Gold Price: గోల్డ్, సిల్వర్ రాకెట్ స్పీడ్.. బంగారంపై 12 వేలు.. వెండిపై రూ.15 వేలు.. పెరగడానికి కారణాలివే!
Gold, Silver Prices: ప్రస్తుతం బంగారం, వెండి ధరలు రికార్డు స్థాయిలో దూసుకుపోతున్నాయి. గత కొన్ని రోజులుగా తగ్గుముఖం పట్టిన ధరలు.. గత వారంలో రికార్డు స్థాయిలో పెరిగాయి. తులం బంగారంపై రూ.12 వేలు, కిలో వెండిపై 15 వేల రూపాయల వరకు పెరిగింది.
Updated on: Aug 22, 2026 | 9:04 PM
Gold, Silver Prices: ఈ వారం దేశీయ, అంతర్జాతీయ బులియన్ మార్కెట్లలో బంగారం, వెండి ధరలు భారీగా పెరిగాయి. ఈ పెరుగుదల పెట్టుబడిదారులను ఆశ్చర్యపరచగా, ఆభరణాలు కొనాలనుకుంటున్న సాధారణ వినియోగదారులను ఆందోళనకు గురిచేసింది. కేవలం వారం రోజుల్లోనే 10 గ్రాముల బంగారం ధర 10,727 రూపాయలకు పైగా, కిలోగ్రాము వెండి ధర 12,000 రూపాయలకు పైగా పెరిగింది. అంతర్జాతీయంగా బంగారం ధరలు ఔన్సుకు $4,600పైగా, వెండి ధరలు ఔన్సుకు దాదాపు $69పైగా చేరుకున్నాయి.
ఇండియా బులియన్ జ్యువెలర్స్ అసోసియేషన్ (IBJA) ప్రకారం, 24-క్యారెట్ల బంగారం ధర ఈ వారం రూ.8,257 పెరిగి, 10 గ్రాములకు రూ.1,63,090కి చేరింది. గతంలో ఈ ధర 10 గ్రాములకు రూ.1,52,363గా ఉండేది. 22-క్యారెట్ల బంగారం ధర 10 గ్రాములకు రూ.1,39,565గా ఉండగా, ఇప్పుడు అది రూ.1,49,500కి పెరిగింది. 18-క్యారెట్ల బంగారం ధర 10 గ్రాములకు రూ.1,14,272గా ఉండగా, ఇప్పుడు అది రూ.1,22,32కి పెరిగింది.
ఇది కూడా చదవండి: Antilia: అంబానీ ఇంట్లో ఏసీలు ఎందుకు ఉండవు..? భారీ భుకంపాలను ఎలా తట్టుకుంటుంది? ఇంటి సీక్రెట్స్ ఏంటో తెలిస్తే షాకవుతారు..!
వారమంతా బంగారం ధరలు గణనీయమైన హెచ్చుతగ్గులకు లోనయ్యాయి. వారంలో అత్యల్ప ధర ఆగస్టు 19న ఉదయం సెషన్లో 10 గ్రాములకు రూ.1,52,884గా నమోదైంది. వారంలో అత్యధిక ధర ఆగస్టు 21న సాయంత్రం సెషన్లో నమోదైంది. ఆ రోజు ధరలు 10 గ్రాములకు రూ.1,63,090 వద్ద రికార్డు స్థాయిలో ముగిశాయి.
బంగారం లాగే ఈ వారం వెండి ధర కూడా గణనీయంగా పెరిగింది. ప్రస్తుతం హైదరాబాద్లో కిలో వెండి ధర రూ.2,70,00లకు చేరుకుంది. గత వారంలో పెరిగిన ధరలను చూస్తే కిలోపై ఏకంగా 15 వేల రూపాయల వరకు ఎగబాకింది.
బంగారం, వెండి పెరగడానికి ముఖ్య కారణాలు:
- అమెరికా డాలర్ బలహీనపడటం: అంతర్జాతీయంగా అమెరికన్ డాలర్ విలువ తగ్గి బాండ్ ఈల్డ్స్ పడిపోవడంతో, మదుపరుల దృష్టి బంగారంపైకి మళ్ళింది. డాలర్ తగ్గితే ఇతర దేశాల కరెన్సీల్లో బంగారం చౌకగా మారి కొనుగోళ్లు పెరుగుతాయి.
- యుద్ధ భయాలు – భౌగోళిక ఉద్రిక్తతలు: మధ్య ప్రాచ్యంలో (అమెరికా-ఇరాన్ మధ్య) పెరుగుతున్న ఉద్రిక్తతల వల్ల ప్రపంచ ఆర్థిక మార్కెట్లలో అనిశ్చితి నెలకొంది. ఇలాంటి సమయాల్లో పెట్టుబడిదారులు సురక్షితమైన పెట్టుబడిగా భావించే బంగారం వైపు మొగ్గు చూపుతారు.
- ఫెడరల్ రిజర్వ్ వడ్డీ రేట్ల అంచనాలు: అమెరికా ఫెడరల్ రిజర్వ్ త్వరలోనే వడ్డీ రేట్లను తగ్గించే అవకాశం ఉందనే సంకేతాలు రావడంతో పసిడికి డిమాండ్ ఒక్కసారిగా పెరిగింది.
- కేంద్ర బ్యాంకుల భారీ కొనుగోళ్లు: భారత్, చైనాతో పాటు ప్రపంచవ్యాప్తంగా ఉన్న పలు దేశాల సెంట్రల్ బ్యాంకులు తమ వద్ద ఉన్న రిజర్వుల్లో డాలర్లపై ఆధారపడటాన్ని తగ్గించి, పెద్ద ఎత్తున బంగారాన్ని కొనుగోలు చేసి నిల్వ చేసుకుంటున్నాయి.
- వెండికి పెరిగిన పారిశ్రామిక డిమాండ్: బంగారం రేటు పెరిగేటప్పుడు వెండి ధర కూడా దానికి అనుగుణంగా పెరుగుతుంది. దీనికి తోడు సోలార్ ప్యానెల్స్, ఎలక్ట్రిక్ వాహనాలు (EVs), ఎలక్ట్రానిక్స్ రంగాల్లో వెండి వినియోగం విపరీతంగా పెరగడం వల్ల వెండికి డిమాండ్ ఊహించని రీతిలో పెరిగింది.
ఇది కూడా చదవండి: Jio: నెలకు రూ.103తో 336 రోజుల వ్యాలిడిటీ.. అపరిమిత వాయిస్ కాల్స్.. డేటా!
ఇది కూడా చదవండి: రైతు మరణానంతరం భూమి ఎవరికి చెందుతుందా? పీఎం కిసాన్ డబ్బు ఎవరికి దక్కుతాయి?
మరిన్ని బిజినెస్ వార్తల కోసం ఇక్కడ క్లిక్ చేయండి
