Breaking News
  • చెన్నై: ఐఐటీ విద్యార్థిని ఫాతిమా లతీఫ్‌ ఆత్మహత్య కేసు. ఫాతిమా లతీఫ్‌ ఆత్మహత్యపై విద్యార్థి సంఘాల ఆందోళనలు. అసిస్టెంట్‌ ప్రొఫెసర్‌ పద్మనాభన్‌పై చర్యలు తీసుకోవాలని డిమాండ్‌. నేడు ఐఐటీ ముట్టడికి విద్యార్థి సంఘాల పిలుపు.
  • కరీంనగర్‌: అలుగునూరులో రోడ్డుప్రమాదం. లారీ ఢీకొని ఇద్దరు యువకులు మృతి. మృతులు సాయికిరణ్‌, సాయికృష్ణగా గుర్తింపు.
  • నిజామాబాద్‌: భీమ్‌గల్‌ మండలం లింబాద్రిగుట్ట జాతరలో ప్రమాదం. డ్యాన్సింగ్‌ వీలుపై నుంచి పడి రవి అనే వ్యక్తికి తీవ్రగాయాలు. నిజామాబాద్‌ ఆస్పత్రికి తరలింపు.
  • ప్రభుత్వం 50 మంది కార్మికులను చంపేసింది. తప్పుడు విధానాలతో భవన నిర్మాణ కార్మికులు ఆకలితో చనిపోతున్నారు. ప్రజా సమస్యల పరిష్కారం కోసం ప్రభుత్వంపై యుద్ధం చేస్తున్నా. వ్యక్తిగతంగా విమర్శించను.. తప్పుడు విధానాలపైనే ప్రశ్నిస్తున్నా. కార్మికుల కష్టాలను సీఎం జగన్‌ పట్టించుకోవాలి-పవన్‌కల్యాణ్‌.
  • విశాఖ: ఏజెన్సీలో తగ్గిన ఉష్ణోగ్రతలు. అరకులో 13, చింతపల్లిలో 8, మినుములూరులో 10 డిగ్రీల ఉష్ణోగ్రత. పాడేరులో 12 డిగ్రీల ఉష్ణోగ్రత నమోదు.
  • కర్నూలు: విజయానికేతన్‌ స్కూల్‌ కరస్పాండెంట్‌, డైరెక్టర్‌ అరెస్ట్. సాంబార్‌ గిన్నెలో పడి విద్యార్థి మృతి చెందిన ఘటనలో అరెస్ట్‌. కరస్పాండెంట్ నాగమల్లేశ్వరరెడ్డి, డైరెక్టర్ విజయకుమార్‌రెడ్డిని.. రహస్యంగా రిమాండ్‌కు తరలించిన పాణ్యం పోలీసులు. హాస్టల్‌కు అనుమతి లేదని తేల్చిన విద్యాశాఖ అధికారులు. ఇంత వరకు బయటకు రాని సీసీఫుటేజ్‌. హాస్టల్‌లో సీసీ కెమెరాలు లేవంటున్న యాజమాన్యం.
  • హైదరాబాద్‌: మాదాపూర్‌లో రోడ్డుప్రమాదం. అయ్యప్ప సొసైటీలో అదుపుతప్పి స్కూల్‌ బస్సు బోల్తా. బస్సులో విద్యార్థులెవరూ లేకపోవడంతో తప్పిన ప్రమాదం.

అప్పుడాయన.. ఇప్పుడీయన.. ఎవరో ఒకరు అదే తీరు !

ప్రతీ ప్రభుత్వానికి తలనొప్పులు తెచ్చే నేత ఎవరో ఒకరు వుంటూనే వుంటారు. గత ప్రభుత్వ హయాంలో దెందులూరుకు చెందిన చింతమనేని ప్రభాకర్ తరచూ కేసులతో, గొడవలతో వార్తలకెక్కే వారు. ప్రస్తుత ప్రభుత్వ హయాంలో ఆ బాధ్యతలను నెల్లూరుకు చెందిన కోటంరెడ్డి శ్రీధర్ రెడ్డి తీసుకున్నట్లు  కనిపిస్తోంది. అచ్చు గుద్దినట్లు అదే తీరు. పార్టీ అధినేతలకు నెత్తి నొప్పి పుట్టించే తీరు.

చింతమనేని ప్రభాకర్.. తెలుగు దేశం పార్టీలో సీనియర్ నేత, పశ్చిమ గోదావరి జిల్లా దెందులూరు నియోజకవర్గ మాజీ ఎమ్మెల్యే కూడా.. అయితే టీడీపీ అధికారంలో ఉన్నప్పుడు రెచ్చిపోయిన ఈ ఎమ్మెల్యే… ఇప్పుడు కటకటాలపాలయ్యారు. అంతేకాదు… గతంలో చేసిన ఒక్కో కేసు ఇప్పుడు అతన్ని వెంటాడుతున్నాయి. ఈయనపై 1995లోనే ఏలూరు పోలీసు స్టేషన్లో రౌడీ షీట్ ఓపెన్ చేశారు పోలీసులు.

అయితే ఈ ఎమ్మెల్యే గారు.. గత 2014లో టీడీపీ అధికారంలో ఉన్నప్పుడు చేసిన బాగోతాలు అన్నీ ఇన్నీ కావు.. మహిళా అధికారులపై కూడా దాడులకు దిగిన ఆరోపణలు ఉన్నాయి. అంతేకాదు.. దళితులపై అనుచిత వ్యాఖ్యలు చేశారన్న ఆరోపణలు కూడా ఉన్నాయి. గతంలో కూడ అనేక సందర్భాల్లో ప్రభుత్వాధికారులపై చేయి చేసుకున్న ఆరోపణలపై పోలీసులు కేసులు నమోదు చేశారు అప్పట్లో. అయితే 2014 నుంచి అధికారంలో టీడీపీ ఉండటంతో.. ఈ ఎమ్మెల్యేను టచ్‌ చేయడానికి పోలీసులు కూడా ధైర్యం చేయలేక పోయారు.  1995లో చింతమనేనిపై తొలసారి ఏలూరు పోలీస్ ష్టేషన్ లో రౌడీ షీట్ ఓపెన్ చేశారు. అప్పటించి.. మొన్నటి కేసు వరకు కలిపితే మొత్తం నలభైకి పైగానే కేసులు చింతమనేనిపై వున్నాయి.

ఇక చింతమనేని ప్రభాకర్ కు తానేమీ తీసిపోలేదని చాటుకుంటున్నారు వైసీపీ నేత, నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి. తాజాగా నెల్లూరు రూరల్ మండలం కల్లూరుపల్లి హౌసింగ్ బోర్డులోని వెంకటాచలం మండలం ఎంపిడిఓ సరళ ఇంటిపై కోటంరెడ్డి శ్రీధర్రెడ్డి దౌర్జన్యంచేశారని పోలీసులకు పిర్యాదు అందింది.. గొలగమూడి వద్ద ఉన్న ఓ లే అవుట్ కు నీటి కనెక్షన్ మంజూరు చేయలేదని ఈ దౌర్జన్యానికి పాల్పడ్డా డని తన ఇంటికి విద్యుత్తు, కేబుల్ కనెక్షన్లు తొలగించారని ఎంపీడీఓ సరళ పోలీసులకు ఇచ్చిన పిర్యాదులో పేర్కొన్నారు.. నీటి పైపులను తొలగించేందుకు గుంతను తవ్వారు. దీంతో అధికారిని తనకు న్యాయం చేయాలంటూ నెల్లూరు రూరల్ పోలీస్ స్టేషన్లో ఫిర్యాదు చేశారు.

అంతకు ముందు పోలీసులు ఎవరూ పట్టించుకోకపోవడంతో ఆమె స్టేషన్లోని చెట్టు కిందే కొంతసేపు నిరసన తెలిపారు. గొలగమూడిలో ఎమ్మెల్యే శ్రీధర్రెడ్డి అనుచరుడు బిరదవోలు శ్రీకాంత్రెడ్డి సమీప బంధువు కృష్ణారెడ్డి లేఅవుట్ వేశారు. అయితే దీనికి సంబంధించి నీటి కనెక్షన్ ఇవ్వాలని ఈ నెల ఒకటవ తేదీన ఫోన్లో బిరదవోలు శ్రీకాంత్ రెడ్డి,  ఎమ్మెల్యే శ్రీధర్ రెడ్డి తనతో మాట్లాడారని రేపటిలోగా పని పూర్తి చేయాలని ఎమ్మెల్యే బెదిరించారని ఎంపీడివో ఫిర్యాదు చేయడంతో కేసు నమోదైంది. అయితే ఎమ్మెల్యే కోటంరెడ్డి శ్రీధర్ రెడ్డి తనపై.వచ్చిన ఆరోపణల్లో వాస్తవం లేదని వాదిస్తున్నారు.

ఏదిఏమైనా దురుసు ప్రవర్తనతో రాజకీయాల్లో కొనసాగుతూ తానున్న పార్టీకే తలనొప్పులు తేవడంలో అటు చింతమనేని, ఇటు కోటంరెడ్డి ఎవరికి ఎవరు తీసిపోరని ఏపీ పాలిటిక్స్ ని దగ్గర్నించి గమనిస్తున్నవారు అభిప్రాయపడుతున్నారు.