Redmi Turbo 4 Pro: రెడ్‌మీ నుంచి ఐఫోన్‌ 16లాగా కనిపించే మొబైల్‌..7550mAh బ్యాటరీ.. ఫీచర్స్‌ అదుర్స్‌!

షియోమి యాజమాన్యంలోని ప్రసిద్ధ రెడ్‌మి బ్రాండ్ శక్తివంతమైన బ్యాటరీతో మరో ఫోన్‌ను విడుదల చేసింది. ఈ కొత్త ఫోన్ రెడ్‌మి టర్బో 4 ప్రో పేరుతో వచ్చింది. ఇది 16GB RAM, Qualcomm Snapdragon 8s Gen 4 ప్రాసెసర్ వంటి శక్తివంతమైన ఫీచర్స్‌తో ఉంది. ఈ Redmi ఫోన్ వెనుక భాగంలో iPhone 16 లాంటి కెమెరా డిజైన్ ఉంది. అలాగే, దీనికి IP65, IP68 వంటి నీరు, ధూళి రేటింగ్‌లు ఉన్నాయి.

రెడ్‌మి టర్బో 4 ప్రో నాలుగు స్టోరేజ్ వేరియంట్‌లలో లభిస్తుంది. – 12GB RAM + 256GB, 12GB RAM + 512GB, 16GB RAM + 512GB, 16GB RAM + 1TB. దీని ప్రారంభ ధర CNY 2199 (సుమారు రూ. 25,700). అదే సమయంలో దాని టాప్ వేరియంట్ CNY 2,999 (రూ. 35,100). ఈ స్మార్ట్‌ఫోన్‌ను నలుపు, ఆకుపచ్చ, తెలుపు రంగులలో కొనుగోలు చేయవచ్చు.

రెడ్‌మి టర్బో 4 ఫీచర్లు:

ఈ Redmi ఫోన్ 6.83-అంగుళాల OLED డిస్‌ప్లేతో వస్తుంది. ఫోన్ డిస్‌ప్లే 1.5K రిజల్యూషన్ కలిగి ఉంది. ఇది 120Hz అధిక రిఫ్రెష్ రేట్‌తో గరిష్టంగా 3200 నిట్‌ల బ్రైట్‌నెస్‌కు మద్దతు ఇస్తుంది. ఈ ఫోన్ Qualcomm Snapdragon 8s Gen 4 ప్రాసెసర్‌తో నడుస్తుంది. 16GB LPDDR5X RAM, 1TB స్టోరేజీ వరకు ఉంది.

ఈ ఫోన్ వెనుక భాగంలో డ్యూయల్ కెమెరా సెటప్ ఉంది. ఇది ఐఫోన్ 16 లాగా నిలువుగా సమలేఖనం చేయబడిన డ్యూయల్ కెమెరా సెటప్‌ను కలిగి ఉంది. 50MP ప్రధాన OIS కెమెరా అందించింది కంపెనీ. దానితో పాటు 8MP అల్ట్రా-వైడ్ కెమెరా అందుబాటులో ఉంటుంది. ఈ ఫోన్‌లో సెల్ఫీలు, వీడియో కాలింగ్ కోసం 20MP కెమెరా ఉంది.

ఈ Redmi ఫోన్ 7,550mAh పెద్ద బ్యాటరీని కలిగి ఉంది. ఇది 90W ఫాస్ట్ వైర్డ్ ఛార్జింగ్, 22.5W రివర్స్ ఛార్జింగ్ సదుపాయం కూడా ఉంది. ఆండ్రాయిడ్ 15 ఆధారిత HyperOS తో వస్తుంది. ఇది ఇన్-డిస్ప్లే ఫింగర్ ప్రింట్ సెన్సార్, IP66, IP68, IP69 వాటర్, డస్ట్ రేటింగ్‌లను కలిగి ఉంది.

మరిన్ని టెక్ వార్తల కోసం ఇక్కడ క్లిక్ చేయండి