SBI Whatsapp Banking: వాట్సాప్ ద్వారా ఎస్‌బీఐ బ్యాంకింగ్ సేవలు.. ఇక క్యూలైన్స్‌కు చెక్..

ఇండియాలో అతి పెద్ద బ్యాంకు అయిన స్టేట్ బ్యాంక్ ఆఫ్ ఇండియా తన కస్టమర్ల సౌలభ్యం కోసం వివిధ రకాల ఆన్‌లైన్ సేవలను, మొబైల్ సేవలను అందిస్తుంది. తాజాగా ఎస్‌బీఐ వాట్సాప్ బ్యాంకింగ్ అనే కొత్త విధానాన్ని ప్రవేశపెట్టింది.

SBI

Nikhil |
Updated on: May 20, 2023 | 7:30 PM

భారతదేశంలో స్మార్ట్ ఫోన్ వినియోగం బాగా పెరిగింది. ఈ స్మార్ట్ ఫోన్‌లో ప్రతిఒక్కరూ ఇన్‌స్టంట్ మెసేజింగ్ ప్లాట్‌ఫామ్ అయిన వాట్సాప్‌ను అధికంగా వినియోగిస్తున్నారు. అలాగే భారతీయ బ్యాంకింగ్ రంగంలో పెరుగుతున్న టెక్నాలజీ వల్ల కస్టమర్ల సౌలభ్యం కోసం వివిధ సేవలను అందిస్తున్నాయి. అయితే ఆయా సేవల వివరాల కోసం బ్యాంక్‌కు వెళ్లే ఖాళీ ఎవరికీ ఉండదు. దీంతో ఇండియాలో అతి పెద్ద బ్యాంకు అయిన స్టేట్ బ్యాంక్ ఆఫ్ ఇండియా తన కస్టమర్ల సౌలభ్యం కోసం వివిధ రకాల ఆన్‌లైన్ సేవలను, మొబైల్ సేవలను అందిస్తుంది. తాజాగా ఎస్‌బీఐ వాట్సాప్ బ్యాంకింగ్ అనే కొత్త విధానాన్ని ప్రవేశపెట్టింది. ఈ సేవల ద్వారా కస్టమర్ బ్యాంకును సందర్శించకుండానే బ్యాంకింగ్ విచారణలన్నింటినీ చేసుకోవచ్చు. వాట్సాప్ బ్యాంకింగ్ ద్వారా అందించే సేవలు, వాట్సాప్ బ్యాంకింగ్‌ను ఎలా యాక్టివేట్ చేసుకోవాలో ఓ సారి చూద్దాం.

ప్రస్తుతం ఎస్‌బీఐ వాట్సాప్ ద్వారా 9 బ్యాంకింగ్ సేవలను అందిస్తోంది. ఎస్‌బీఐ వాట్సాప్ బ్యాంకింగ్ ప్లాట్‌ఫారమ్ ద్వారా మీరు పొందగల సేవల జాబితాను ఓ సారి చూద్దాం.

ఇవి కూడా చదవండి

ఖాతా బ్యాలెన్స్
మినీ స్టేట్‌మెంట్
పెన్షన్ స్లిప్
లోన్ ఉత్పత్తులపై సమాచారం (గృహ రుణం, కార్ లోన్, గోల్డ్ లోన్, పర్సనల్ లోన్, ఎడ్యుకేషనల్ లోన్)
డిపాజిట్ ఉత్పత్తులపై సమాచారం (సేవింగ్స్ ఖాతా, రికరింగ్ డిపాజిట్, టర్మ్ డిపాజిట్, ఫీచర్లు, వడ్డీ రేట్లు
ఎన్ఆర్ఐ సేవలు (ఎన్ఆర్ఈ ఖాతా, ఎన్ఆర్ఓ ఖాతా) ఫీచర్లు, వడ్డీ రేట్లు
ఇన్‌స్టంట్ బ్యాంక్ ఖాతా
కాంటాక్ట్స్/గ్రీవెన్స్ రిడ్రెసల్ హెల్ప్‌లైన్‌లు
ముందుగా ఆమోదించిన లోన్ స్థితి (వ్యక్తిగత లోన్, కార్ లోన్, టూ వీలర్ లోన్)

ఎస్‌బీఐ వాట్సాప్ బ్యాంకింగ్‌ను యాక్టివేట్ చేసుకోండిలా

ఎస్‌బీఐ వెబ్‌సైట్‌ని సందర్శించండి. వాట్సాప్ బ్యాంకింగ్ లింక్‌పై క్లిక్ చేయాలి.
మీ మొబైల్‌ని ఉపయోగించి క్యూఆర్ స్కాన్ చేస్తే ఈ సేవలను పొందవచ్చు. ప్రత్యామ్నాయంగా మీ వాట్సాప్ నంబర్ నుంచి +919022690226కి “హాయ్” అని పంపితే చాట్-బాట్ ఇచ్చిన సూచనలను అనుసరించాలి.దీంతో మనం ఎస్‌బీఐ వాట్సాప్ సేవలను పొందవచ్చు.