ఇంటర్ విద్యార్థిని వెంటపడ్డ పోకిరీ.. మాట వినలేదని బ్లేడ్తో దాడి.. పరిస్థితి విషమం..
ప్రేమ పేరుతో ఓ యువకుడు ఇంటర్మీడియట్ విద్యార్థినిపై బ్లేడుతో దాడి చేశాడు. గాయపడిన విద్యార్థిని సివిల్ ఆసుపత్రిలో చేర్పించారు. బాలిక పరిస్థితి విషమంగా ఉందన్నారు వైద్యులు.
Updated on: Jul 12, 2022 | 1:27 PM
మిషన్ క్రాస్రోడ్లో దారుణ ఘటన వెలుగు చూసింది. ప్రేమ పేరుతో ఓ యువకుడు ఇంటర్మీడియట్ విద్యార్థినిపై బ్లేడుతో దాడి చేశాడు. గాయపడిన విద్యార్థిని సివిల్ ఆసుపత్రిలో చేర్పించారు. బాలిక పరిస్థితి విషమంగా ఉందన్నారు వైద్యులు. సర్జరీ చేసిన డాక్టర్లు 31 కుట్లు వేశారు. బాధితురాలి కుటుంబసభ్యుల సమాచారంతో ఘటనాస్థలికి చేరుకున్న పోలీసులు విచారణ చేపట్టారు. దాడి చేసిన యువకుడి కోసం పోలీసులు గాలిస్తున్నారు. జరిగిన ఘటనలో ఆ ప్రాంతమంతా ఒక్కసారిగా అట్టుడికిపోయింది. పూర్తి వివరాల్లోకి వెళితే…
త్తర్ప్రదేశ్ లోని ఝూన్సీలో ఇంటర్ చదువుతున్న విద్యార్థిని..స్థానిక గ్వాలియర్ రోడ్ ప్రాంతంలో నివసిస్తోంది. కొన్ని రోజుల నుంచి ఇంగ్లీష్ నేర్చుకోవడం కోసం కోచింగ్ సెంటర్కు వెళ్తోంది. అయితే బాలికను దానిష్ ఖాన్ అనే యువకుడు రెండేండ్లుగా వేధిస్తున్నట్టు తెలిసింది. సోమవారం సాయంత్రం బాలిక కోచింగ్ సెంటర్కు వెళ్తుండగా అతను ఆమెను అడ్డగించాడు. తన వెంట తెచ్చుకున్న బ్లేడుతో బాలిక మెడపై దాడి చేశాడు. అక్కడే ఉన్న బాలిక స్నేహితురాలు విద్యార్థినీని కాపాడింది. బాధితురాలు తీవ్ర రక్తస్రావంతోనే కోచింగ్ సెంటర్కు చేరుకున్న బాలికను టీచర్, తోటి విద్యార్థులు ఆస్పత్రికి తరలించారు. అనంతరం కుటుంబ సభ్యులకు సమాచారం అందించారు.. బాధితురాలికి తండ్రి లేడు. తల్లి, ఇద్దరు అక్కలు, అన్నయ్యతో కలిసి ఉంటోంది.
थाना कोतवाली क्षेत्रान्तर्गत छात्रा को युवक द्वारा ब्लेड़ मार कर घायल कर देने की घटना के संबंध में क्षेत्राधिकारी नगर द्वारा दी गयी वीडियो बाइट pic.twitter.com/blloloKiZz
— Jhansi Police (@jhansipolice) July 11, 2022
నిందితుడు దానిష్ రెండేండ్లుగా తన కూతురిని వేధిస్తున్నాడని బాలిక తల్లి ఆరోపించింది. కోచింగ్ సెంటర్ నుంచి తన కుమార్తె ఫోన్ నంబర్ సంపాదించాడని.. వివిధ ఫోన్ నంబర్ల నుంచి కాల్స్ చేసి వేధిస్తున్నాడని ఆవేదన వ్యక్తం చేసింది. తన కూతురు కోచింగ్కు వెళ్లే సమయంలో ప్రతిరోజూ వెంటపడుతూ వేధిస్తున్నాడని తెలిపింది. భయంతో తన కూతరు ఏ రోజు ఈ విషయాన్ని ఇంట్లో చెప్పలేదని ఆ తల్లి రోధిస్తూ చెప్పింది. నిందితుడిని కఠినంగా శిక్షించాలని డిమాండ్ చేసింది. అయితే బాలికతో యువకుడికి స్నేహం ఉందని, నిందితుడి కోసం గాలిస్తున్నామని పోలీసులు తెలిపారు.
మరిన్ని క్రైమ్ న్యూస్ కోసం ఇక్కడ క్లిక్ చేయండి
