Most Expensive Tea: ఇది ప్రపంచంలోనే అత్యంత ఖరీదైన టీ పొడి.. కిలో ధర రూ.9 కోట్లు! దీని ప్రత్యేకత ఏమిటి?

Most Expensive Tea: కోట్ల రూపాయల విలువైన టీ పొడి ఉందంటే మీరు నమ్ముతారా? ఏకంగా కిలో టీ పొడి 9 కోట్ల రూపాయలు. ఇది మీకు వింతగా అనిపించవచ్చు. కానీ వాస్తవానికి ప్రపంచంలో ఒక ప్రధాన నగరంలోని విలాసవంతమైన బంగ్లా లేదా లగ్జరీ కారు విలువకు సమానమైన విలువైన టీ ఒకటి ఉంది..

Most Expensive Tea

Subhash Goud |
Updated on: Mar 29, 2026 | 12:01 PM

Most Expensive Tea: భారతదేశ జనాభాలో సుమారు 65 శాతం మంది ప్రతిరోజూ టీని తాగుతారు. భారతదేశంలో అనేక రకాల టీలు లభిస్తున్నప్పటికీ, వాటి ధరలు కిలోగ్రాముకు రూ.100 నుండి రూ.1,000-రూ.2,000 వరకు ఉంటాయి. కోట్ల రూపాయల విలువైన టీని మీరు ఊహించగలరా? ఇది మీకు వింతగా అనిపించవచ్చు. కానీ వాస్తవానికి ప్రపంచంలో ఒక ప్రధాన నగరంలోని విలాసవంతమైన బంగ్లా లేదా లగ్జరీ కారు విలువకు సమానమైన విలువైన టీ ఒకటి ఉంది. అయితే ప్రపంచంలో ఒక ప్రత్యేకమైన టీ పొడి ఉంది. దాని ధర కిలోకు కోట్ల రూపాయలు ఉండటం ఆశ్చర్యానికి గురిచేస్తుంది.

ఏది ఈ అరుదైన టీ?

Da Hong Pao అనే టీ ప్రపంచంలోనే అత్యంత ఖరీదైన టీగా గుర్తింపు పొందింది. దీనిని “బిగ్ రెడ్ రోబ్” అని కూడా పిలుస్తారు. ఇది చైనాలోని ఫుజియాన్ ప్రావిన్స్ రాష్ట్రంలోని వుయీ పర్వత ప్రాంతాల్లో పెరుగుతుంది. ఈ టీ కిలో ధర వేలం ప్రకారం సుమారు రూ.9 కోట్ల వరకు చేరింది. సీఎన్‌ఎన్‌ నివేదిక ప్రకారం 2002లో కేవలం 20 గ్రాముల ఈ టీని రూ. 26.17 లక్షలకు (సుమారు $28,000) వేలం వేశారు.

ఇది కూడా చదవండి: PAN Card Rules: పాన్‌ కార్డు ఉన్న వారికి అదిరిపోయే గుడ్‌న్యూస్‌.. 6 భారీ మార్పులు.. ఏప్రిల్‌ 1 నుంచి అమలు!

ఇవి కూడా చదవండి

ఎందుకు అంత ఖరీదు?

ఈ టీ అంత ఖరీదుగా ఉండటానికి ప్రధాన కారణం దాని అరుదుదనం. అసలు దా హోంగ్ పావో టీ “మదర్ బుషెస్” (పురాతన మొక్కలు) నుండి మాత్రమే లభిస్తుంది. ఇవి వందల సంవత్సరాల పాత మొక్కలు కావడం వల్ల ప్రతి సంవత్సరం చాలా తక్కువ మొత్తంలోనే ఆకులు తీసుకోగలుగుతారు. 2006 నుంచి చైనా ప్రభుత్వం ఈ ప్రాచీన మొక్కల నుంచి ఆకులు తీయడాన్ని పూర్తిగా నిషేధించింది. దీంతో ఈ టీ ఇప్పుడు దాదాపు అందుబాటులో లేకుండా పోయింది. అందువల్ల దీని ధర మరింత పెరిగింది.

చరిత్రలో ప్రత్యేక స్థానం

చైనా ప్రజలలో ఒక పురాణం ఉంది. మింగ్ రాజవంశం కాలంలో ఒక రాణి తీవ్రమైన అనారోగ్యంతో బాధపడుతుండగా, ఈ టీ తాగిన తర్వాత కోలుకున్నట్లు చెబుతారు. దీంతో రాజు ఆ టీ మొక్కలకు గౌరవ సూచకంగా ఎరుపు వస్త్రాలు కప్పించాడట. అప్పటి నుంచి దీనికి “బిగ్ రెడ్ రోబ్” అనే పేరు వచ్చింది.

రుచి ఎలా ఉంటుంది?

నిపుణుల ప్రకారం, ఈ టీ రుచి చాలా గాఢంగా, భూమి వాసన (earthy flavor) కలిగి ఉంటుంది. కొద్దిగా తీపి టేస్ట్‌తో పాటు దీని సువాసన చాలా సేపు నోటిలో గొంతులో నిలిచిపోతుంది. ఇది పర్వతాల చీలికల్లో పెరిగే కారణంగా అక్కడి ఖనిజాలను పీల్చుకుని ప్రత్యేకమైన రుచిని ఇస్తుంది. అందుకే దీనిని “రాక్ టీ” అని కూడా అంటారు.

ఇప్పుడున్న టీ ఇదేనా?

ప్రస్తుతం మార్కెట్‌లో లభించే దా హోంగ్ పావో టీ ఎక్కువగా అసలు “మదర్ బుషెస్” నుంచి కాకుండా, వాటి కట్టింగ్‌లతో పెంచిన కొత్త మొక్కల నుంచి తయారవుతుంది. ఇవి కూడా ఖరీదైనవే కానీ అసలు టీతో పోలిస్తే అంత విలువ ఉండదు. ప్రపంచంలోనే అత్యంత ఖరీదైన టీగా నిలిచిన దా హోంగ్ పావో, తన అరుదుదనం, చరిత్ర, ప్రత్యేకమైన రుచితో ప్రత్యేక స్థానం సంపాదించుకుంది. ఇది కేవలం ఒక పానీయం మాత్రమే కాకుండా, ఒక విలువైన వారసత్వంగా కూడా భావిస్తారు.

LPG Booking: దేశంలో గ్యాస్‌ బుకింగ్‌ నిబంధనలు మారాయని మీకు తెలుసా? ఇలా చేస్తే సిలిండర్‌ అందదు!

చైనాలో ఈ తేయాకు పొదలను జాతీయ సంపదగా పరిగణిస్తారు. ఈ పురాతన మొక్కలను రక్షించడానికి కాపలాదారులను నియమించారని ఒక బీబీసీ నివేదిక పేర్కొంది. 2006 నుండి, చైనా ప్రభుత్వం ఈ పురాతన మొక్కల నుండి ఆకులను కోయడాన్ని పూర్తిగా నిషేధించింది. దీనివల్ల ఈ తేయాకు దొరకడం దాదాపు అసాధ్యంగా మారింది. మిగిలి ఉన్న పాత తేయాకు ధర విపరీతంగా పెరిగిపోయింది. అంచనాల ప్రకారం, 1 గ్రాము తేయాకు ధర దాదాపు రూ.1.5 లక్షలు (దాదాపు $1.5 మిలియన్లు) ఉంటుంది. నేడు లభించే డా హాంగ్ పావో తేయాకును తరచుగా అసలు మొక్కల నుండి పెంచిన కొమ్మల నుండి తయారు చేస్తారు.