బ్రేకింగ్.. సీఏఏపై స్టేకు సుప్రీం ‘నో’.. కేంద్రానికి 4 వారాల గడువు

|

Jan 22, 2020 | 11:53 AM

సీఏఏపై స్టే జారీ చేసేందుకు సుప్రీంకోర్టు నిరాకరించింది. ఈ చట్టాన్ని సవాలు చేస్తూ దాఖలైన పిటిషన్లపై నాలుగు వారాల్లోగా సమాధానాన్ని ఇవ్వాలని కేంద్రానికి సూచించింది. ఈ పిటిషన్లపై అయిదుగురు న్యాయమూర్తుల రాజ్యాంగ ధర్మాసనం మధ్యంతర ఉత్తర్వులను ఇస్తుందని పేర్కొంది. కేంద్రంవాదన వినకుండానే ఈ చట్టాన్ని అమలు కాకుండా నిలుపుదల చేయజాలమని స్పష్టం చేసింది. కాగా, అంతకముందు.. వివాదాస్పదమైన సీఏఏని సవాలు చేస్తూ.. సుప్రీంకోర్టులో అసంఖ్యాకంగా-144 పిటిషన్లు దాఖలయ్యాయి. సీజేఐ ఎస్.ఎ. బాబ్డే నేతృత్వంలోని ముగ్గురు న్యాయమూర్తుల బెంచ్ వీటిని […]

బ్రేకింగ్.. సీఏఏపై స్టేకు సుప్రీం నో.. కేంద్రానికి 4 వారాల గడువు
Follow us on

సీఏఏపై స్టే జారీ చేసేందుకు సుప్రీంకోర్టు నిరాకరించింది. ఈ చట్టాన్ని సవాలు చేస్తూ దాఖలైన పిటిషన్లపై నాలుగు వారాల్లోగా సమాధానాన్ని ఇవ్వాలని కేంద్రానికి సూచించింది. ఈ పిటిషన్లపై అయిదుగురు న్యాయమూర్తుల రాజ్యాంగ ధర్మాసనం మధ్యంతర ఉత్తర్వులను ఇస్తుందని పేర్కొంది. కేంద్రంవాదన వినకుండానే ఈ చట్టాన్ని అమలు కాకుండా నిలుపుదల చేయజాలమని స్పష్టం చేసింది.

కాగా, అంతకముందు.. వివాదాస్పదమైన సీఏఏని సవాలు చేస్తూ.. సుప్రీంకోర్టులో అసంఖ్యాకంగా-144 పిటిషన్లు దాఖలయ్యాయి. సీజేఐ ఎస్.ఎ. బాబ్డే నేతృత్వంలోని ముగ్గురు న్యాయమూర్తుల బెంచ్ వీటిని బుధవారం విచారించింది. ఈ చట్టాన్ని వెంటనే ఉపసంహరించాలని కోరుతున్న పిటిషన్లే వీటిలో ఎక్కువగా ఉన్నాయి. ఈ చట్టం లీగల్ కాదని, మౌలిక రాజ్యాంగ వ్యవస్థకు, సమానత్వ హక్కుకు వ్యతిరేకంగా ఉందని పిటిషనర్లు విమర్శించారు. ఈ నెల 10 న అమలులోకి తెచ్చిన ఈ చట్టాన్ని అమలుకాకుండా స్తంభింపజేయాలని కూడా కొందరు అభ్యర్థించారు. కాంగ్రెస్ పార్టీతో బాటు డీఎంకే, సీపీఐ, సీపీఎం, ఐయుఎంఎల్, ఎంఐఎం సహా.. నటుడు కమల్ హాసన్ నాయకత్వంలోనిమక్కల్ నీది మయ్యం కూడా ఈ చట్టాన్ని వ్యతిరేకిస్తూ పిటిషన్లు దాఖలు చేశాయి.

సవరించిన పౌరసత్వ చట్టం రాజ్యాంగబధ్దమైనదేనని ప్రకటించాలని కోరుతూ దాఖలైన పిటిషన్ ను విచారించేందుకు కోర్టు ఈ నెల 9 న నిరాకరించింది.ఈ దేశం వివిధ సమస్యలను ఎదుర్కొంటోందని, ప్రస్తుతం శాంతి నెలకొనేలా చూడాల్సి ఉందని న్యాయమూర్తులు బీ.ఆర్. గవాయ్, సూర్యకాంత్ లతో కూడిన ధర్మాసనం స్పష్టం చేసింది. ఈ చట్టం చెల్లుబాటును కోర్టు నిర్ణయించాల్సి ఉంది తప్ప.. ఇదిరాజ్యాంగ బధ్దమేనని ప్రకటించడానికి కాదని పేర్కొంది. పైగా దాఖలైన పిటిషన్లకు సంబంధించి కోర్టు కేంద్రానికి నోటీసుకూడా జారీ చేసింది. ఈ విధమైన పలు పిటిషన్లు హైకోర్టుల్లో కూడా దాఖలయ్యాయని, వాటిని సుప్రీంకోర్టుకు బదలాయించవలసి ఉందని ఈ ధర్మాసనం అభిప్రాయపడింది.