Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

హైదరాబాద్‌లో చిరంజీవి కొత్త ఇల్లు..హైలైట్స్ అదుర్స్

chiranjivi news house in hyderabad, హైదరాబాద్‌లో చిరంజీవి కొత్త ఇల్లు..హైలైట్స్ అదుర్స్

మెగాస్టార్ చిరంజీవి హైదరాబాద్‌లోని జూబ్లీహిల్స్ లో కొత్త ఇంటిని నిర్మించుకుంటున్నారు. ఇప్పుడు ఈ కొత్త ఇంటి విశేషాలు సోషల్ మీడియాలో జోరుగా చక్కర్లు కొడుతున్నాయి. నిర్మాణం తుది దశకు చేరుకున్న నేపథ్యంలో మెగా ఫ్యామిలీ భారీ స్థాయిలో గృహప్రవేశానికి ప్లాన్ చేస్తున్నట్లు సమాచారం.

గత కొంత కాలంగా కొనసాగుతున్న ఈ భవన నిర్మాణం ఇంకొద్ది రోజుల్లో పూర్తికానుంది. చిరంజీవి ఎంతో ఇష్టపడి ఈ ఇంటిని నిర్మిస్తున్నారు. అందులో భాగంగా కొత్త ఇంటిని మరిన్ని హంగులతో తీర్చిదిద్దుతున్నారు. ఇదే విషయాన్ని ఆ భవంతికి డిజైన్ అండ్ ప్లానింగ్ చేసిన తహిలియానీ హోమ్స్ నిర్వాహకుల్లో ఒకరైన జహన్ తహిలియానీ వెల్లడించారు.

ఈ కొత్త ఇంటిని దాదాపు 25 వేల చదరపు అడుగుల విస్తీర్ణంతో నిర్మిస్తూ.. సకల సదుపాయాలతో పాటు, అనేక ఖరీదైన వస్తువులను ఇంట్లో సమకూర్చనున్నారట. ముఖ్యంగా ఇంటీరియర్ డెకోరేషన్‌కు పెద్ద పీట వేస్తున్నారు. ముఖ్యంగా బెడ్ రూమ్‌ను నగలు, ఆభరణాల తయారీలో వాడే పచ్చరాళ్లను ఉపయోగించి పెద్దగా రూపొందించారట.

దీనికి తోడు ఇంట్లో ప్రత్యేకంగా ఓ పెద్ద పూజగదిని కూడా నిర్మించారట. మరోవైపు రామ్ చరణ్, ఉపాసన దగ్గరుండి పనుల్నీ పర్యవేక్షిస్తున్నారని, హైదరాబాద్ సంస్కృతి అద్దం పట్టేలా ఈ కొత్త ఇల్లు ఉండబోతుందని తెలుస్తోంది. అంతేకాదు ప్రారంభోత్సవానికి తెలుగు ఇండస్ట్రీతో పాటు, అటు తమిళ, హిందీ ఇండస్ట్రీలోని ప్రముఖుల్ని పిలవనున్నారని సమాచారం. గృహప్రవేశ సమయంలో మెగా ఫ్యామిలీ మొత్తం కలిసి భారీ స్థాయిలో గెట్ టుగెదర్ ప్లాన్ చేస్తోందని, మెగా ఫ్యామిలీకి సంబంధించిన బంధువులు, సన్నిహితులను పెద్ద స్థాయిలో ఆహ్వానించి భారీ ఈవెంట్‌ను ప్లాన్ చేస్తున్నట్లు తెలుస్తోంది.