Viral News: అయ్యో పాపం.. ఆ చిన్నారికి ఎంత కష్టం. రాక్షసుడిగా మారిన కన్న తండ్రి..

Viral News: సమాజంలో జరుగుతోన్న కొన్ని సంఘటనలు చూస్తుంటే అసలు మానవత్వం ఉందా అన్న ప్రశ్నలు తలెత్తుతున్నాయి. కనీస మానవత్వాన్ని మరిచి చేస్తున్న పనులు అసలు వీరు మనుషులేనా అనే సందేహాన్ని కలిగిస్తున్నాయి. ముక్కు పచ్చలారని ఓ చిన్నారిని తండ్రి అత్యంత దారుణంగా హింసించిన ఘటన మెదక్‌ జిల్లాలో జరిగింది. ఈ వార్త తెలిసిన వారంతా వాడసలు మనిషేనా అని ఆవేదన వ్యక్తం చేస్తున్నారు.

వివరాల్లోకి వెళితే.. మెదక్‌ మున్సిపల్‌లో నాగరాజు అనే వ్యక్తి ట్రాక్టర్‌ డ్రైవర్‌గా విధులు నిర్వర్తిస్తున్నాడు. ఇతనికి ఓ మూడేళ్ల చిన్నారి ఉంది. అయితే నాగరాజు గత కొన్ని రోజుల క్రితం మొదటి భార్యను వదిలేసి రెండో వివాహం చేసుకున్నాడు. అయితే కూతురును మాత్రం తనతోనే ఉంచుకున్నాడు. కూతురును పెంచుతున్నాడు కదా.! మంచోడు అనుకుంటే మాత్రం మీరు పొరబడినట్లే. ఎందుకంటే ఆ చిన్నారిపై క్రూరమృగంగా దాడికి దిగాడు. తాజాగా ఆ చిన్నారిపై తాడుతో విచక్షణ రహితంగా దాడి చేశాడు.

అంతటితో ఆగని ఆ దుర్మార్గుడు చిన్నారిని ఒక చేత్తో గాల్లోకి లేపుతూ నేలపై కొట్టాడు. ఈ సమయంలో అక్కడే ఉన్న ఆ రెండో భార్య చిరు నవ్వులు చిందుస్తుండడం గమనార్హం. దీనంతటిని అక్కడే ఉన్న కొందరు సీక్రెట్‌గా ఫోన్‌లో చిత్రీకరించి సోషల్‌ మీడియాలో పోస్ట్‌ చేశారు. దీంతో ఈ వీడియో చూసిన కొందరు నెటిజన్లు నాగరాజుపై తిట్ల దండకం మొదలు పెట్టారు. కన్న కూతురుని పాశవికంగా కోడుతున్న రాజుపై కఠినమైన చర్యలు తీసుకోవాలని అధికారులను కోరుతున్నారు. మరి పోలీప్‌ అధికారులు రాజు కృరమైన చర్యపై ఎలా స్పందిస్తారో చూడాలి.

Also Read: Tirumala: సర్వదర్శనం టికెట్ల కోసం పోటెత్తిన భక్తులు.. మంగళవారం ఉదయం 6 గంటలకు నుంచి టికెట్లు..

LIC Jeevan Labh: ఎల్‌ఐసీలో అదిరిపోయే పాలసీ.. రూ.230 పొదుపుతో రూ.17 లక్షలు.. పూర్తి వివరాలు..!

Bank News: రూ.170 కోట్లు.. కస్టమర్ల నుంచి ముక్కు పిండి ఆ ఛార్జీలు వసూలు చేసిన పీఎన్‌బీ