రంగారెడ్డి జిల్లాలో దారుణం.. యువతిపై ప్రేమోన్మాది కత్తితో దాడి.. తీవ్రగాయాలు
young man attacks woman: రంగారెడ్డి జిల్లాలో దారుణం చోటుచేసుకుంది. ప్రేమించిన యువతి కొద్ది కాలంగా పట్టించుకోవడం లేదన్న కారణంతో ప్రేమోన్మాది యువతిపై కత్తితో దాడికి పాల్పడ్డాడు. దీంతో తీవ్రంగా గాయపడిన...
young man attacks woman: రంగారెడ్డి జిల్లాలో దారుణం చోటుచేసుకుంది. ప్రేమించిన యువతి కొద్ది కాలంగా పట్టించుకోవడం లేదన్న కారణంతో ప్రేమోన్మాది యువతిపై కత్తితో దాడికి పాల్పడ్డాడు. దీంతో తీవ్రంగా గాయపడిన యువతిని స్థానికులు ఆసుపత్రికి తరలించారు. ఈ సంఘటన రంగారెడ్డి జిల్లా గండిపేట మండలం నార్సింగ్ పోలీస్ స్టేషన్ పరిధిలోని హైదర్‌షాకోట్‌లో మంగళవారం జరిగింది. నార్సింగి పోలీసులు తెలిపిన వివరాల ప్రకారం.. హైదర్‌షాకోట్‌కు చెందిన యువతి (29) ఓ ప్రముఖ సాఫ్ట్‌వేర్‌ సంస్థలో పనిచేస్తోంది. ఇక్కడ ఓ అంతర్జాతీయ క్షౌరశాలలో పనిచేసే హర్యానా రాష్ట్రానికి చెందిన షారూఖ్‌ సల్మాన్ (29) తో ఆమెకు కొంత కాలంగా పరిచయం ఉంది. ఇద్దరూ తరచూ కలుసుకునే వారు. సల్మాన్ అప్పుడప్పుడు ఇంటికి సైతం వస్తూ ప్రేమ పేరుతో వెంటపడుతున్నాడు. యువతి నిరాకరించడంతో ఆగ్రహం చెందిన సల్మాన్ మంగళవారం రాత్రి 7.30 గంటల సమయంలో యువతి ఫ్లాట్‌కు వచ్చి కత్తితో దాడికి పాల్పడ్డాడు. అడ్డుకునేందుకు యత్నించిన ఆ యువతి కుటుంబసభ్యులపై కూడా సల్మాన్ దాడికి పాల్పడ్డాడు.
కుటుంబసభ్యులు ఏడుస్తూ కేకలు వేయడంతో.. అప్రమత్తమైన స్థానికులు పారిపోతున్న సల్మాన్‌ను పట్టుకుని నార్సింగి పోలీసులకు అప్పగించారు. గాయపడిన యువతిని లంగర్‌హౌస్‌లోని ఓ ప్రైవేటు ఆసుపత్రిలో చేర్పించారు. యువతికి వీపు భాగంలో రెండు తీవ్ర గాయాలు, రెండు చిన్నగాయాలయ్యాయి. ఆమెకు ప్రస్తుతం చికిత్స అందిస్తున్నామని.. పరిస్థితి నిలకడగా ఉన్నట్లు పోలీసులు తెలిపారు.
Also Read: