Breaking News
  • ఢిల్లీ: భారత్ లో విజృంభిస్తున్న కరోనా వైరస్. ఒక లక్ష 82 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 182143. దేశ వ్యాప్తంగా యాక్టీవ్ కేసులు: 89995. కరోనా నుంచి డిశ్చార్జ్ అయిన బాధితులు: 86984. దేశం మొత్తం కరోనా తో మృతుల సంఖ్య : 5164. కేంద్ర ఆరోగ్య మంత్రిత్వ శాఖ.
  • రాష్ట్రంలో లాక్ డౌన్ ను జూన్ 30 వరకు పొడిగించాలని ముఖ్యమంత్రి కె. చంద్రశేఖర్ రావు నిర్ణయించారు. లాక్ డౌన్ కు సంబంధించి కేంద్ర ప్రభుత్వం జారీ చేసిన తాజా ఆదేశాల నేపథ్యంలో ముఖ్యమంత్రి కె. చంద్రశేఖర్ రావు సి.ఎస్ సోమేశ్ కుమార్, డిజిపి మహేందర్ రెడ్డి తదితర ఉన్నతాధికారులతో చర్చించారు. కంటైన్మేంట్ జోన్లు మినహా ఇతర ప్రాంతాల్లో కేంద్ర ప్రభుత్వం సూచించిన సడలింపులను అమలు చేయాలని నిర్ణయించారు. కంటైన్మంట్ జోన్లలో కట్టుదిట్టంగా లాక్ డౌన్ ను అమలు చేయాలని అధికారులను ఆదేశించారు. రాత్రి పూట కర్ఫ్యూ కూడా రాత్రి 9 గంటల నుంచి ఉదయం 5 గంటల వరకు అమలు చేయాలని ఆదేశించారు.
  • విశాఖ: డాక్టర్ సుధాకర్ కేసు. కేజీహెచ్ లో రెండో రోజు ముగిసిన సీబీఐ విచారణ. కేజీహెచ్ వైద్యాధికారులతో మాట్లాడిన సీబీఐ అధికారి. సీసీ ఫుటేజీని పరిశీలించిన సీబీఐ. 16 న క్యాజువాల్టీలో డాక్టర్ సుధాకర్ కు పరీక్షలు చేసిన కేజీహెచ్ వైద్యులు.
  • ఢిల్లీ లో కరోనా విజృంభన. ఢిల్లీ లో కొత్తగా 1295 కరోనా పాజిటివ్ కేస్ లు ,13 మంది మృతి. ఢిల్లీ రాష్ట్రంలో 19844 కి చేరిన కరోనా కేసులు నమోదు. 473 మంది కరోనా తో మృతి
  • రుతుపవనాలు ఇంకా కేరళ తీరానికి తాకలేదు. దీని పై మేము క్రమం తప్పకుండా మానిటరింగ్ చేస్తున్నాం. జూన్ 1 నుండి పరిస్థితులు అనుకూలంగా ఉంటాయని అనుకుంటున్నాం. ఆగ్నేయ అరేబియా సముద్రం, లక్షద్వీప్ సమీపంలో ఈ రోజు అల్ప పీడనం ఏర్పడింది. జూన్ 2 కి తుఫానుగా మారుతుందని మేము అనుకుంటున్నాం. జూన్ 3 సాయంత్రం నాటికి గుజరాత్ ,ఉత్తర మహారాష్ట్ర తీరం వైపుకు చేరుకుంటుంది. మృత్యుంజయ్ మోహపాత్రా, ఢిల్లీ IMD.
  • జమ్మూ కాశ్మీర్‌లో సీనియర్ ఐఎఎస్ అధికారి కి కరోనా పాజిటివ్‌. ఆయనతో పాటు సమావేశానికి హాజరైన పలువురు అధికారులు,వైద్యులను హోమ్ క్వారంటైన్ లో వెళ్లాలని సూచన.
  • మొబైల్ సేవల కోసం 11 అంకెల నంబరింగ్ ప్లాన్‌ను ట్రాయ్ సిఫారసు చేసినట్లు కొన్ని మీడియా సంస్థల లో వార్తలు వచ్చాయి. TRAI సిఫారసు ప్రకారం,దేశం లో 10-అంకెల నెంబర్ కొనసాగుతుంది. మేము 11-అంకెల నంబరింగ్ ప్లాన్‌కు మార్చడాన్ని ఖండిస్తున్నాం. టెలికాం రెగ్యులేటరీ అథారిటీ ఆఫ్ ఇండియా.

కరోనా విలయం.. ప్రపంచవ్యాప్తంగా 42 వేల మరణాలు..

Coronavirus Updates, కరోనా విలయం.. ప్రపంచవ్యాప్తంగా 42 వేల మరణాలు..

Coronavirus Updates: కరోనా వైరస్ మహమ్మారి యావత్ ప్రపంచాన్ని గడగడలాడిస్తోంది. దీని దెబ్బకు ఇప్పటికే చాలా దేశాలు లాక్ డౌన్ ప్రకటించాయి. రోజురోజుకూ పాజిటివ్ కేసుల సంఖ్య, మృతుల సంఖ్య పెరుగుతూనే ఉంది. ప్రపంచదేశాలు ఈ వైరస్ ను నివారించేందుకు కట్టడి చర్యలు చేపడుతున్న ఏ ప్రయోజనం ఉండటం లేదు. దీని తీవ్రత మరింతగా పెరుగుతోంది. నిన్న ఒక్క రోజే 73,639 కొత్త పాజిటివ్ కేసులు నమోదయ్యాయి. దీన్ని బట్టే పరిస్థితి ఎలా ఉందో అర్ధం చేసుకోవచ్చు.

ప్రపంచవ్యాప్తంగా ప్రస్తుతం 8,58,669 కరోనా పాజిటివ్ కేసులు నమోదు కాగా.. వీటిలో 178,099 మంది కోలుకున్నారు. ఇక 6,38,419 మంది చికిత్స పొందుతున్నారు. అటు మొత్తంగా మరణాల సంఖ్య 42,151కి చేరింది. ప్రస్తుతం అగ్రరాజ్యం అమెరికా కరోనా వైరస్ తో అతలాకుతలం అవుతోంది. అక్కడ 1,88,530 పాజిటివ్ కేసులు నమోదు కాగా.. మరణాల సంఖ్య 3,889కి చేరింది.

ఇక ఇటలీ కరోనా దెబ్బకు శవాల దిబ్బగా మారింది. ఆ దేశంలో కేసులతో పాటు మరణాల సంఖ్య కూడా రోజురోజుకూ పెరుగుతోంది. ప్రస్తుతం అక్కడ 1,05,792 కేసులు ఉండగా.. ఈ వైరస్ కారణంగా 12,428 మంది ప్రాణాలు కోల్పోయారు. స్పెయిన్‌లో కరోనా వైరస్ కరాల నృత్యం చేస్తోంది. ఆ దేశంలో కోవిడ్ 19 సోకిన కేసులు 95,923కి చేరుకోగా.. మొత్తం మరణాలు 8464కి చేరాయి. ఇక చైనాలో 81518 కేసులుండగా… మరణాలు 3305గా ఉన్నాయి. అటు జర్మనీ, ఫ్రాన్స్, ఇరాన్, బ్రిటన్, స్విట్జర్లాండ్, టర్కీ, బెల్జియం, నెదర్లాండ్స్, ఆస్ట్రియా, దక్షిణ కొరియా దేశాల్లో కరోనా పాజిటివ్ కేసుల సంఖ్య పెరుగుతూనే ఉంది.

మరోవైపు ఇండియా విషయానికి వస్తే.. ఇప్పటివరకు దేశవ్యాప్తంగా 1418 పాజిటివ్ కేసులు నమోదు కాగా.. నిన్న ఒక్క రోజు 167 కేసులు నమోదైనట్లు తెలుస్తోంది. అటు మరణాల సంఖ్య 45కు చేరింది. ఇక కరోనా వైరస్ నుంచి 123 మంది డిశ్చార్జ్ అయినట్లు కేంద్ర ఆరోగ్య మంత్రిత్వ శాఖ వెల్లడించింది.

ఇవి చదవండి:

చైనాలో కరోనా వైరస్ వ్యాక్సిన్ రెడీ.. విదేశాల్లో ట్రయిల్స్..

చైనా మాస్క్‌లు, టెస్టింగ్ కిట్స్ నాసిరకం.. తిప్పి పంపేస్తున్న దేశాలు.!

ఏపీలో కొత్తగా 43 పాజిటివ్ కేసులు.. ఆ జిల్లాల్లోనే అత్యధికం..

Related Tags