Suicide Attempt by Lover: ప్రేమపెళ్లి చేసుకున్న జంటను విడదీసిన పెద్దలు.. మనస్తాపంతో భర్త ఆత్మహత్యాయత్నం

Suicide Attempt by Lover: పెద్దల పంతంతో ప్రేమ పెళ్లి చేసుకున్న ఓ జంట కథ చివరకు ఆస్పత్రి వరకు చేరింది. ప్రేమించి పెళ్లి చేసుకున్న యువతిని ఆమె కుటుంబ సభ్యులు తీసుకుని వెళ్లిపోయారు. దీంతో ప్రియుడు ఆత్మహత్యాయత్నానికి పాల్పడ్డాడు. వెంటనే ఆ యువకుడ్ని చికిత్స నిమిత్తం హైదరాబాద్ ఉప్పల్‌లోని ఓ ప్రైవేటు ఆస్పత్రికి తరలించారు. ప్రస్తుతం ఆ యువకుడు చికిత్స పొందుతున్నాడు. ఈ విషాద ఘటన యాదాద్రి భువనగిరి జిల్లాలో సంచలనంగా మారింది. వివరాల్లోకి వెళ్తే..

యాదాద్రి – భువనగిరి జిల్లా యాదగిరిగుట్ట మండలం వంగపల్లి గ్రామానికి చెందిన దయ్యాల శ్రీకాంత్ అనే యువకుడు ఓ యువతి ప్రేమించుకున్నారు. ఇటీవలే ఈ జంట ఆర్యసమాజంలో పెళ్లి చేసుకున్నారు. అయితే ఓ మహిళా ఎమ్మెల్యే భర్త ప్రోద్భలంతో ఆయన అనుచరుడైన అమ్మాయి…తండ్రి…తన భార్యను దౌర్జన్యంగా తీసుకెళ్లారని శ్రీకాంత్ ఆరోపిస్తున్నాడు. జనగామ పీఎస్ నుండి తమ స్వగ్రామం వంగపల్లికి ఆమెను తీసుకువెళ్లారని తెలిపాడు.

ఇదేమని ప్రశ్నించిన తమ బంధువులపై బెదిరింపులకు పాల్పడ్డారు. దీంతో మనస్తాపం చెందిన శ్రీకాంత్ ఆత్మహత్యాయత్నానికి పాల్పడ్డాడు. కాగా తన భార్య వచ్చేవరకూ శ్రీకాంత్ చికిత్సకు సహకరించడం లేదని న్యాయం చేయాలని ఆస్పత్రి ఎదుట బంధువులు ఆందోళనకు దిగారు.

Also Read:

 అనంతపురం జిల్లాలో పెను విషాదం.. ఈతకు వెళ్లి ఒకే కుటుంబానికి చెందిన నలుగురు దుర్మరణం..

విశాఖలోని యారాడ సముద్ర తీరానికి కొట్టుకువచ్చిన డాల్ఫిన్ మృత దేహం ..

నోరూరించే ఆంధ్ర స్పెషల్ గోంగూర రోటి పచ్చడి తయారీ విధానం తెలుసుకుందాం..!