Breaking News
  • త్వరలో జనసేన క్రియాశీలక కార్యకర్తలతో పవన్‌ సమావేశాలు. 4 వారాల పార్టీ కార్యక్రమాల ప్రణాళికలు రూపొందించాలని నిర్ణయం. ప్రతి అసెంబ్లీ నియోజకవర్గం నుంచి.. పార్టీ కోసం పనిచేసే వారి జాబితా తయారు చేయాలి. ఈ నెల చివరి వారం నుంచి కార్యకర్తల సమావేశాలు నిర్వహించాలి. స్థానిక సంస్థల ఎన్నికల్లో అనుసరించాల్సిన విధానాలు.. బీజేపీతో ప్రయాణంపై సమావేశాల్లో చర్చించనున్న పవన్‌కల్యాణ్‌. గత ఎన్నికల్లో జనసేన తరపున పోటీచేసిన.. అభ్యర్థుల సమావేశం కూడా ఏర్పాటు చేయాలన్న పవన్‌కల్యాణ్‌.
  • ఇంధన పొదుపులో టీఎస్‌ ఆర్టీసీకి జాతీయ స్థాయిలో రెండో పురస్కారం. పురస్కారాన్ని అందుకున్న ఎండీ సునీల్‌శర్మ. రాష్ట్ర స్థాయిలో మూడు డిపోలకు దక్కిన అవార్డులు.
  • చెన్నైలో రోడ్డు ప్రమాదం. బైక్‌ను ఢీకొన్న కారు, ఇద్దరు మృతి. మృతులు తెలుగు యువకులుగా గుర్తింపు. విశాఖకు చెందిన బాలమురళి, హైదరాబాద్‌కు చెందిన రాహుల్‌గా గుర్తింపు. చెన్నైలో సాఫ్ట్‌వేర్‌ ఉద్యోగాలు చేస్తున్న బాలమురళి, రాహుల్‌.
  • రాజ్‌కోట్‌ వన్డే: ఆస్ట్రేలియా విజయలక్ష్యం 341 పరుగులు. ఆరు వికెట్ల నష్టానికి 340 పరుగులు చేసిన భారత్‌.
  • మాజీమంత్రి సోమిరెడ్డి చంద్రమోహన్‌రెడ్డికి అస్వస్థత. హైదరాబాద్‌లోని అపోలో ఆస్పత్రిలో సోమిరెడ్డికి చికిత్స.

పుల్వామా దాడి జరిగే కొద్ది క్షణాల ముందు.. ఓ జవాన్ తీసిన వీడియో..

, పుల్వామా దాడి జరిగే కొద్ది క్షణాల ముందు.. ఓ జవాన్ తీసిన వీడియో..

పంజాబ్ : పుల్వామా ఉగ్రదాడి జరిగే కొద్ది క్షణాల బస్సులోంచి ఓ జవాన్ తీసిన వీడియో తాజాగా వెలుగులోకి వచ్చింది. కాన్వాయ్‌పై కారు బాంబుతో ఆత్మాహుతి దాడి జ‌ర‌గడానికి కొన్ని క్ష‌ణాల ముందు సుఖ్జీందర్ సింగ్ అనే జవాన్ తన భార్యకు ఓ వీడియోని పంపాడు.ఘటన జరిగిన వారం తరువాత ఆ జవాన్ సతీమణి ఆ వీడియోను షేర్ చేశారు. పంజాబ్‌లోని తరన్‌ తారణ్‌కు చెందిన ఆయన 76వ బెటాలియన్‌లో హెడ్ కానిస్టేబుల్‌గా పనిచేస్తున్నారు. జైషే మహ్మద్‌‌ ఉగ్రవాది పేల్చివేసిన సీఆర్‌పీఎఫ్ బస్సులో సింగ్ కూడా ఉన్నారు. ఈ దాడి జరిగే కొద్ది నిమిషాల ముందు ఈ వీడియో పంపినప్పటికీ శుక్రవారమే ఆయన భార్య కంటపడింది. జాతీయ రహదారిపై సీఆర్‌పీఎఫ్ కాన్వాయ్‌లో ప్రయాణిస్తుండగా మొబైల్‌ ఫోన్‌లో ఈ వీడియో చిత్రీకరించినట్టు తెలుస్తోంది. సుఖ్జీందర్ సింగ్ ముఖంతో పాటు.. బస్సులోని కొందరు సైనికులు, రోడ్డు పక్కన కురుస్తున్న మంచు ఇందులో కనిపిస్తున్నాయి. ఈ వీడియో తీసుకున్న కొన్ని క్షణాలకే సుఖ్జీందర్ సింగ్ సహా బస్సులోని ఆయన సహచరులంతా ఉగ్రదాడికి బలైపోయారు. కశ్మీర్‌లో తిరుగుబాటు ప్రారంభమైన మూడు దశాబ్దాల కాలంలోనే ఈ దాడి భీకరమైనదిగా భావిస్తున్నారు. కాగా సుఖ్జీందర్ సింగ్‌కు ఏడు నెలల కుమారుడు, భార్య, తల్లిదండ్రులు ఉన్నారు. 2003లో 19 ఏళ్ల వయసులో ఆయన సైన్యంలో చేరారు. 8 నెలల క్రితమే హెడ్‌ కానిస్టేబుల్‌గా పదోన్నతి పొందిన సుఖ్జీందర్… అంతలోనే అమరుడు కావడంతో ఆయన కుటుంబం తీవ్ర విషాదంలో మునిగిపోయింది.