Selfiee Movie: మై ఖిలాడీ తూ అనాడీ సాంగ్కు డ్యాన్స్ చేసిన అక్కీ, సల్మాన్.. వీడియో వైరల్
అక్షయ్ తన సోషల్ మీడియా ఖాతాలో ఓ వీడియోను షేర్ చేశాడు. అక్కీతో పాటు సల్మాన్ ఖాన్ కూడా వీడియోలో కనిపిస్తున్నారు. వీడియో ప్రారంభంలో.. అక్షయ్ కుమార్యొ ఈ సాంగ్ కి సంబందించిన వీడియోను సల్మాన్కి చూపుతున్నాడు.
Updated on: Feb 05, 2023 | 1:16 PM
బాలీవుడ్ స్టార్ హీరో అక్షయ్ కుమార్ తన కొత్త చిత్రం ‘సెల్ఫీ’ ప్రమోషన్ లో బిజీబిజీగా ఉన్నాడు. రకరాల సెల్ఫీలతో అక్షయ్ కుమార్ తన సరికొత్త చిత్రాన్ని నిరంతరం ప్రమోట్ చేస్తున్నాడు. ఈ చిత్రంలో అక్షయ్ కుమార్తో పాటు ఇమ్రాన్ హష్మీ కూడా ప్రధాన పాత్రలో కనిపించనున్నారు. 1994లో వచ్చిన అక్షయ్ కుమార్ నటించిన సూపర్ హిట్ సినిమా ‘మై ఖిలాడీ తూ అనాడీ’ సినిమా టైటిల్ ట్రాక్ అప్పట్లోనే కాదు.. ఇప్పటికీ సినీ ప్రేక్షకులను అలరిస్తూనే ఉంది.
మై ఖిలాడీ తూ అనాడీ.. పాటను అక్షయ్ కుమార్ చిత్రం సెల్ఫీలో రీక్రియేట్ చేశారు. ఈ సాంగ్ లో ఇమ్రాన్, అక్షయ్ బ్యాంగ్ డ్యాన్స్ చేశారు. ఇటీవల ఈ పాటను విడుదల చేశారు. కాగా, అక్షయ్ తన సోషల్ మీడియా ఖాతాలో ఓ వీడియోను షేర్ చేశాడు. అక్కీతో పాటు సల్మాన్ ఖాన్ కూడా వీడియోలో కనిపిస్తున్నారు. వీడియో ప్రారంభంలో.. అక్షయ్ కుమార్యొ ఈ సాంగ్ కి సంబందించిన వీడియోను సల్మాన్కి చూపుతున్నాడు.. ఆ వీడియో చూస్తూ సల్మాన్, అక్కీ ఎంజాయ్ చేస్తున్నారు.
అక్షయ్ కుమార్ షేర్ చేసిన వీడియో:
View this post on Instagram
అంతేకాదు.. వెంటనే అక్షయ్ ,సల్మాన్ లేచి నిలబడి ‘మై ఖిలాడీ తూ అనాడీ’ సాంగ్ కు డ్యాన్స్ చేయడం ప్రారంభించారు. అక్కీ మొదట సల్మాన్కి పాటకి సంబంధించిన డ్యాన్స్ స్టెప్పులను చెచూపిస్తున్నాడు. ఆ స్టెప్స్ ను సల్మాన్ అనుకరించాడు. అనంతరం ఇద్దరు సూపర్స్టార్లు కలిసి మై ఖిలాడీ తూ అనాడీ సాంగ్ కు ఓ రేంజ్ లో డ్యాన్స్ చేశారు. ఈ వీడియో సోషల్ మీడియాలో నెట్టింట్లో చక్కర్లు కొడుతోంది. చాలా కాలం తర్వాత వీళ్లిద్దరు కలిసి కనిపించడంతో అభిమానులు చాలా సంతోషిస్తున్నారు. అంతేకాదు మరోసారి ఈ జంట ఒకే సినిమాలో నటించాలానే కోరికను వ్యక్తం చేస్తున్నారు.
ఈ వీడియోను షేర్ చేసిన అక్షయ్ కుమార్.. నేను సాంగ్ బీట్ ను సల్మాన్ ఖాన్ ను వివరించడానికి కేవలం కొన్ని సెకన్లు మాత్రమే పట్టింది. అంతే కొన్ని సెకన్లలో బీట్ ని పట్టుకుని సల్లూ బాయ్ ధూమ్ మచాయ్ చేశాడు అని క్యాప్షన్ ఇచ్చాడు. సెల్ఫీలో అక్షయ్, ఇమ్రాన్లతో పాటు డయానా పెంటీ , నుష్రత్ భరూచా కూడా ప్రధాన పాత్రల్లో కనిపించనున్నారు. ‘సెల్ఫీ’ చిత్రం ఫిబ్రవరి 24, 2023న బాక్సాఫీస్ వద్ద సందడి చేయనుంది.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి..
