Breaking News
  • వరద బాధితుల సహాయార్థం పెద్దఎత్తున సీఎంఆర్ఎఫ్ కి విరాళాలు: భారీ వరదల వల్ల ఇబ్బందులు ఎదుర్కొంటున్న హైదరాబాద్ నగరవాసులకు అండగా నిలిచేందుకు పలువురు ముందుకు వచ్చారు. ముఖ్యమంత్రి చంద్రశేఖర రావు గారి పిలుపు మేరకు తెలంగాణ ముఖ్యమంత్రి సహాయ నిధికి విరాళాలు అందజేశారు. కష్టకాలంలో ప్రజలను ఆదుకునేందుకు ముందుకు వచ్చి విరాళాలు ఇచ్చిన ప్రతి ఒక్కరికి మంత్రి కేటీఆర్ ప్రత్యేకంగా ధన్యవాదాలు తెలిపారు.
  • తిరుమల: వైభవంగా శ్రీవారి నవరాత్రి బ్రహ్మోత్సవాలు. చంద్రప్రభ వాహనంపై దర్శనమిస్తున్న మలయప్ప స్వామి. కరోనా దృష్ట్యా ఏకాంతంగా వాహన సేవలు.
  • ఏపీలో కొత్తగా 3,620 కరోనా కేసులు నమోదు, 16 మంది మృతి. ఏపీలో 7,96,919కు చేరిన కరోనా కేసులు. ఏపీలో ఇప్పటి వరకు కరోనాతో 6,524 మంది మృతి. యాక్టివ్‌ కేసులు 32,257, ఇప్పటి వరకు 7,58,138 మంది డిశ్చార్జ్. ఏపీలో ఇప్పటి వరకు 73,47,776 కరోనా పరీక్షల నిర్వహణ.
  • డాక్టర్‌ రెడ్డీస్‌ ల్యాబ్‌పై సైబర్‌ ఎటాక్‌. డేటా చోరీ యత్నం జరిగినట్టు గుర్తించిన రెడ్డీస్ ల్యాబ్. ఐదు దేశాల్లో సంస్థ కార్యకలాపాలపై ప్రభావం. భారత్‌ సహా అమెరికా, లండన్‌, బ్రెజిల్‌, రష్యాలో నిలిచిన ఉత్పత్తులు. కరోనా వ్యాక్సిన్‌ కోసం ప్రపంచ వ్యాప్తంగా ప్రయోగాలు. ఔషధ ప్రయోగశాలలను టార్గెట్‌ చేసిన సైబర్‌ నేరగాళ్లు. స్పుత్నిక్‌-వి ట్రయల్స్ కోసం డాక్టర్‌ రెడ్డీస్‌తో రష్యా ఒప్పందం. సైబర్‌ ఎటాక్‌తో భారీ నష్టం వాటిల్లిందన్న రెడ్డీస్‌ ల్యాబ్. సైబర్‌ క్రైమ్‌ పోలీసులకు ఫిర్యాదు చేసిన రెడ్డీస్‌ ల్యాబ్‌. 24 గంటల తర్వాత ఉత్పత్తిని తిరిగి ప్రారంభిస్తామన్న రెడ్డీస్‌ ల్యాబ్.
  • హైదరాబాద్‌: నేరేడ్‌మెట్‌ అంబేద్కర్‌నగర్‌లో విషాదం. కరోనాతో వెంకటేష్‌ అనే వ్యక్తి మృతి. భర్త మృతిని తట్టుకోలేక భార్య ధనలక్ష్మి ఆత్మహత్య. బిల్డింగ్‌ పైనుంచి దూకి ఆత్మహత్య చేసుకున్న ధనలక్ష్మి.
  • విశాఖ చేరుకున్న అసోం రైఫిల్స్ జవాన్‌ బాబూరావు మృతదేహం. అసోం రైఫిల్స్ విధి నిర్వహణలో ప్రాణాలు కోల్పోయిన బాబూరావు. ఖోన్సా దగ్గర ఎదురుకాల్పుల్లో బాబూరావు మృతి. బాబూరావు స్వస్థలం శ్రీకాకుళం జిల్లా వజ్రపుకొత్తూరు. విశాఖ ఎయిర్‌పోర్ట్‌లో భద్రతా దళాల నివాళులు. బాబూరావు భౌతికకాయం స్వస్థలానికి తరలింపు.
  • మహబూబాబాద్‌: హత్యకు గురైన దీక్షిత్‌ తల్లి ఆవేదన. నా కొడుకును హత్యచేసిన నిందితులను ఎన్‌కౌంటర్‌ చేయాలి. ఇలాంటి ఉన్మాదులను ఎన్‌కౌంటర్‌ చేయకపోతే.. ఏ తల్లీ ధైర్యంగా పిల్లలను బయటకు పంపే పరిస్థితి ఉండదు. పిల్లవాడని చూడకుండా కిరాతకంగా చంపినవారికి తగిన శిక్ష విధించాలి. నిందితులను ఎన్‌కౌంటర్‌ చేస్తేనే నా కుమారుడి ఆత్మ శాంతిస్తుంది. -బాలుడు దీక్షిత్‌ తల్లి వసంత.

‘ట్రంప్ వచ్చి బీహార్ కి ప్రత్యేక ప్రతిపత్తి ఇస్తాడా’ ? తేజస్వి యాదవ్

బీహార్ ఎన్నికల నేపథ్యంలో ప్రతిపక్షాల 'మహా ఘట్ బంధన్' శనివారం తన ఎన్నికల మేనిఫెస్టోను విడుదల చేసింది. ఆర్జేడీ, కాంగ్రెస్, లెఫ్ట్ పార్టీలతో కూడిన ఈ 'మహా కూటమి'..బీహార్ రాష్ట్రానికి ప్రత్యేక ప్రతిపత్తి అంశాన్ని లేవనెత్తింది.

bihar elections manifesto released by opposition parties, ‘ట్రంప్ వచ్చి బీహార్ కి ప్రత్యేక  ప్రతిపత్తి ఇస్తాడా’ ? తేజస్వి యాదవ్

బీహార్ ఎన్నికల నేపథ్యంలో ప్రతిపక్షాల ‘మహా ఘట్ బంధన్’ శనివారం తన ఎన్నికల మేనిఫెస్టోను విడుదల చేసింది. ఆర్జేడీ, కాంగ్రెస్, లెఫ్ట్ పార్టీలతో కూడిన ఈ ‘మహా కూటమి’..బీహార్ రాష్ట్రానికి ప్రత్యేక ప్రతిపత్తి అంశాన్ని లేవనెత్తింది. గత 15 సంవత్సరాలుగా నితీష్ కుమార్ ఈ రాష్ట్రంలో పాలన సాగిస్తున్నారని, కానీ ప్రత్యేక ప్రతిపత్తి మాత్రం రాలేదని ఆర్జేడీ నేత తేజస్వి యాదవ్ ఆరోపించారు. ఈ సందర్భంగా ఆయన..అమెరికా అధ్యక్షుడు డొనాల్డ్ ట్రంప్ ఇక్కడికి వచ్చి ప్రత్యేక ప్రతిపత్తిని ఇస్తాడా అని వ్యంగ్యంగా వ్యాఖ్యానించారు. నితీష్ కుమార్ ఇన్నేళ్ళుగా ఈ రాష్ట్రానికి సీఎంగా ఉన్నప్పటికీ స్పెషల్ కేటగిరీ మాత్రం రాలేదన్నారు. బీజేపీ, జేడీ-యూ అధినేత నితీష్ ఈ రాష్ట్రానికి వెన్నుపోటు పొడిచారని ఆయన  దుయ్యబట్టారు.

తమ ప్రభుత్వం అధికారంలోకి వచ్చిన పక్షంలో పది లక్షల ఉద్యోగాలు కల్పిస్తామని, వివాదాస్పద రైతు చట్టాలను రద్దు చేస్తామని ఈ ఎన్నికల మేనిఫెస్టోలో ప్రతిపక్ష నేతలు హామీ ఇచ్చారు.   ఈ 15 ఏళ్లలో రాష్ట్రంలో  నేరాలు, ఘోరాలు పెరిగిపోయాయని తేజస్వి యాదవ్ అన్నారు. 2005 లో నితీష్ ప్రభుత్వం అధికారంలోకి వచ్చినప్పటి నుంచి తరచూ ప్రత్యేక ప్రతిపత్తి అంశం తెరమీదకి వస్తోంది. ఈ ఏడాది ఫిబ్రవరిలో సైతం కొన్ని పార్టీల నేతలు ఈ నినాదాన్ని ప్రస్తావించారు. కాగా ఈ మేనిఫెస్టో విడుదల సందర్భంలో కాంగ్రెస్ అధికార ప్రతినిధి రణవీర్ సింగ్ సూర్జేవాలా కూడా పాల్గొని..రాష్ట్రంలో మార్పు రావాలని తాము కోరుతున్నామన్నారు.

 

Related Tags