APPSC Recruitment: ఏపీ ఫారెస్ట్ రేంజ్‌ ఆఫీసర్‌ పోస్టుల భర్తీకి నోటిఫికేషన్‌.. అర్హులెవరంటే..

Ap Govt Jobs

ఆంధ్రదప్రదేశ్ పబ్లిక్‌ సర్వీస్‌ కమిషన్‌ (ఏపీపీఎస్‌సీ) ఫారెస్ట్‌ సర్వీసులో పలు పోస్టుల భర్తీకి నోటిఫికేషన్‌ జారీ చేసింది. నోటిఫికేషన్‌లో భాగంగా ఫారెస్ట్‌ రేంజ్‌ ఆఫీసర్‌ పోస్టులను భర్తీ చేయనున్నారు. నోటిఫికేషన్‌ నెంబర్‌ 21/2022 ద్వారా ఈ ఖాళీలను భర్తీ చేయనున్నారు. మొత్తం ఎన్ని ఖాళీలు ఉన్నాయి.? ఎలా దరఖాస్తు చేసుకోవాల్సి ఉంటుంది.? లాంటి పూర్తి వివరాలు మీకోసం..

భర్తీ చేయనున్న ఖాళీలు, అర్హతలు..

* నోటిఫికేషన్‌లో భాగంగా మొత్తం 08 ఫారెస్ట్ రేంజ్ ఆఫీసర్‌ పోస్టులను భర్తీ చేయనున్నారు.

* ఈ పోస్టుతకు దరఖాస్తు చేసుకునే అభ్యర్థులు.. బ్యాచిలర్స్ డిగ్రీ(అగ్రికల్చర్‌, బోటనీ, కెమిస్ట్రీ, కంప్యూటర్ అప్లికేషన్స్/ కంప్యూటర్ సైన్స్ ఇంజినీరింగ్(అగ్రికల్చర్/ కెమికల్/ సివిల్/ కంప్యూటర్/ ఎలక్ట్రికల్/ ఎలక్ట్రానిక్స్/ మెకానికల్), ఎన్విరాన్‌మెంటల్ సైన్స్, ఫారెస్ట్రీ, జియాలజీ, హార్టికల్చర్, వెటర్నరీ సైన్స్, మ్యాథమెటిక్స్, మ్యాథమెటిక్స్‌, జువాలజీ) పూర్తి చేసి ఉండాలి.

* అభ్యర్థుల వయసు 01-07-2022 నాటికి 18 నుంచి 30 ఏళ్ల మధ్య ఉండాలి.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.

* అభ్యర్థులను క్వాలిఫైయింగ్ టెస్ట్, పేపర్-1, పేపర్-2, పేపర్-3, పేపర్-4 పరీక్షల ఆధారంగా ఎంపిక చేస్తారు.

* ఎంపికైన వారికి నెలకు రూ. 48,440 నుంచి రూ. 1,37,220 వరకు చెల్లిస్తారు.

* ఆన్‌లైన్‌ దరఖాస్తుల స్వీకరణకు 05-12-2022ని చివరి తేదీగా నిర్ణయించారు.

* పరీక్షా ఫీజును 04-12-2022లోపు చెల్లించాల్సి ఉంటుంది.

* నోటిఫికేషన్‌ కోసం క్లిక్‌ చేయండి..

* పూర్తి వివరాల కోసం క్లిక్‌ చేయండి..