ఇంటర్ అర్హతతో ఆర్మీలో జాబ్ + ఫ్రీ ఇంజినీరింగ్! గోల్డెన్ ఛాన్స్ మిస్ అవ్వద్దు

Army Jobs

Indian Army Recruitment 2026: ఇంటర్మీడియట్ పూర్తయ్యాక బీఈ/బీటెక్ చేయాలని చూస్తున్న యువతకు ఇండియన్ ఆర్మీ మంచి అవకాశాన్ని అందిస్తోంది. 2027 జనవరిలో ప్రారంభమయ్యే 56వ టెక్నికల్ ఎంట్రీ స్కీమ్ (TES-56) కోసం భారత సైన్యం దరఖాస్తులు ఆహ్వానిస్తోంది. ఎంపికైన అభ్యర్థులకు ఇంజినీరింగ్ విద్యతో పాటు మిలటరీ ట్రైనింగ్ కూడా పూర్తిగా ఉచితంగా అందుతుంది. తర్వాత నేరుగా లెఫ్టినెంట్ స్థాయి ఆఫీసర్‌గా సైన్యంలో చేరే అవకాశం ఉంటుంది.

అర్హతలు

ఈ స్కీమ్‌కు 10+2 (ఇంటర్మీడియట్) పూర్తి చేసిన అవివాహిత పురుష అభ్యర్థులు మాత్రమే అర్హులు. ఫిజిక్స్, కెమిస్ట్రీ, మ్యాథమెటిక్స్ సబ్జెక్టులతో కనీసం 60% మార్కులతో ఉత్తీర్ణత సాధించి ఉండాలి. అలాగే JEE (Main) 2026 పరీక్షకు హాజరైనవారు మాత్రమే అప్లై చేయగలరు.

వయో పరిమితి

2027 జనవరి 1 నాటికి అభ్యర్థుల వయస్సు 16.5 నుంచి 19.5 సంవత్సరాల మధ్య ఉండాలి.

ఎంపిక విధానం

ఎంపిక ప్రక్రియలో ప్రధానంగా ఈ దశలు ఉంటాయి:

1. JEE Main స్కోర్ ఆధారంగా షార్ట్‌లిస్టింగ్
2. SSB ఇంటర్వ్యూ (స్టేజ్ 1 & స్టేజ్ 2)
3. మెడికల్ పరీక్షలు
4. ఈ అన్ని దశల్లో ఉత్తీర్ణత సాధించిన వారిని తుది ఎంపిక చేస్తారు.

శిక్షణ & కోర్సు వివరాలు

• TES ద్వారా ఎంపికైన అభ్యర్థులకు మొత్తం నాలుగు సంవత్సరాల శిక్షణ ఉంటుంది.
• మొదటి 3 సంవత్సరాలు పుణే, సికింద్రాబాద్, మౌ వంటి ఆర్మీ కేంద్రాల్లో బేసిక్ మిలిటరీ ట్రైనింగ్‌తో పాటు బీటెక్ విద్య
  చివరి సంవత్సరం డెహ్రాడూన్‌లోని ఇండియన్ మిలిటరీ అకాడమీ (IMA)లో ఫైనల్ ట్రైనింగ్
• కోర్సు విజయవంతంగా పూర్తి చేసిన తర్వాత అభ్యర్థులకు ఇంజినీరింగ్ డిగ్రీతో పాటు ఇండియన్ ఆర్మీలో లెఫ్టినెంట్ హోదాలో ఉద్యోగం లభిస్తుంది.

స్టైపెండ్ & జీతం

ట్రైనింగ్ సమయంలో నెలకు సుమారు రూ.15,500 స్టైపెండ్ అందుతుంది. శిక్షణ పూర్తయ్యాక లెఫ్టినెంట్ స్థాయిలో రూ.56,100 నుంచి రూ.1,77,500 వరకు బేసిక్ పేతో పాటు డీఏ, హెచ్‌ఆర్‌ఎ వంటి అలవెన్సులు కూడా ఉంటాయి.

ముఖ్యమైన తేదీలు

• దరఖాస్తుల ప్రారంభం: మే 13, 2026
• చివరి తేదీ: జూన్ 12, 2026

దరఖాస్తు విధానం:

ఇక్కడ అభ్యర్థులు ఆన్‌లైన్ ద్వారా అధికారిక వెబ్‌సైట్‌లో దరఖాస్తు చేసుకోవాలి.
ఇంటర్ పూర్తిచేసిన యువతకు ఇది సైన్యంలో కెరీర్ ప్రారంభించడానికి ఒక మంచి అవకాశం. అర్హతలు ఉన్నవారు ఈ అవకాశాన్ని ఉపయోగించుకోవచ్చు.