వేప చెట్టుకు నీళ్లు పోస్తే.. కరోనా రాదట..

ఓ వైపు కరోనా మహమ్మారి ప్రపంచాన్ని అతలాకుతలం చేస్తున్న దీన్ని అరికట్టడానికి కష్టపడుతుంటే.. మరోవైపు వైరస్ పేరిట పలు ఫేక్ వార్తలు నెట్టింట హల్చల్ చేస్తున్నాయి. చాప కింద నీరులాగా విజృంభిస్తోన్న ఈ కరోనాను అరికట్టేందుకు కఠిన చర్యలు తీసుకుంటున్నారు అధికారులు. ఇందులో భాగంగానే ప్రజలను ఇళ్లకే పరిమితం కావాలని.. అప్పుడు ఈ వైరస్‌ని కట్టడి చేయవచ్చిని పేర్కొంటున్నారు. కానీ కొందరు లెక్క చేయకుండా రోడ్ల మీదకు వస్తున్నారు. దీంతో అధికారులు వారిపై తగిన చర్యలను తీసుకుంటున్నారు.

ఇప్పటికే సోషల్ మీడియాలో ఫేక్ వార్తలను ప్రచారం చేసే వారిపై కఠిన చర్యలు తీసుకుంటున్నారు. మరోపక్క కరోనా రాకుండా చేయాలంటే ఓ పని చేయాలంటూ సోషల్ మీడియాలో పలు మూఢ నమ్మకాలు జోరుగా వైరల్ అవుతున్నాయి. పట్టణాల నుంచి గ్రామాల వరకూ ఈ నమ్మకాలను పాటిస్తున్నారు. ‘అదేంటో తెలుసా.. ఒకరిద్దరు కొడుకులున్న తల్లులు.. ఐదు ఇళ్లల్లోంచి తీసుకొచ్చిన నీటిని వేప చెట్టుకు పోస్లే కరోనా రాదంటూ ముమ్మరంగా ప్రచారం జరుగుతోంది’.

దీంతో కొందరు నమ్మేసి వేప చెట్టుకి నీళ్లు పోస్తున్నారు. అలాగే.. మరికొందరు ఒక్క కుమారుడుంటే ఒక కొబ్బరికాయ.. ఇద్దరుంటే రెండు కొబ్బరి కాయలు వేప చెట్టుకు కొడుతున్నారు’. ఇప్పుడు దీనికి సంబంధించిన వీడియోలు సోషల్ మీడియాలో తెగ వైరల్ అవుతున్నాయి. అయితే ఇందులో ఎంత మాత్రం సత్యం లేదని అంటున్నారు విజ్ఞాన వేత్తలు. ఇంకా ప్రమాదం సోకే అవకావం ఎక్కువగా ఉందట. ఎందుకంటే అందరూ ఒకే చోటకి వెళ్తే.. వారిలో ఎవరికైనా కరోనా ఉంటే.. అది సోకే అవకాశం ఉంది. కాబట్టి ఇంట్లోనే ఉండి పలు జాగ్రత్తలు తీసుకోవడం మంచదని చెబుతున్నారు.

Read more also: కరోనా బాధితులు తినే ఆహారం ఇదే

రీజన్ లేకుండా.. రోడ్డెక్కితే అంతే.. ప్రజలకు సీరియస్ వార్నింగ్

మీరు సూపరంటూ కేసీఆర్‌ని పొగిడేసిన అమిత్‌ షా

కరోనాను జయించాలంటే.. ఈ డైట్‌ని మెయిన్‌టైన్ చేయాల్సిందే

కరోనా రూపంలో.. చిత్ర సీమకు తీవ్ర నష్టం

నగదు.. బియ్యం పంపిణీ ఎలా చేస్తారు?