాలు తలెత్తడంతో 2009లో విడాకులు తీసుకుని విడిపోయారు.

ఇవి కూడా చదవండి

భార్య ఫొటోను పచ్చబొట్టుగా వేయించుకుని..

View this post on Instagram

A post shared by Pari aur Simba ke Papa (@paragtyagi)

కాగా షఫాలీ జరీవాలా ఎప్పటికీ అందంగా ఉండాలనే కోరికే ఆమె ప్రాణం మీదకు తీసుకొచ్చిందిని తెలుస్తోంది. ఇందుకోసం నటి చాలా సంవత్సరాలుగా యాంటీ ఏజింగ్‌ ఇంజెక్షన్లు తీసుకున్నదని ప్రచారం జరిగింది. ఇందుకు సంబంధించిన మెడిసిన్స్ తో కొన్ని ఇంజెక్షన్లను షఫాలీ ఇంట్లో పోలీసులు స్వాధీనం చేసుకున్నట్లు తెలిసింది.