పాన్ కార్డ్ పోయిందా? కంగారు పడకండి.. ఇలా సింపుల్గా తిరిగి పొందొచ్చు!
డూప్లికేట్ పాన్ కార్డ్ పొందడం చాలా సులభం. NSDL లేదా UTIITSL వెబ్సైట్ల ద్వారా ఆన్లైన్లో దరఖాస్తు చేసుకోవచ్చు. కేవలం 50, 100 ఫీజుతో కొత్త పాన్ లేదా e-PAN పొందండి. ఆధార్ వివరాలతో ధృవీకరించాలి. మోసాలను నివారించడానికి పోలీసులకు ఫిర్యాదు చేయడం మంచిది.
Updated on: Mar 21, 2026 | 12:00 AM
పన్ను చెల్లింపులు, బ్యాంకింగ్ లావాదేవీలు వంటి ముఖ్యమైన పనుల కోసం అవసరమైన పాన్ కార్డ్ పోగొట్టుకుంటే చాలా మంది ఆందోళనకు గురవుతారు. అయితే ఇన్కమ్ ట్యాక్స్ డిపార్ట్మెంట్ మార్గదర్శకాల ప్రకారం పాన్ కార్డ్ను మళ్లీ పొందడం చాలా సులభమైన ప్రక్రియ. మొదటగా పాన్ నంబర్ మీకు తెలిసి ఉంటే పని మరింత సులభమవుతుంది. పాన్ కార్డ్ పోయిన సందర్భంలో డూప్లికేట్ కోసం ఆన్లైన్లో అప్లై చేయవచ్చు. ఇందుకు NSDL లేదా UTIITSL వెబ్సైట్లను ఉపయోగించవచ్చు. Reprint of PAN Card లేదా Duplicate PAN ఆప్షన్ను ఎంచుకుని, అవసరమైన వివరాలు నమోదు చేయాలి.
అప్లికేషన్ సమయంలో ఆధార్, జన్మతేదీ వంటి వ్యక్తిగత వివరాలను ధృవీకరించాలి. సాధారణంగా రూ.50 నుంచి రూ.100 వరకు ఫీజు చెల్లించాల్సి ఉంటుంది. ఆన్లైన్ ద్వారా చెల్లింపు పూర్తి చేసిన తర్వాత, మీ అడ్రస్కు కొత్త పాన్ కార్డ్ పోస్టు ద్వారా పంపబడుతుంది. అదేవిధంగా త్వరగా అవసరమైతే e-PAN రూపంలో కూడా పొందవచ్చు. ఇది PDF ఫార్మాట్లో అందుబాటులోకి వస్తుంది, వెంటనే డౌన్లోడ్ చేసుకోవచ్చు.
పాన్ కార్డ్ పోయినప్పుడు మోసాలకు గురికాకుండా ఉండేందుకు, అవసరమైతే సమీప పోలీస్ స్టేషన్లో ఫిర్యాదు చేయడం మంచిదని నిపుణులు సూచిస్తున్నారు. డిజిటల్ సేవలు విస్తరించిన నేపథ్యంలో పాన్ కార్డ్ వంటి కీలక పత్రాలను తిరిగి పొందడం ఇప్పుడు వేగవంతమైంది. అయితే, వ్యక్తిగత సమాచారాన్ని రక్షించుకోవడం, భవిష్యత్తులో ఇలాంటి సమస్యలు రాకుండా జాగ్రత్తలు తీసుకోవడం అవసరం.
మరిన్ని బిజినెస్ వార్తల కోసం ఇక్కడ క్లిక్ చేయండి
